Միքայել Օրդյան

Վիքիպեդիայից՝ ազատ հանրագիտարանից
Jump to navigation Jump to search
Picto Info sciences exactes.png
Միքայել Օրդյան
Ծնվել է սեպտեմբերի 27, 1928(1928-09-27) (90 տարեկան)
Գորիս, Սյունիքի մարզ, Հայաստան, ԽՍՀՄ
Ազգություն հայ
Մասնագիտություն քիմիկոս
Հաստատություն(ներ) Երևանի Մխիթար Հերացու անվան Պետական Բժշկական Համալսարան
Գիտական աստիճան քիմիական գիտությունների դոկտոր (1968) և պրոֆեսոր (1970)
Կուսակցություն ԽՄԿԿ

Միքայել Բախշիի Օրդյան (սեպտեմբերի 27, 1928, Գորիս), հայ խորհրդային քիմիկոս, քիմիական գիտությունների դոկտոր (1968), պրոֆեսոր (1970)։ ԽՄԿԿ անդամ 1953 թվականից։

Կրթություն և աշխատանք[խմբագրել | խմբագրել կոդը]

Ավարտել է Երևանի համալսարանի քիմիայի ֆակուլտետը (1953)։ Աշխատել է ՀԽՍՀ ԳԱ օրգանական քիմիայի և հայ-քիմնախագիծ (1959–1968, Երևան) ինստիտուտներում։ 1969 թվականից Երևանի բժշկական ինստիտուտի օրգանական և ֆիզկոլոիդ քիմիայի (1980 թվականից՝ դեղագործական, թունաբանական, օրգանական և ֆիզկոլոիդ քիմիայի) ամբիոնի վարիչն է։

Կազմակերպել (1976) և ղեկավարում է ամբիոնի ճյուղային լաբորատորիան։

Հիմնական աշխատանքներ[խմբագրել | խմբագրել կոդը]

Հիմնական աշխատանքները նվիրված են պենտենների հիդրոկոնդենսման, ածխաջրածինների կարբալկօքսիլման ռեակցիաների հետազոտմանը։ Մշակել է ճյուղավորված կարբոնաթթուների ստացման բարձր ճնշումներ չպահանջող եղանակ։ Առաջարկել է սինթետիկ կաուչուկի թափոններից (սպիրտի և պոլիվինիլացետատի արտադրության թափոններից) քացախաթթվի և մեթանոլի ստացման եղանակներ (1960 թվականին ներդրվել է Սևերո–Դոնեցկի քիմիական կոմբինատում՝ տարեկան 50 հազար տոննա)։

Զբաղվում է կենսաբանորեն ակտիվ պորֆիրինների սինթեզով և ուսումնասիրությամբ։ Աշխատակիցների հետ սինթեզել է արյան ճնշումը և պսակաձև անոթների դիմադրողականությունն իջեցնող և հակաջղաձգային հատկություններ ունեցող նյութեր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png