Միքելա Ֆիջինի
| Միքելա Ֆիջինի | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||
| Անձնական տեղեկություն | |||||||||||||||||||||||||
| Սեռ՝ | իգական | ||||||||||||||||||||||||
| Բնօրինակ անուն՝ | Michela Figini | ||||||||||||||||||||||||
| Մասնագիտացում՝ | լեռնադահուկորդ | ||||||||||||||||||||||||
| Երկիր՝ |  Շվեյցարիա | ||||||||||||||||||||||||
| Ծննդյան ամսաթիվ՝ | ապրիլի 7, 1966 (58 տարեկան) | ||||||||||||||||||||||||
| Ծննդավայր՝ | Prato, Quinto Subdistrict, Լևենտինա, Տիչինո, Շվեյցարիա | ||||||||||||||||||||||||
| Հասակ՝ | 168 սանտիմետր[1] | ||||||||||||||||||||||||
| Քաշ՝ | 61 կիլոգրամ[1] | ||||||||||||||||||||||||
Պարգևներ
| |||||||||||||||||||||||||
Միքելա Ֆիջինի (իտալ.՝ Michela Figini, ապրիլի 7, 1966, Prato, Quinto Subdistrict, Լևենտինա, Տիչինո, Շվեյցարիա), շվեյցարացի լեռնադահուկորդուհի, օլիմպիական և աշխարհի չեմպիոն, աշխարհի կրկնակի գավաթակիր։ Լեռնադահուկային սպորտի պատմության մեջ օլիմպիական ամենաերիտասարդ չեմպիոնուհին է[2] (Սարաևոյի Օլիմպիական խաղերում արագընթաց վայրէջքից հաղթելու պահին Միքելան 17 տարեկան և 315 օրական էր) և աշխարհի ամենաերիտասարդ գավաթակիրը (1984/1985 մրցաշրջանում հաղթանակի պահին 19 տարեկան չկար)։ 1988 թվականին՝ 21 տարեկան հասակում, Կալգարիում արժանացել է Օլիմպիական խաղերի բացման արարողությանը դրոշը կրելու պատվին։
Մարզական կարիերա
[խմբագրել | խմբագրել կոդը]Աշխարհի առաջնությանը նորամուտը կատարել է 1983 թվականի հունվարի 21-ին (Շրուսում համակցված ձևում գրավել է տասներորդ տեղը), իսկ 1983 թվականի մարտի 5-ին՝ 16 տարեկանում, առաջին անգամ բարձրացել է պատվո հարթակին (երրորդ տեղն արագընթաց վայրէջքում)։ Առաջին հաղթանակը տոնել է Մեժևում (Ֆրանսիա) 1984 թվականի հունվարի 28-ին արագընթաց վայրէջքից։ 8 մրցաշրջանում աշխարհի առաջնության փուլերում ունեցել է 26 հաղթանակ՝ մասնակցելով ընդամենը 117 մրցավազքի (հաղթանակները կազմում են 22 %-ը)։ Երկու անգամ անընդմեջ (1984 և 1985 թվականներին) ճանաչվել է Շվեյցարիայի լավագույն սպորտսմենուհի։
Վերջին անգամ աշխարհի գավաթի խաղարկությանը մասնակցել է 1990 թվականի փետրվարի 11-ին Մարիբելում (Ֆրանսիա) (գերհսկա ձևում 11-րդ տեղը)։ Կարիերան ավարտել է 1990 թվականի գարնանը՝ 24 տարեկանում, մարզիչ Յան Տիշհաուզերի հետ ունեցած կոնֆլիկտի պատճառով. վերջինս Միքելային մեղադրել էր մարզումների սխալ մեթոդների ու հավաքականի մթնոլորտի վատթարացման համար[3]։ Այդ նույն մրցաշրջանում տարբեր պատճառներով կարիերան ավարտել են շվեյցարացի հայտնի 2 լեռնադահուկորդներ՝ աշխարհի եռակի չեմպիոն, աշխարհի կրկնակի գավաթակիր 26-ամյա Մարիա Վալլիզերը և օլիմպիական չեմպիոն, աշխարհի քառակի գավաթակիր, աշխարհի քառակի չեմպիոն Պիրմին Ցուրբրիգենը։
Անձնական կյանք
[խմբագրել | խմբագրել կոդը]Միքելա Ֆիջինին ամուսնացել է իտալացի լեռնադահուկորդ Իվանո Կոմոցիի հետ (ծնված 1962 թվականին), որը մասնակցել է 1988 թվականի Օլիմպիական խաղերին և հսկա սլալոմում գրավել 4-րդ տեղը։ Նրանք ունեն երկու երեխա[4]։
Հաղթանակներ աշխարհի գավաթի խաղարկությունում
[խմբագրել | խմբագրել կոդը]- Ընդհանուր հաշիվ (2) – 1984/85, 1987/88
- Արագընթաց վայրէջք (4) – 1984/85, 1986/87, 1987/88, 1988/89
- Հսկա սլալոմ – 1984/85
- Սուպերհսկա – 1987/88
Ծանոթագրություններ
[խմբագրել | խմբագրել կոդը]- ↑ 1,0 1,1 Olympedia — 2006.
- ↑ Из истории горнолыжного спорта(չաշխատող հղում)
- ↑ Switzerland's Figini Retires After Feud — The New York Times, May 5, 1990 (անգլ.)
- ↑ Michela Figini Արխիվացված 2020-04-17 Wayback Machine. sports-reference.com
Արտաքին հղումներ
[խմբագրել | խմբագրել կոդը]- Միքելա Ֆիջինի – օլիմպիական վիճակագրությունը Sports-Reference.com կայքում (անգլ.)
- Միքելա Ֆիջինի – վիճակագրությունը FIS կայքում
- Ski-db.com – Միքելա Ֆիջինի։ Արդյունքներ
 | Վիքիպահեստն ունի նյութեր, որոնք վերաբերում են «Միքելա Ֆիջինի» հոդվածին։ |
| ||||||||||
