Միքայել Մինասյան (փիլիսոփա)
- Վիքիպեդիայում կան հոդվածներ Մինասյան ազգանունով այլ մարդկանց մասին։
| Միքայել Մինասյան | |
|---|---|
| Ծնվել է | նոյեմբերի 5, 1927 |
| Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
| Մահացել է | մարտի 11, 2013 (85 տարեկան) |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Գիտական աստիճան | փիլիսոփայական գիտությունների դոկտոր |
| Մասնագիտություն | փիլիսոփա, պատմաբան և տնտեսագետ |
Միքայել Մկրտչի Մինասյան (նոյեմբերի 5, 1927, Լենինական, Հայկական ԽՍՀ, ԱԽՖՍՀ, ԽՍՀՄ - մարտի 11, 2013), հայ փիլիսոփա, միջազգայնագետ-պատմաբան։ Փիլիսոփայական գիտությունների դոկտոր (1984), պրոֆեսոր (1985):
Արա և Արմեն Մինասյանների հայրը։
Կենսագրություն[խմբագրել | խմբագրել կոդը]
Միքայել Մինասյանը ծնվել է 1927 թվականի նոյեմբերի 5-ին Գյումրիում։ 1949-1950 թվականներին ավարտել է Երևանի պետական համալսարանի միջազգային հարաբերությունների և տնտեսագիտության ֆակուլտետները։ Ակտիվ գործունեություն է իրականացրել կուսակցական, հասարակական, քաղաքական աշխատանքներում, զբաղվել գիտամանկավարժական գործունեությամբ։ ՀԿԿ Երևանի քաղաքային կոմիտեում ղեկավարել և համակարգել է գիտության, կրթության, մշակույթի բնագավառների հիմնարկների աշխատանքը։ Ղեկավարել է Մխիթար Հերացու անվան պետական բժշկական ինստիտուտի քաղաքագիտության ամբիոնը, մասնակցել Երևանի գիտության, բարձրագույն և միջնակարգ կրթության ղեկավարմանը։ Երկար տարիներ ղեկավարել է Երևանի գիտական և արդյունաբերական կենտրոն հանդիսացող 26 կոմիսարների անվան շրջանը[1]։
Հեղինակ է 10 մենագրությունների, 70 գիտական հոդվածների և քաղաքագիտական թեմաներով բազմաթիվ գրքերի։
Երկեր[խմբագրել | խմբագրել կոդը]
- Արտադրական կոլեկտիվի զարգացման դիալեկտիկան արդի պայմաններում, Երևան, 1980։
- Կառավարման կատարելագործման դիալեկտիկան արդի պայմաններում, Երևան, 1990։
- «Քաղաքական գործունեություն և անհատ»
- «Քաղաքական լիդեր», Պատմաքաղաքագիտական-հրապարակախոսական մտորումներ։ Երևան, Գիտություն, 2000, 543 էջ[2]։
- «Քաղաքական էլիտա», Սոցիալ քաղաքագիտական, բարոյագիտական-հրապարակախոսական մտորումներ։ Երևան, Երևանի համալսարանի հրատարակչություն, 2005, 496 էջ[3]։
- «Ժամանակը, մարդը և նրա գործը», Երևան, 2002։
- «Քաղաքական կուլտուրա», Երևան, 1997։
Ընտանիք[խմբագրել | խմբագրել կոդը]
Կինը՝ Նինել Մինասյանը, աշխատել է Վալերի Բրյուսովի անվան պետական լեզվաբանական համալսարանի հայագիտության ամբիոնում։ Եղել է բանասիրական գիտությունների թեկնածու, դոցենտ։ Որդին՝ Արա Մինասյան, «Սուրբ Գրիգոր Լուսավորիչ» բժշկական կենտրոնի գլխավոր տնօրենն է, թոռը՝ Միքայել Արայի Մինասյանը մեդիամագնատ, դեսպան, բիզնեսմեն, Մալթայի Ինքնիշխան Մարտական Ուխտում Հայաստանի Հանրապետության արտակարգ և լիազոր դեսպան։
Հիշատակ[խմբագրել | խմբագրել կոդը]
Մինասյանի ընտանիքի ջանքերով ստեղծվել է «Հասրաթյան-Մինասյան» հիմնադրամը կրթամշակութային հիմնադրամը[4]։
Ծանոթագրություններ[խմբագրել | խմբագրել կոդը]
- ↑ Մահացել է անվանի գիտնական Միքայել Մինասյանը
- ↑ Մինասյան, Միքայել Մկրտչի (2000). Քաղաքական լիդեր։ Պատմաքաղաքագիտական-հրապարակախոսական մտորումներ. Գիտություն. ISBN 9785808004627.
- ↑ Մինասյան, Միքայել Մկրտչի (2005). Քաղաքական էլիտա։ Սոցիալ քաղաքագիտական, բարոյագիտական-հրապարակախոսական մտորումներ. Երևանի համալսարանի հրատարակչություն. ISBN 9785808406261.
- ↑ ««Հասրաթյան-Մինասյան» հիմնադրամը սկսում է իր գործունեությունը». Միքայել Մինասյան