Միջազգային ֆինանսական կենտրոն
 | |
|---|---|
 | |
| Տեսակ | շինությունների համալիր |
| Երկիր |  Չինաստան |
| Տեղագրություն | Հոնկոնգ |
| Հարկեր | 88 |
| Վերելակներ | 62 |
| Կազմված է | Two International Finance Centre?, One International Finance Centre? և IFC Mall? |
| Հիմնադրված է | 2003 |
| Բացված | 2003 |
| Ճարտարապետ | Սեզար Պելլի և Rocco Yim? |
| Ճարտարագետ | Arup |
 | |
 | |
| Պաշտոնական կայք | |
Միջազգային ֆինանսական կենտրոն (անգլ.՝ International Finance Centre, (Չինարեն), բրենդ - ifc), շենքերի կոմպլեքս, որը գտնվում է Հոնկոնգ քաղաքի կենտրոնական շրջանի ափամերձ հատվածում։ Բաղկացած է երկու երկնաքերերից («One IFC» և «Two IFC»), «IFC Mall» առևտրի կենտրոնից և «Four Seasons» 40 հարկանի հյուրանոցից։
Կոմպլեքսի մաս կազմող ամենաբարձր շենքը՝ «Two IFC», աշխարհի ամենաբարձր շենքերի ցանկում զբաղեցնում է 26-րդ հորիզոնականը, 17-րդն Ասիայում, և երկրորդը Հոնկոնգում, որը Միջազգային առևտրական կենտրոնին զիջում է ընդամենը 484 մետրով[1]։ Կոմպլեքսը կառուցվել է «Sun Hung Kai Properties» և «MTR Corporation» ընկերությունների աջակցությամբ։ Օդանավակայան-Էքսպրեսս և Թունչհուն գծերի «Հոնկոնգ» կայարանը սպասարկում է բիզնես-համալիր։
Միջազգային ֆինանսական կենտրոն 1[խմբագրել | խմբագրել կոդը]
Միջազգային ֆինանսական կենտրոնի կոմպլեքսում առաջին երկնաքերը՝ «One IFC», կառուցվել է 1998 թվականին, բացումը կայացել է 1999 թվականին։ Շենքի բարձրությունը 210 մետր է, 38 հարկանի է, ընդհանուր տարածքը կազմում է 72 850 մ²։ Այն չորս գոտում սպասարկվում է 18 արագընթաց մարդատար վերելակներով[2]։ Շենքը տեղավորում է մոտավորապես 5000 մարդ[3]։ Շենքի նախագծմամբ զբաղվել է «Rocco Design Architects» ընկերությունը, «Cesar Pelli & Associates»-ից Սեզար Փելլին պատասխանատու էր ճարտարապետության համար, իսկ կառուցապատման համար Ասիայի ամենախոշոր ընկերությունը՝ «Sun Hung Kai Properties»[4]։
Միացյալ Նահանգների Նյու Ջերսի նահանգում կա նմանատիպ երկնաքեր՝ «30 Hudson Street», որի վրա աշխատել է նույն ճարտարապետը։
Միջազգային ֆինանսական կենտրոն 2[խմբագրել | խմբագրել կոդը]
Երկրորդ երկնաքերը պլանավորվել էր դեռևս 1996 թվականին։ Կառուցումն սկսվել է 2000 թվականին և ավարտվել 2003 թվականին։ Նախագծի հեղինակը կրկին Սեզար Փելլին է, այս շենքը՝ 412 մետր բարձրությամբ, ներկա պահին բարձրությամբ երկրորդն է Հոնկոնգում[1]։
Շենքը 88 հարկանի է, որից 22-ն առևտրային հարկեր են։ Ամենաբարձր գրասենյակային հարկերը վաճառվում կամ վարձակալվում են տարբեր ընկերությունների կողմից։ Օրինակ՝ Հոնկոնգի ֆինանսական վարչությունը 2001 թվականին 55, 56 և 77-88 հարկերը գնել է 3,7 միլիարդ դոլարով[5]։ 55-րդ հարկում կա ցուցահանդես՝ նվիրված Հոնկոնգի մետաղադրամների պատմությանը և Հոնկոնգի ֆինանսական վարչության գրադարանին, որոնք այցելուների համար բաց են գրասենյակի աշխատանքային ժամերին։
«Four Seasons» հյուրանոցների ցանց[խմբագրել | խմբագրել կոդը]
«Four Seasons» հյուրանոցի կառուցումն սկսվել է 2002 թվականին և ավարտվել 2005 թվականի հոկտեմբերին։ Հյուրանոցը բաղկացած է երկու աշտարակներից՝ 165 և 205 մետր բարձրությամբ՝ համապատասխանաբար 42 և 55 հարկերով[6][7]։ Առաջին աշտարակում գտնվում է 400 սենյակներով «Four Seasons Hotel Hong Kong» հյուրանոցը, իսկ երկրորդում՝ «Four Season Place» հյուրանոցը, որը նախատեսված է երկարատև հանգստի համար[8]։
Առևտրի կենտրոն[խմբագրել | խմբագրել կոդը]
