Միրաս (մարզահամալիր)
 | |
|---|---|
 | |
| Տեսակ | մարզադաշտ |
| Տեղագրություն | Կազան |
| Երկիր |  Ռուսաստան |
| Հիմնադրված | 2009 |
| Բացված | մայիսի 5, 2010 |
| Տարողություն | 1000 և 1500 |
| Տնային թիմ | Կազանի ազգային հետազոտական տեխնոլոգիական համալսարան |
 | |
| |
«Միրաս» (թաթ.՝ мирас «ժառանգություն»), Կազանի ազգային հետազոտական տեխնոլոգիական համալսարանի (ԿԱՀՏՀ) ունիվերսալ մարզական համալիր Ռուսաստանի Կազան քաղաքում (Թաթարստան)։ Համալիրը բաղկացած է 62 × 34 մ չափսերով, 6196 մ² ընդհանուր մակերեսով (ներառում է մարզիկների համար հանդերձարաններ, սրճարան, մամուլի կենտրոն, դոպինգի ստուգման կետ, ինչպես նաև մի քանի վարչական և օժանդակ տարածքներ[1]) և 1000 հանդիսական տարողունակությամբ «Միրաս» մարզական դահլիճից, ինչպես նաև 7950 մ² ընդհանուր մակերեսով, վազքուղիներով, աթլետիկայի շինություններով և արհեստական խոտածածկով ֆուտբոլի դաշտով «Միրաս» բաց մարզադաշտից[2]։
2013 թվականի Համաշխարհային ամառային ուսանողական խաղերի (Ունիվերսիադա) ընթացքում «Միրասում» անցկացվել են բասկետբոլի նախնական մրցումները, ինչպես նաև ֆուտբոլային թիմերի մարզումները[1]։
Ընդհանուր տեղեկություն[խմբագրել | խմբագրել կոդը]
«Միրաս» ունիվերսալ մարզական համալիրի շինարարության պետական պատվիրատուն Թաթարստանի հանրապետության շինարարության, ճարտարապետության և բնակկոմունալ տնտեսության նախարարությունն է։ Մարզադահլիճի և մարզադաշտի նախագծումն իրականացրել է «Թաթինվեստգրաժդանպրոյեկտ» պետական ունիտար ձեռնարկությունը[3]։
«Միրասի» շինարարությունը սկսվել է 2009 թվականի հուլիսի 1-ին Կազանի Ջաուդաթ Ֆայզիի և Խայդար Բիգիչևի փողոցների խաչմերուկում գտնվող բարաքներից մաքրված տարածքում[3][4]։
«Միրասը» բացվել է 2010 թվականի մայիսի 5-ին` Ռուսաստանի Դաշնության Կառավարության նախագահ Վլադիմիր Պուտինի կողմից[5]։
Մարզական խմբակներ և ակումբներ[խմբագրել | խմբագրել կոդը]
«Միրաս» համալիրում անցկացվում են Կազանի ազգային հետազոտական տեխնոլոգիական համալսարանի ուսանողների ուսումնամարզումային պարապմունքները։ Բացի այդ, «Միրաս» համալիրի հիման վրա գործում են ֆուտբոլի մանկապատանեկան մարզադպրոցներ, ինչպես նաև այնտեղ պարապում են կիոկուշին կարատեի[6], ֆուտբոլի[7], բասկետբոլի, չիրլիդինգի[8], աթլետիկայի համալսարանական թիմերը։ Համալիրի տարածքում գործում է նաև յոգայի ստուդիա[2]։
Արտաքին հղումներ[խմբագրել | խմբագրել կոդը]
- «Միրաս» համալիրի էջը Ունիվերսիադա 2013-ի կայքում
- Տեսառեպորտաժ «Միրաս» համալիրի բացման արարողությունից
Ծանոթագրություններ[խմբագրել | խմբագրել կոդը]
- ↑ 1,0 1,1 kudago. «Спортивный комплекс «Мирас»». KudaGo.com (ռուսերեն). Վերցված է 2021 թ․ ապրիլի 23-ին.
- ↑ 2,0 2,1 «Спортивный комплекс «Мирас»». SportGyms.ru - путеводитель по фитнес-клубам (ռուսերեն). Վերցված է 2021 թ․ ապրիլի 23-ին.
- ↑ 3,0 3,1 «Спортивный объект «Мирас» | altedu.ru». Վերցված է 2021 թ․ ապրիլի 23-ին.
- ↑ «Мирас | altedu.ru». Վերցված է 2021 թ․ ապրիլի 23-ին.
- ↑ «Председатель Правительства России Владимир Путин объявил об открытии семи новых спортивных объектов Универсиады-2013». Правительство Республики Татарстан (ռուսերեն). Արխիվացված է օրիգինալից 2021 թ․ ապրիլի 23-ին. Վերցված է 2021 թ․ ապրիլի 23-ին.
- ↑ «Сайт ЦБИ «Будо-Кан»». Արխիվացված է օրիգինալից 2012 թ․ օգոստոսի 30-ին. Վերցված է 2012 թ․ հունիսի 9-ին.
- ↑ Студенческая футбольная команда КНИТУ «Технологический Университет»
- ↑ Команда КНИТУ по Черлидингу «ТеХно»