Միքայել Շահրամանյան
Միքայել Շահրամանյան | |
---|---|
Ծնվել է | հուլիսի 4, 1952 (71 տարեկան) Մոսկվա, ԽՍՀՄ |
Քաղաքացիություն | ԽՍՀՄ և Ռուսաստան |
Մասնագիտություն | գիտնական և Լիկվիդատորներ |
Հաստատություն(ներ) | Կաբարդինո-Բալկարիայի պետական համալսարան |
Ալմա մատեր | Պետրոս Մեծի անվան ստրատեգիական նշանակության հրթիռային զորքերի ռազմական ակադեմիա |
Կոչում | պրոֆեսոր |
Գիտական աստիճան | տեխնիկական գիտությունների դոկտոր |
Տիրապետում է լեզուներին | ռուսերեն |
Պարգևներ |
Միքայել Անդրանիկի Շահրամանյան (հուլիսի 4, 1952, Մոսկվա, ԽՍՀՄ), հայազգի ռազմական կոնստրուկտոր, շինարար, արտակարգ իրավիճակների բնագավառի գիտնական։ Տեխնիկական գիտությունների դոկտոր (1993), պրոֆեսոր (1997), Ռուսաստանի պատվավոր շինարար, Ռուսաստանի Դաշնության կառավարության գիտության և տեխնիկայի բնագավառի մրցանակի դափնեկիր (1999, 2001), ՌԴ գիտության և տեխնիկայի վաստակավոր գործիչ (2002), ՌԴ ԶՈւ գեներալ-մայոր (2002):
Կենսագրություն[խմբագրել | խմբագրել կոդը]
Միքայել Շահրամանյանը ծնվել է 1952 թվականի հուլիսի 4-ին, Մոսկվայում, Հայրենական մեծ պատերազմի մասնակիցներ Անդրանիկ և Սոֆյա Շահրամանյանների ընտանիքում։ Ավարտել է Մոսկվայի № 437 դպրոցը և 1970 թվականին ընդունվել Մոսկվայի ռազմական ակադեմիա, որն ավարտել է 1975 թվականին։ 1979 թվականից աշխատում է ՌԴ Քաղաքացիական պաշտպանության և արտակարգ իրավիճակների ԳՀԻ-ում, 1992 թվականից՝ պետական, 2000 թվականից, միաժամանակ՝ համաշխարհային երկրատեղեկատվության «Էքստրեմում» համակարգի, երկրաշարժագիտության դիտարկումների և երկրաշարժերի կանխատեսման դաշնային համակարգի գլխավոր կոնստրուկտոր, Մոսկվայի ֆիզտեխնիկական ինստիտուտի ամբիոնի վաիրչ, 2002 թվականից, միաժամանակ՝ ՌԴ գիտության և բարձր տեխնոլոգիաների կենտրոնի տնօրեն[1]։
Մասնակցել է Չեռնոբիլի ատոմակայանի վթարի (1986), Սպիտակի երկրաշարժի (1988 թվականի դեկտեմբեր) հետևանքների վերացման աշխատանքներին։
Աշխատանքները վերաբերում են երկրաշարժագիտությանը, երկրաշարժերի կանխատեսմանը, դրանց հետևանքների վերացմանը, ինչպես նաև արտակարգ իրավիճակների կառավարմանը և այդ բնագավառում գիտության ու գիտագործնական խնդիրների նպատակահարմար լուծմանը։ Հեղինակ է մենագրությունների։ ՌԴ բնական ԳԱ անդամ (2000):
Պարգևներ և մրցանակներ[խմբագրել | խմբագրել կոդը]
- ՌԴ գիտության վաստակավոր գործիչ (1998)[2]
- ՌԴ Կառավարության մրցանակներ (1999, 2001)
- Ռուսաստանի Դաշնության կառավարության գիտության և տեխնիկայի բնագավառի մրցանակ (2000[3], 2002)[4]
- Պ. Կապիցայի արծաթե (2002), գիտության և տեխնիկայի գյուտերի համար՝ 3 ոսկե, 2 արծաթե, 1 բրոնզե (Բրյուսել, Ժնև, Սեուլ) մեդալներ
- ՄԱԿ-ի գերազանցության վկայագիր (2002) «բնական աղետների հետևանքների մեղմացման խնդրի լուծման գործում ունեցած նշանակալի ներդրման համար»
- «ԽՍՀՄ գյուտարար» կրծքանշան (1983)
- Ռուսաստանի Արտակարգ իրավիճակների նախարարության «Պատվո նշան»
- «Ռուսաստանի պատվավոր շինարար» կրծքանշան
Աշխատություններ[խմբագրել | խմբագրել կոդը]
- Космические образовательные технологии: инвестиции в будущее : теория и практика / под ред. М. А. Шахраманьяна [и др.]. — М.; Можайск: Калужский обл. ин-т повышения квалификации работников образования : Можайский полиграфкомбинат, 2009. — 775 с. — (Новая космическая эра в образовании). — 1000 экз. — ISBN 978-5-93336-062-9[5]
- Шахраманьян М. А. Новые информационные технологии в задачах обеспечения национальной безопасности России : (Природ.-техног. аспекты). — М.: ФЦ ВНИИ ГОЧС, 2003. — 397 с. — 1500 экз. — ISBN 5-93970-019-5
- Шахраманьян М. А. Оценка сейсмического риска и прогноз последствий землетрясений в задачах спасения населения : (Теория и практика). — 2-е изд., перераб. и доп. — М.: ВИИ ГОЧС, 2000. — 189 с. — 500 экз. — ISBN 5-93970-001-2
- Шахраманьян М. А., Фролов М. П., Глебов В. Ю. и др. Основы безопасности жизнедеятельности : Учеб. пособие для 10 кл. общеобразоват. учреждений : С мультимед. учеб. пособием в оболочке TeachPRO на CD-ROM / Под общ. ред. С. К. Шойгу и др. — 2-е изд. — М.: ФЦ ВНИИ ГОЧС, 2003. — 335 с. — 1000 экз. — ISBN 5-93970-020-9
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 248-249։
- ↑ Указ Президента РФ от 06.07.1998 № 777 «О присвоении почётных званий Российской Федерации».
- ↑ «Постановление Правительства РФ от 29.02.2000 № 175». Արխիվացված է օրիգինալից 2016 թ․ մարտի 5-ին. Վերցված է 2019 թ․ մարտի 11-ին.
- ↑ «Постановление Правительства Российской Федерации от 21 марта 2002 г. № 175». Արխիվացված է օրիգինալից 2016 թ․ մարտի 5-ին. Վերցված է 2019 թ․ մարտի 11-ին.
- ↑ Монография - победитель V Международного конкурса учебных изданий для высших учебных заведений «Университетская книга - 2010» в номинации «Лучшее учебное издание в новых областях знаний».
- Հուլիսի 4 ծնունդներ
- 1952 ծնունդներ
- Ապրող անձինք
- Մոսկվա քաղաքում ծնվածներ
- Մոսկվայի 850-ամյակի հուշամեդալով պարգևատրվածներ
- Գիտնականներ այբբենական կարգով
- Անձինք այբբենական կարգով
- Հայ ռազմական կոնստրուկտորներ
- Հայ շինարարներ
- Հայ գիտնականներ
- Տեխնիկական գիտությունների դոկտորներ
- Հայ պրոֆեսորներ
- ՌԴ գիտության վաստակավոր գործիչներ