Միքայել Հարությունյան (բանաստեղծ)

Միքայել Հարությունյան
Ծնվել է	հոկտեմբերի 27, 1918
Ծննդավայր	Շուշի, Ելիզավետպոլի նահանգ, Ադրբեջանի Ժողովրդավարական Հանրապետություն
Վախճանվել է	նոյեմբերի 24, 1987 (69 տարեկան)
Վախճանի վայր	Երևան, Հայկական ԽՍՀ, ԽՍՀՄ
Գերեզման	Նուբարաշենի գերեզմանատուն
Գրական անուն	Միքայել Շուշեցի և Միքայել Դարդունի
Մասնագիտություն	բանաստեղծ, գրականագետ և թարգմանիչ
Ազգություն	հայ
Քաղաքացիություն	ԽՍՀՄ
Կրթություն	ԵՊՀ հայ բանասիրության ֆակուլտետ (1943)
Կուսակցություն	ԽՄԿԿ
Աշխատավայր	«Հայաստան» հրատարակչություն, Հայկական սովետական հանրագիտարան, Ազատ Արցախ և Բանվոր
Զավակներ	Արտեմ Հարությունյան
	Միքայել Հարությունյան Վիքիդարանում

Անվան այլ կիրառումների համար տե՛ս՝ Միքայել Հարությունյան (այլ կիրառումներ)

Միքայել Արտեմի Հարությունյան (հոկտեմբերի 27, 1918(1918-10-27)^[1]^[2], Շուշի, Ելիզավետպոլի նահանգ, Ադրբեջանի Ժողովրդավարական Հանրապետություն^[1]^[2] - նոյեմբերի 24, 1987(1987-11-24)^[2], Երևան, Հայկական ԽՍՀ, ԽՍՀՄ^[2]), հայ խորհրդային բանաստեղծ, դրամատուրգ, թարգմանիչ, ԽՍՀՄ գրողների միության անդամ 1944 թվականից։

Հայ բանաստեղծ, գրականագետ, թարգմանիչ Արտեմ Հարությունյանի հայրն է։

Կենսագրություն

1943 թվականին ավարտել է Երևանի պետական համալսարանի բանասիրական ֆակուլտետի հայկական բաժինը։ 1942-1944 թվականներին եղել է Ադրբեջանի գրողների միության Լեռնային Ղարաբաղի մարզային բաժանմունքի պատասխանատու քարտուղարը, 1944-1946 թվականներին՝ գրական աշխատող «Սովետական Ղարաբաղ» թերթում, 1946-1950 թվականներին՝ գրական աշխատող «Բանվոր» թերթում, 1951-1970 թթ. եղել է «Հայաստան» հրատարակչության, 1972-1983 թթ.` Հայկական հանրագիտարանի խմբագրության գիտխմբագիր։ Առաջին գիրքը լույս է տեսել 1940 թվականին։ Այնուհետև հրատարակվել են «Ալեկոծված հույզեր» (1943 թ.), «Գարնանային» (1948 թ.), «Լեռնաղբյուր» (1954 թ.), «Պատիվ» (1958 թ.), «Օրեր և խոհեր» (1963 թ.), «Ղարաբաղյան նվագներ» (1968 թ.), «Հավատամք» (1978 թ.), «Մինչև այստեղ» (1985 թ.) բանաստեղծությունների ու պոեմների ժողովածուները։ Գրել է նաև մանուկների համար («Մեր գետը» 1950 թ., «Արմենը» 1956 թ., «Ոսկեվազիկը» 1967 թ.)։ Հարավային Կովկասի թատրոնները բեմադրել են նրա «Երկու հանդիպում» և «Ժամանակի ստուգում» դրամաները։ Միքայել Հարությունյանի ստեղծագործությունների բովանդակությունը մարդու և բնության, անհատի և հասարակության փոխհարաբերության քնարական խոհն է^[3]^[4]։ ԽՄԿԿ անդամ 1950 թվականից։

