Միքայել Պապաջանյան

Վիքիպեդիայից՝ ազատ հանրագիտարանից
Jump to navigation Jump to search
Միքայել Պապաջանյան
Միքայել Պապաջանյան.jpg
Ծնվել է 1868
Մահացել է 1929
Քաղաքացիություն Ռուսական կայսրություն Ռուսական կայսրություն
Հայաստանի Առաջին Հանրապետություն Հայաստանի Առաջին Հանրապետություն
Խորհրդային Սոցիալիստական Հանրապետությունների Միություն ԽՍՀՄ
Ազգություն հայ
Կրթություն Նովոռոսիյսկի համալսարան
Մասնագիտություն հասարակական գործիչ
Գործունեություն հասարակական-քաղաքական գործիչ, 4-րդ Պետական դումայի, հայ ազգային պատվիրակության անդամ, եղել է ՀՕԿ-ի Փարիզի մասնաճյուղի նախագահ

Միքայել Հովհաննեսի Պապաջանյան (1868-1929), հասարակական-քաղաքական գործիչ, Ռուսաստանի 4-րդ Պետական դումայի (1912-1917), հայ ազգային պատվիրակության անդամ, եղել է ՀՕԿ-ի Փարիզի մասնաճյուղի նախագահ, Անդրկովկասյան Հատուկ կոմիտեի (1917) և Հայոց Ազգային պատվիրակության (1919-1922) անդամ[1]։

Կենսագրություն[խմբագրել | խմբագրել կոդը]

Ավարտել է Նովոռոսիյսկի համալսարանի իրավաբանական ֆակուլտետը։ Եղել է Պետական դումայի անդամ[2], Ալեքսանդրապոլի քաղաքային խորհրդի անդամ, Բաքվի բարիստերների կոմիտեի անդամ մինչև դրա լուծարումը։ Նախագահել է Հայ օգնության կոմիտեն։

1918 հունիսին Ավետիս Ահարոնյանի և Ալեքսանդր Խատիսյանի հետ համատեղ եղել է Պոլիս համաժողովի Հայաստանի Հանրապետության պատվիրակության կազմում, որտեղ պետք է որոշում կայացվեր Բաթումի պայմանագրի վերաբերյալ։ Հունիսի 4-ին Հայաստանի կողմից պայմանագիրը ստորագրել են ՀՅԴ-ականներ Հովհաննես Քաջազնունին ու Ալեքսանդր Խատիսյանը և Միքայել Պապաջանյանը[3], որպես խաղաղարար պատվիրակության անդամ[4][5]։

Որպես պատվիրակության անդամ Ավետիս Ահարոնյանի և Համո Օհանջանի հետ մեկտեղ Միքայել Պապաջանյանը մասնակցել է Փարիզի խաղաղության կոնֆերանսին[6][7]

Aquote1.png Մենք ընդունում ենք, որ գոյություն ունի անկախ Ադրբեջան ու անկախ Վրաստան։ Դուք էլ ընդունեք, որ կա Միացյալ Հայաստան։ Մեզ համար և մեր թուրքահայ եղբայրների համար բարոյական առումով դա կարևոր է։ Եթե այդ հարցերի շուրջ չպայմանավորվենք, ապա մենք ոչ միայն չենք կարող ձեզ հետ ստորագրել Կոնֆերանսին ուղղված դիմումը․․․
- Միքայել Պապաջանյան[8]
Aquote2.png

Գրականություն[խմբագրել | խմբագրել կոդը]

  • The Republic of Armenia։ The first year, 1918-1919 By Richard G. Hovannisian; ISBN 0520018052

Ծանոթագրություններ[խմբագրել | խմբագրել կոդը]

  1. Էջմիածին, ԿԶ տարի, Ամենայն Հայոց կաթողիկոսության Մայր աթոռ Էջմիածնի պաշտոնական ամսագիր
  2. Վահե Աթանեսյան, Դաշնակցության գործը
  3. Լեո, Անցյալից, գլուխ VI, Հեղափոխություն
  4. Հայ-թուրքական (օսմանյան) առաջին փաստաթուղթը՝ Հաշտության և բարեկամության պայմանագիր
  5. Թաթուլ Հակոբյան, Պետականություն և պատասխանատվություն
  6. Բաբալյան Ա., Էջեր Հայաստանի անկախութեան պատմութիւնից, Գահիրե, 1959, էջ 35
  7. Յու․ Ղուլյան, Հայաստանի և Ադրբեջանի մասնակցությունը Փարիզի խաղաղության կոնֆերանսին (1919-1920 թթ.)
  8. Раевский А. Мусаватское правительство на Версальской конференции, Берлин, 1930, էջ 63-64 (ռուս.)