Մի կարմիր ամրակ

Վիքիպեդիայից՝ ազատ հանրագիտարանից
Jump to navigation Jump to search
Կարմիր ամրակը

Մի կարմիր ամրակ (անգլ.՝ One red paperclip), իրական պատմությունը կանադացի բլոգեր Կայլ Մաքդոնալդի, ում հաջողվել է փոխարինել սովորական գրասենյակային ամրակը երկհարկանի տան հետ: Այս պատմության մասին համանուն կայքում[1] գրել է ինքը Կայլը:

Պատմություն[խմբագրել | խմբագրել կոդը]

Ամեն ինչ սկսվել է 2005 թվականին: Այդ ժամանակ Կայլ Մաքդոնալդը ապրում էր վարձով բնակարանում և երազում էր իր սեփական տունն ունենալու մասին: Նա գումար չուներ, այդ պատճառով էլ որոշեց խաղալ «Bigger, Better» («Ինչքան մեծ, այդքան լավ») մանկական խաղը: Դրա իմաստը իրերը մեկ այլ իրերի հետ փոխարինելն է, ընդ որում, խաղացողը պետք է փորձի ամեն անգամ ավելի թանկ և մեծ իր ձեռք բերել[2]:

2005 թվականի հուլիսին Քրեյգսլիստ կայքում Կայլը տեղադրում է կարմիր ամրակի լուսանկար և հայտարարություն, ըստ որի նա պատրաստ է փոխարինել այն ցանկացած այլ իրի հետ այնքան ժամանակ, մինչև տուն չստանա: Հենց նույն օրը նրան հաջողվում է փոխարինել այն գնդիկավոր գրիչի հետ: Մեկ տարի և 14 փոխարինումներից հետո նա տեղափոխվեց իր սեփական բնակարան[3]:

Այս պատմությունը հայտնիություն է ձեռք բերել ամբողջ աշխարհում: 2007 թվականի ամռանը լույս է տեսել Մաքդոնալդի գիրքը, որում պատմվում է նրա փորձի մասին: Այն թարգմանվել է մի քանի լեզուներով[4]:

Փոխարինման գործողությունների ցանկ[խմբագրել | խմբագրել կոդը]

Կայլ Մակդոնալդի տունը, որը ստացել է կարմիր ամրակի հետ փոխարինումից հետո
  1. 2005 թվականի հուլիսի 1-ին Կայլը գնաց Վանկուվեր, որտեղ նա փոխարինել է ամրակը ձկան տեսքով գրիչի հետ:
  2. Նույն օրը նա փոխել է գրիչը դռան ինքնաշեն բռնակի հետ:
  3. 2005 թվականի հուլիսի 25-ին նա գնաց Մասաչուսետս, որ փոխարինի դռան բռնակը գազօջախի հետ:
  4. 2005 թվականի սեպտեմբերի 24-ին Սան Կլեմենտում Կայլին հաջողվել է համոզել մի տանտիրոջ փոխել գազօջախը Honda էլեկտրագեներատորի հետ:
  5. 2005 թվականի նոյեմբերի 16-ին Քուինսում նա գեներատորը փոխարինել է գարեջուր և ալկոհոլային այլ ըմպելիքներ տեղափոխելու համար նախատեսված սառնարանի հետ:
  6. 2005 թվականի դեկտեմբերի 8-ին նա իր ունեցածը փոխարինել է Ski-doo ձյունագնացի հետ:
  7. Մեկ շաբաթվա ընթացքում նրան հաջողվել է փոխարինել ձյունագնացը դեպի Ժայռոտ լեռներ երկու ուղետոմսով:
  8. 2006 թվականի հունվարի 7-ին Կայլը փոխարինել է տոմսերը բեռնատար ավտոմեքենայի հետ:
  9. 2006 թվականի փետրվարի 22-ին ավտոմեքենան փոխարինել է ձայնագրման ստուդիայի հետ պայմանագրով:
  10. 2006 թվականի ապրիլի 11-ին պայմանագիրը փոխանցել է երգչուհի Ջոջի Գնանտին: Փոխարենը երգչուհուց վերցրել է Արիզոնայի տանը 1 տարով բնակվելու հավաստագիր:
  11. 2006 թվականի ապրիլի 26-ին նա փոխարինել է հավաստագիրը ռոք երաժիշտ Էլիս Քուփերի ընկերությանը մեկ գիշեր անցկացնելու թույլտվությամբ:
  12. 2006 թվականի մայիսի 26-ին նա Կուպերի հետ գիշերը փոխարինել է KISS մակագրությամբ հուշանվերի հետ:
  13. 2006 թվականի հունիսի 2-ին Կայլը փոխարինել է հուշանվերը հոլիվուդյան ռեժիսոր Կորբին Բերսենի ֆիլմում դերի հետ:
  14. Ի վերջո, 2006 թվականի հուլիսի 5-ին նա փոխարինել է դերը կանադական Կիպլինգ քաղաքում երկհարկանի տան հետ[1][5]:

Ծանոթագրություններ[խմբագրել | խմբագրել կոդը]

  1. 1,0 1,1 «One red paperclip» (անգլերեն) 
  2. «Տուն՝ ամրակի դիմաց»։ Netlore.ru — антология фольклора Рунета 
  3. Дмитрий Носиков։ «Կարմիր ամրակի էֆեկտը»։ Chief Time 
  4. «MGM էկրանավորում է ամրակի և տան փոխարինման պատմությունը»։ KinoNews 
  5. Кайл Макдональд Կարմիր ամրակը, որ ցնցեց աշխարհը = One Red Paperclip: How a Small Piece of Stationery Turned into a Great Big Adventure. — Минск: Попурри, 2009. — 304 с. — ISBN 978-985-15-0610-7

Գրականություն[խմբագրել | խմբագրել կոդը]

  • Кайл Макдональд Махнёмся не глядя. Одна красная скрепка, которая потрясла мир = One Red Paperclip: How a Small Piece of Stationery Turned into a Great Big Adventure. — Минск: Попурри, 2009. — 304 с. — ISBN 978-985-15-0610-7

Արտաքին հղումներ[խմբագրել | խմբագրել կոդը]