Ռուսերեն լույս է տեսել նրա «Լեռնաղբյուր» (Երևան, 1956) գիրքը։

Երկեր

Լենին պապին և փոքրիկ Օլգան, Երևան, Պետհրատ, 1940, 8 էջ։
Ալեկոծված հույզեր, Ստեփանակերտ, 1942, 31 էջ։
Հարսնաքար, Երևան, Հայպետհրատ, 1946, 13 էջ։
Գարնանային, Երևան, Հայպետհրատ, 1948, 59 էջ։
Մեր գետը, Երևան, Հայպետհրատ, 1950, 48 էջ։
Տարաս Պոլիշչուկ, Երևան, Հայպետհրատ, 195, 40 էջ։
Գնացք, Երևան, Հայաստան, 1952, 90 էջ։
Լեռնաղբյուր, Երևան, Հայպետհրատ, 1954, 160 էջ։
Արմեն, Երևան, Հայպետհրատ, 1956, 80 էջ։
Պատիվ, Երևան, Հայպետհրատ, 1958, 212 էջ։
Պիեսների ժողովածու (գրքի մեջ տեղ է գտել Մ. Հարությունյանի «Ժամանակի ստուգում» պիեսը), Երևան, 1959, 765 էջ։
Մի անգամ անտառում, Երևան, Հայպետհրատ, 1962, 12 էջ։
Օրեր և խոհեր, Երևան, Հայպետհրատ, 1963, 212 էջ։
Կորստից հետո, Երևան, «Հայաստան», 1965, 142 էջ։
Ոսկեվազիկ, Երևան, «Հայաստան», 1967, 136 էջ։
Ղարաբաղյան նվագներ, Երևան, «Հայաստան», 1968, 204 էջ։
Ավրորայի որդին, Երևան, «Հայաստան», 1969, 45 էջ։
Հավատամք, Երևան, «Սովետական գրող», 1977, 224 էջ։

Թարգմանություններ (ռուսերենից)

Չայուպի Անտոն, Բանաստեղծություններ (թարգմանության հեղինակակից Վահագն Կարենց), Երևան, Հայպետհրատ, 1956, 130 էջ։
Ջալիլ Մուսա, Ջիմ (պոեմ), Երևան, Հայպետհրատ, 1960 էջ։
Ասիայի և Աֆրիկայի բանաստեղծները.- Երևան։ Հայպետհրատ, 1958.- 217 էջ.- Բովանդ-ից՝ Որոշ ստեղծագործություններ։
Ավդալ Ամինե։ Առաջին գարուն։ Բանաստեղծություններ.- Երևան։ Հայպետհրատ, 1961.- 119 էջ.- Բովանդ-ից՝ Որոշ ստեղծագործություններ։
Գիտե՞ս երկիրն այս։ Բանաստեղծություններ.- Երևան։ Հայաստան, 1970.- 150 էջ։
Դունին Մ.Ս. Աֆղանստանում, Պակիստանում, Հնդկաստանում.- Երևան։ Հայպետհրատ, 1955.- 475 էջ։

Եղբայրական ձայներ (Սովետական նշանավոր գրողների ստեղծագործությունների ժողովածու միջնակարգ դպրոցի X դասարանի աշակերտների համար).- Երևան։ Լույս, 1978.- 294 էջ.- (Դպրոցական գրադարան)։
Զակո-Չայուպի Անդոն։ Բանաստեղծություններ /Թարգմ.՝ Միք. Հարությունյան, Վ. Կարենց.- Երևան։ Հայպետհրատ, 1957.- 87 էջ։
Ընտիր էջեր ռուս սովետական պոեզիայի.- Երևան։ Հայպետհրատ, 1963.- 543 էջ։
Իմ Դաղստան.- Երևան։ Սովետական գրող, 1980.- 332 էջ.- Բովանդ-ից՝ Ստեղծագործությունների մի մասը։
Լերմոնտով Միխայիլ։ Երկերի ժողովածու երեք հատորով։ Հատոր առաջին.- Երևան։ Հայաստան, 1965.- 449 էջ։

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 3.
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ Գրական տեղեկատու։ Երևան։ «Սովետական գրող»։ 1986։ էջ 239-240։

Վիքիդարանն ունի նյութեր, որոնք վերաբերում են «Միքայել Հարությունյան (բանաստեղծ)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 321)։

[_5e5775e65518eefb-1] 1,0 ^1,1 ^1,2 ^1,3 ^1,4 ^1,5 ^1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_a59ac88c1f286cbd-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 3.

[3] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[4] Գրական տեղեկատու։ Երևան։ «Սովետական գրող»։ 1986։ էջ 239-240։

[1]

[2]

[3]

[4]