Մոավդաղ

Վիքիպեդիայից՝ ազատ հանրագիտարանից
Jump to navigation Jump to search

Մոավդաղ, լեռնաշղթա Փոքր Կովկասի հյուսիսարևելյան մասում՝ Ադրբեջանում։ Սևանի լեռնաշղթայի լեռնագրական շարունակությունն է, Թարթառ գետի և Կուրի աջափնյա վտակների (Շամքորչայ, Ինջաչայ և այլն) ջրբաժանը։ Սկսվում է Հինալ լեռնագագաթից և լայնական ուղղությամբ տարածվում դեպի արլ․, մինչև Թարթառի հարթավայրը։ Երկարությունը մոտ 70 կմ է, միջին բարձրությունը՝ մոտ 3000 մ, առավելագույնը՝ 3724 մ (Դյամիշ լեռ)։ Կազմված է գլխավորապես հրաբխածին ապարներից։ Կատարային մասը ժայռոտ է, լանջերը մասնատված են գետերի խոր կիրճերով։ Հյուսիսային լանջը բաղկացած է մի շարք միանման լեռնաճյուղերից, հարավային լանջը կարճ է, ամենուրեք զառիթափ։ Լանջերը (մինչև 1800—2200 մ բարձրությունները) ծածկված են անտառներով, ավելի բարձր՝ լեռնային մարգագետիններով։ Մոավդաղի հյուսիսային լանջին է Գյոկ գյոլ լիճը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 59 CC-BY-SA-icon-80x15.png