Միքայել Տեր-Հարությունյանց

Միքայել Տեր-Հարությունյանց;
Ծնվել է	հունվարի 3, 1884
Ծննդավայր	Գանձակ, Ռուսական կայսրություն
Մահացել է	օգոստոսի 8, 1961 (77 տարեկան)
Մահվան վայր	Մոսկվա, ԽՍՀՄ
Քաղաքացիություն	ԽՍՀՄ
Մասնագիտություն	քաղաքական գործիչ
Կուսակցություն	ԽՄԿԿ
Պարգևներ և ; մրցանակներ

Միքայել Կարապետի Տեր-Հարությունյանց (հունվարի 3, 1884(1884-01-03), Գանձակ, Ռուսական կայսրություն - օգոստոսի 8, 1961(1961-08-08), Մոսկվա, ԽՍՀՄ), Ռուսաստանում Հոկտեմբերյան հեղաշրջման և քաղաքացիական պատերազմի մասնակից, ԽՄԿԿ անդամ (1917)։

Կենսագրություն

Ավարտել է Պետրոգրադի զինվորական ուսումնարանը (1917)։ Հեղափոխական աշխատանք է տարել բանակում։ 1917 թվականին ընտրվել է ՌԱԴԲ(բ) կ Պետրոգրադի կոմիտեին առընթեր զինվորական կազմակերպության կոմիտեի անդամ։ Հոկտեմբերյան զինված հեղաշրջման օրերին Տեր-Հարությունյանցը եղել է Պետրոգրադի ՌՀԿ-ի կոմիսարը Պետրոպավլովյան ամրոցի Կրոնվերյան զինանոցում, այնուհետև Կերենսկի-Կրասնովի խռովության ճնշման ժամանակ Պուլկովյան ջոկատում։ Եղել է Հեղկոմի ռազմակայանի անդամ և գլխավոր հրամանատար, Ն․ Վ․ Կռիլենկոյի ռազմակայանին առընթեր հեղափոխական դաշտային շտաբի պետ։ 1918 թվականից հրամանատարական պաշտոններ է վարել կարմիր բանակում։ 1922 թվականին ավարտել է Կարմիր բանակի գլխավոր շտաբի ակադեմիան։ 1924 թվականին աշխատանքի է անցել ԽՍՀՄ բանգյուղտեսչության ժողկոմատի ապարատում։ Ավարտելով Կարմիր պրոֆեսուրայի ինստիտուտը՝ 1934 թվականին անցել է դասախոսական աշխատանքի։

Պարգևներ

Պարգևատրվել է Կարմիր դրոշի շքանշանով։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 672)։