Միրթլ Քուք
| Միրթլ Քուք | |
|---|---|
 | |
| Անձնական տեղեկություն | |
| Սեռ՝ | իգական |
| Մասնագիտացում | վազորդ և լրագրող |
| Երկիր | .svg){kind=small} Կանադա |
| Ծննդյան ամսաթիվ | հունվարի 5, 1902[1] |
| Ծննդավայր | Տորոնտո, Կանադա |
| Մահվան ամսաթիվ | մարտի 18, 1985[1] (83 տարեկան) |
| Հասակ՝ | 168 սանտիմետր |
| Քաշ | 55 կիլոգրամ |
Միրթլ Էլիս Քուք (անգլ.՝ Myrtle Alice Cook, ամուսնական ազգանունը՝ Մաքգոուեն,անգլ.՝ McGowan. հունվարի 5, 1902[1], Տորոնտո, Կանադա - մարտի 18, 1985[1]), կանադացի մարզուհի, թեթևաթլետ, 1928 թվականի ամառային օլիմպիական խաղերի չեմպիոն 4×100 մետր փոխանցումավազքում՝ կանադական թիմի կազմում։
Կենսագրություն
[խմբագրել | խմբագրել կոդը]Ծնվել է 1902 թվականին Տորոնտոյում։ Մանկության ու պատանեկության տարիներին խաղացել է թենիս, հոկեյ, բասկետբոլ, զբաղվել բոուլինգով, հեծանվավազքով և կանոեներով թիավարությամբ[2][3]։ 1927 - 1930 թվականներին 60 և 100 յարդ վազքում վեց անգամ դարձել է Կանադայի չեմպիոնուհի[3]։ Քուքը հիմնադրել է այդ երկրի կանանց առաջին մարզական ակումբը՝ Toronto Ladies Athletic Club-ը[4]:
1928 թվականի հունիսի 12-ին Քուքը գերազանցել է համաշխարհային ռեկորդը 100 մ վազքում՝ ցույց տալով 12 վայրկյան արդյունք[4]։ 1928 թվականին Ամստերդամի ամառային օլիմպիական խաղերում կայացան կանանց օլիմպիական թեթևաթլետիկական առաջին մրցումները։ Կանադուհիների թիմը, որի կազմում ընդգրկված էր նաև Միրթլ Քուքը, հաղթանակ տարավ 4x100 մ փոխանցումավազքում՝ սահմանելով նոր համաշխարհային ռեկորդ՝ 48,4 վայրկյան: Մարզուհիների հաջողությունները նպաստեցին կանանց սպորտի զարգացմանն ու մասսայականացմանը[2]:
Օլիմպիական խաղերից հետո Քուքը տեղափոխվեց Մոնրեալ և դարձավ մարզականլրագրող: 40 տարի շարունակ նա լուսաբանել է կանանց սպորտը Montréal Daily Star թերթի էջերում[3]: Երկրորդ համաշխարհային պատերազմի ժամանակ էլ ծառայել է Կանադայի զինված ուժերում՝ որպես աթլետիկայի մարզիչ[3]։ Քուքը ներգրավված էր կանանց սպորտի խթանման գործում՝ 1932-1972 թվականներին գրեթե առանց ընդհատումների ընդգրկված լինելով Կանադայի օլիմպիական կոմիտեում[3]:
1949 թվականին Քուքին նվիրված անկյուն է բացվել Կանադայի օլիմպիական փառքի սրահում, 1955 թվականին էլ՝ Կանադայի մարզական փառքի սրահում[3]։
Միրթլ Մաքգոուանը մահացել է 1985 թվականին՝ 84 տարեկան հասակում։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 L'Encyclopédie canadienne, The Canadian Encyclopedia
- ↑ 2,0 2,1 «Myrtle Cook McGowan» (անգլերեն). Canada's Sports Hall of Fame. Արխիվացված է օրիգինալից 2021-06-17-ին. Վերցված է 2021-04-25-ին.
- ↑ 3,0 3,1 3,2 3,3 3,4 3,5 «MYRTLE COOK» (անգլերեն). Olympics. Արխիվացված է օրիգինալից 2021-04-24-ին. Վերցված է 2021-04-24-ին.
- ↑ 4,0 4,1 «Myrtle Cook McGowan» (անգլերեն). Myseum of Toronto. Արխիվացված է օրիգինալից 2021-04-25-ին. Վերցված է 2021-04-25-ին.
 | Վիքիպահեստն ունի նյութեր, որոնք վերաբերում են «Միրթլ Քուք» հոդվածին։ |
| ||||||||||
