Միսսիսիպիի ցեխ
.JPG)
| Ենթակատեգորիա | քաղցր կարկանդակ  | |
|---|---|---|
| Ծագման աղբյուր | Միսսիսիպի | |
| Ծագման երկիր | Ամերիկայի Միացյալ Նահանգներ | |
| Նյութ | շոկոլադ | |
| Cuisine | cuisine of the Southern United States | |
| Course | աղանդեր | |
Կարկանդակ «Միսսիսիպիի ցեխ» կամ Միսսիսիպիի ցեխանման կարկանդակ (անգլ.՝ Mississippi mud pie), աղանդերային շոկոլադե կարկանդակ կամ տորթ, որը հավանաբար ծագել է ամերիկյան Միսսիսիպի նահանգում, որտեղից էլ ստացել է իր անվանումը[1]։ Բաղկացած է շոկոլադե թխվածքաբլիթի փխրուն շերտերի վրա լցված շոկոլադե թանձրուկից (բիսկվիթ կամ մանրահատիկ շոկոլադով թխվածքաբլիթ)[2]։ Երբեմն կարկանդակը պատում են շոկոլադե կրեմով, այնուհետև հարած սերուցքով և զարդարում շոկոլադե քերուկներով։ Մատուցելուց առաջ սառեցնում են[3]։ Սովորաբար մատուցվում է պաղպաղակի հետ։
Պատմություն
[խմբագրել | խմբագրել կոդը]«Միսսիսիպիի ցեխ» անվանումը գալիս է կարկանդակի տեքստուրայից, որը հիշեցնում է Միսիսիպի գետի ճահճոտ և փխրուն ափերը[4]։ Մեկ այլ տարբերակով, կարկանդակը նման է կպչուն կավե բլիթների, որոնք պատրաստում են խաղացող երեխաները[5]։
«Միսսիսիպիի ցեխ» կարկանդակը դարձել է բրաունիի և շոկոլադե ֆաջի տարատեսակ, որոնք արդեն գոյություն ունեին Միացյալ Նահանգներում: Ըստ տարբեր աղբյուրների՝ այն առաջացել է 1970-ականների և 1980-ականների միջև[6]։ Նրա մասին տպագիր առաջին հայտնի հիշատակումը թվագրվում է 1975 թվականին[7]։
Կարկանդակը սովորաբար ունի շատ խոնավ տեքստուրա, որը վատ է պահպանում ձևը, և այն հաճախ պատրաստվում է կամ շերտավոր կարկանդակի կամ թխվածքի այլ կաղապարի մեջ։ Կեղտոտ կարկանդակի տարբեր բաղադրատոմսեր ունեն բազմաթիվ հավելումներ: Դրանցից որոշները կարող են ներառել սուրճ, զեֆիր, պեկանի ընկույզ, ընկույզ, կարամել, բուրբոն կամ նույնիսկ մրգային միջուկներ, ինչպիսիք են բալը կամ արքայախնձորը[8]։
Չնայած Միսսիսիպիի ցեխ թխվածքը սկզբնապես կապված էր ԱՄՆ հարավային նահանգների խոհանոցի հետ, սակայն այն տարածվել է նաև այդ սահմաններից դուրս։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «What Is Mud Cake?». wiseGEEK. Արխիվացված օրիգինալից 2020-11-16-ին. Վերցված է 2014-12-02-ին.
- ↑ «Шоколадный пирог «Грязь Миссисипи»». Արխիվացված օրիգինալից 2022-06-28-ին. Վերցված է 2022-08-11-ին.
- ↑ «Mississippi mud pie». Արխիվացված օրիգինալից 2022-07-14-ին. Վերցված է 2022-08-11-ին.
- ↑ Small, Ernest (2009-01-01). Top 100 Food Plants. NRC Research Press. էջ 170. ISBN 978-0-660-19858-3.
- ↑ The Oxford Companion to Sugar and Sweets. Verlag=Oxford University Press, 2015. — ISBN=978-0-19-931361-7. — 464 p.
- ↑ «A Muddy Cake Story». Արխիվացված օրիգինալից 2022-08-11-ին. Վերցված է 2022-08-11-ին.
- ↑ «mud-pie, n.». Oxford English Dictionary (Online ed.). Oxford University Press. Վերցված է 2012-12-19-ին.
- ↑ «What is Mud Cake?». Արխիվացված օրիգինալից 2022-08-11-ին. Վերցված է 2022-08-11-ին.