Մոխրագույն սարյակ

Վիքիպեդիայից՝ ազատ հանրագիտարանից
Jump to navigation Jump to search
Մոխրագույն սարյակ
Մոխրագույն սարյակներ
Մոխրագույն սարյակներ
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Կարգ Ճնճղուկանմաններ
Ընտանիք Սարյակներ (ընտանիք)
Ցեղ Սարյակներ (ցեղ)
Տեսակ Մոխրագույն սարյակ
Լատիներեն անվանում
Sturnus cineraceus
Coenraad Jacob Temminck, 1835
Հատուկ պահպանություն

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում

ITIS 179639
NCBI 36269
EOL 922269

Մոխրագույն սարյակ (լատ.՝ Sturnus cineraceus), երգեցիկ թռչուն սարյակների ընտանիքից՝ սարյակների ցեղից։ Հանդիպում է Արևելյան Ասիայում, այդ թվում նաև՝ Ռուսաստանի Դաշնության սահմանում՝ Հեռավոր Արևելքում։

Նկարագիր[խմբագրել | խմբագրել կոդը]

Ոչ մեծ թռչուն, որի երկարությունը 20-23 սմ[1]։ Մարմնի վերին շրջանի փետուրները մոխրագույն կամ դարչնագույն են։ Կուրծքը, փորը և վերնապոչը ակնհայտորեն բաց գույն ունեն՝ բաց մոխրագույն կամ կեղտոտ սպիտակ։ Այս կենդանիների ծիածանաթաղանթը դարչնագույն է։ Կտուցը դեղնանարնջագույն է, որը բազմացման շրջանում դառնում է ավելի մուգ։ Առաջնային և երկրորդային թևերն ու պոչը դարչնագույն են՝ թույլ բրոնզագույն և կանաչավուն երանգով։ Ոտքերը գազարագույն են։ Արուների հետ համեմատությամբ, էգերն ունեն ավելի բաց գունավորում, դարչնագույն փետուրներ։ Երիտասարդ առանձնյակները նման են մեծերին, բայց այտերի վրա ունեն դարչնագույն պուտեր։ Ձայնը միատոն է, սուր[2]։

Տարածվածություն[խմբագրել | խմբագրել կոդը]

Բնադրում են Ճապոնիայում, Կորեայում, Հյուսիս-արևելյան Չինաստանում, Արևելյան Մոնղոլիայում, Ռուսաստանի Դաշնությունում՝ Անդրբայկալում, Պրիմորիեի երկրամասում, Սախալինում և Կուրիլյան կղզիներում։ Տարածվածության արեալի մեծամասնությունը բաժին է ընկնում ճապոնական Հոկայդո կղզուն։ Համարվում է չվող թռչուն։ Ճապոնական կղզիներում վարում է նստակյաց կյանք։ Միգրացիայի ժամանակ ձմեռում է Չինաստանի հարավում, Թայվանում, Հոնկոնգում։

Սովորաբար հանդիպում է հարթավայրային շրջաններում՝ այգիներ, զբոսայգիներ, արոտավայրեր, գյուղեր և խոշոր քաղաքներ։ Օրինակ, Ճապոնիայում նրան համարում են «քաղաքային թռչուն»։ Խուսափում են խիտ բուսականությամբ ծածկված անտառակներից։ Ձմռան ամիսներին հանգրվանում են բրնձի պլանտացիաներում։

Միգրացիայի ժամանակ բնադրած վայրերից չվում է մարտի վերջին և ապրիլի սկզբին։ Աշնանային միգրացիան տեղի է ունենում հոկտեմբերից մինչև նոյեմբերի կեսերը։

Ծանոթագրություններ[խմբագրել | խմբագրել կոդը]

  1. C. Feare, A. Craig, B. Croucher, C. Shields, K. Komolphalin. «Starlings and Mynas» Princeton University Press. 1999 ISBN 0-691-00496-X
  2. Mark A. Brazil, Masayuki Yabuuchi «The Birds of Japan» Christopher Helm Publishers Ltd. 1991 ISBN 978-0-7136-8006-5