«IFC Mall»-ը գտնվում է Միջազգային ֆինանսական կենտրոնի չորսհարկանի ստիլոբատային մասում[9]։ Այնտեղ է գտնվում Հոնկոնգի առաջին «Apple» խանութը[10]։
Մշակույթում[խմբագրել | խմբագրել կոդը]
- «Two IFC» աշտարակը հայտնվել է «Լարա Քրոֆթ։ Դամբարաններ թալանողը 2։ Կյանքի օրորոց» ֆիլմում։
- «Խավարի ասպետը» ֆիլմում Բեթմենը Լաոյին առևանգելու օպերացիայի ժամանակ նախատեսում է «2 IFC» աշտարակից գնալ «1 IFC» աշտարակը։
- 2003 թվականի հոկտեմբերից նոյեմբեր ընկած ժամանակահատվածում «Financial Times»-ը, «HSBC»-ն և «Cathay Pacific» ընկերությունները շենքի ճակատին տեղադրել են 19,000 մ² և 230 մետր երկարությամբ գովազդներ։ Գովազդը տարածվում էր ավելի քան 50 հարկերից՝ այն դարձնելով ամենամեծ գովազդը, որը երբևէ տեղադրվել է երկնաքերի վրա[11]։
Թվաբանությունում[խմբագրել | խմբագրել կոդը]
- 88 - «2 IFC» աշտարակի հարկերի թիվն է, որը չինական թվաբանությունում բարեհաջող լինելու նշան է, քանի որ 88 հիերոգլիֆը նման է կրկնակի երջանկության հիերոգլիֆին[3]։
- «2 IFC» աշտարակում բացակայում են 4 թիվը ներառող հարկերը՝ 14 և 24։ Դա պայմանավորված է 4 թվի վերաբերյալ սնահավատությամբ՝ տետրաֆոբիա[3]։
Պատկերասրահ[խմբագրել | խմբագրել կոդը]
«2 IFC» կառույց, 2001 թվականի դեկտեմբեր
Միջազգային ֆինանսական կենտրոն 2
Վիկտորիա ծովածոցից Միջազգային ֆինանսական կենտրոնի տեսարան
«IFC» առևտրի կենտրոնը «Հոնկոնգ» կայարանի կողքին
«IFC» առևտրի կենտրոն
«IFC» առևտրի կենտրոն
«Four Seasons Hotels and Resorts» հյուրանոց
«Four Seasons» հյուրանոց (Հոնկոնգ)
«Հոնկոնգ» մետրոյի կայարան
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 «Two International Finance Centre - The Skyscraper Center»։ www.skyscrapercenter.com։ Վերցված է 2019-01-31
- ↑ «1 International Finance Centre, Hong Kong - SkyscraperPage.com»։ skyscraperpage.com։ Վերցված է 2019-01-31
- ↑ 3,0 3,1 3,2 «Второй Международный Финансовый Центр в Гонконге»։ ctoday.ru։ Արխիվացված է օրիգինալից 2010-08-13-ին
- ↑ «One International Finance Centre - The Skyscraper Center»։ www.skyscrapercenter.com։ Վերցված է 2019-01-31
- ↑ Tong Sebastian (2003-04-07)։ «HKMC 'to pay $90m' for lease at Two IFC»։ The Standard։ Արխիվացված է օրիգինալից 2008-05-21-ին։ Վերցված է 2007-03-27
- ↑ «Four Seasons Hotel Hong Kong - The Skyscraper Center»։ www.skyscrapercenter.com։ Վերցված է 2019-01-31
- ↑ «Four Seasons Place - The Skyscraper Center»։ www.skyscrapercenter.com։ Վերցված է 2019-01-31
- ↑ «Four Seasons Place Hong Kong – Luxurious Serviced Apartment / Suite Hotel atop Hong Kong Station»։ www.fsphk.com։ Արխիվացված է օրիգինալից 2019-01-31-ին։ Վերցված է 2019-01-31
- ↑ «ifc mall | International Finance Centre, Hong Kong» (անգլերեն)։ ifc.com.hk։ Վերցված է 2019-01-31
- ↑ «Apple’s First Retail Store in Hong Kong Opens Saturday» (անգլերեն)։ Apple Newsroom։ Վերցված է 2019-01-31
- ↑ «Vertigo World's Largest Outdoor Advert»։ Արխիվացված է օրիգինալից 2012-07-12-ին
Արտաքին հղումներ[խմբագրել | խմբագրել կոդը]
- Միջազգային ֆինանսական կենտրոն 2-ը Հոնկոնգում
- Միջազգային ֆինանսական կենտրոն, տեսարան տիեզերքից(անգլ.)
- Միջազգային ֆինանսական կենտրոնի կայք(անգլ.)
- «Emporis»-ի՝ «2 ifc»-ի շինարարական հարթակ(անգլ.)
- «Four Seasons» հյուրանոց (Հոնկոնգ)(անգլ.)
| ||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Միջազգային ֆինանսական կենտրոն կատեգորիայում։ |