Միներվա ՄաքԳոնագալ
| Հարրի Փոթերի աշխարհի կերպար | |
|---|---|
 Մեգի Սմիթը Միներվա ՄաքԳոնագալի դերում | |
| Միներվա ՄաքԳոնագալ | |
| Սեռ | իգական |
| Մազերի գույն | սպիտակ |
| Ֆակուլտետ | Գրիֆինդոր |
| Արյունի մաքրություն | խառնածին |
| Պատրոնուս | Կատու |
| Բոգարթ | Լորդ Վոլդեմորթ |
| Կախարդական փայտ | 9½ դյույմ, եղևնու փայտ, վիշապի սրտալար |
| Առաջին հայտնվելը | «Հարրի Փոթերը և Փիլիսոփայական քարը» |
| Դեր ֆիլմերում | Մեգի Սմիթ |
Միներվա ՄաքԳոնագալ (անգլ.՝ Minerva McGonagall, հոկտեմբերի 4, 1935), անգլիացի գրող Ջոան Ռոուլինգի «Հարրի Փոթեր» վիպաշարից հորինված կերպար։ «Հոգվարթսի մոգության և կախարդության դպրոցի» պրոֆեսորներից է, նաև հանդես է գալիս որպես Գրիֆինդոր ֆակուլտետի ղեկավար և դպրոցի փոխտնօրեն։ Հարրի Փոթերի մասին ֆիլմաշարում ՄաքԳոնագալի կերպարը մարմնավորել է Մեգի Սմիթը, իսկ «Ֆանտաստիկ գազաններ» պրիքվելային ֆիլմաշարի «Գրինդելվալդի հանցագործությունները» և «Դամբլդորի գաղտնիքները» ֆիլմերում մարմնավորումը կատարել է Ֆիոնա Գլասկոտը[1]։
Կերպար
[խմբագրել | խմբագրել կոդը]Վեպերում
[խմբագրել | խմբագրել կոդը]ՄաքԳոնագալի կերպարն առաջին անգամ հայտնվում է «Հարի Փոթերը և փիլիսոփայական քարը» (1997) վեպի սկզբում, այնտեղ նա ուղեկցում է Ալբուս Դամբլդորին և մանուկ Հարի Փոթերին միասին տանում են Դարսլիների առանձնատուն: Երբ Հարրին մեկ տասնամյակ անց ժամանում է Հոգվարթս՝ հանդիպում է ՄաքԳոնագալին, որն այդ ժամանակ կերպարանափոխության առարկայի պրոֆեսորն է և Գրիֆինդոր ֆակուլտետի ղեկավարը: Նկատելով Հարրիի ցախավելով թռչելու հմտությունները՝ ՄաքԳոնագալը նրան ծանոթացնում է Քվիդիչի Գրիֆինդոր թիմի ավագ Օլիվեր Վուդի հետ: Երբ Հարրին որակավորվում է քվիդիչի թիմում՝ ՄաքԳոնագալը նրան գնում է «Նիմբուս 2000» ցախավել:
«Հարրի Փոթերը և Գաղտնիքների սենյակը» (1998) վեպում ՄաքԳոնագալը դառնում է տնօրենի պաշտոնակատար այն բանից հետո, երբ Դամբլդորի աշխատանքը կասեցվում է մոգության նախարարության կողմից: Երբ հայտնաբերվում է, որ Ջիննի Ուիզլիին տարել են Գաղտնիքների սենյակ՝ նա հրամայում է պրոֆեսոր Գիլդերոյ Լոքհարթին փրկել աղջկան: Այն բանից հետո, երբ Լոքհարթը ապացուցում է, որ անկարող է դա անել՝ Ջինիին փրկում են Հարրին և Ռոն Ուիզլին։
«Հարի Փոթերը և Ազքաբանի բանտարկյալը» (1999) վեպի սկզբում ՄաքԳոնագալը Հերմայոնի Գրեյնջերին տալիս է ժամանակի շրջադարձ, որը թույլ է տալիս նրան միաժամանակ մի քանի դասերի հաճախել։ Այն բանից հետո, երբ Հարրիի Նիմբուս 2000-ը ոչնչացվում է՝ նրան ուղարկում են բուժսենյակ, իսկ ՄաքԳոնագալն առգրավում է նրա ցախավելը: Նա կասկածում է, որ դա անիծված է, բայց ի վերջո հասկանում է, որ դա այդպես չէ: «Հարրի Փոթերը և Կրակի գավաթը» (2000) վեպում ՄաքԳոնագալը մտահոգված է Հարրիի անվտանգությամբ, երբ նա խորհրդավոր կերպով ընտրվում է «Երեք հրաշագործների» մրցաշարի համար: Սեդրիկ Դիգորիի մահից հետո նա միանում է Ալբուս Դամբլդորին և Սևերուս Սնեյփին, որոնք միասին փրկում են Հարրիին մահաբեր Բարթի Քրաուչ կրտսերից:
ՄաքԳոնագալը «Հարրի Փոթերը և Փյունիկի միաբանությունը» վեպում միանում է Փյունիկի միաբանություն գաղտնի կազմակերպությանը: Այն բանից հետո, երբ նախարարութունը «Մռայլ արվեստի դեմ պաշտպանություն» առարկայի պրոֆեսոր է նշանակում Դոլորես Ամբրիջին և վերջինս հրաժարվում է ուսանողներին գործնական պաշտպանական դասեր տալ՝ ՄաքԳոնագալը աջակցում է Հարրիին, Ռոնին և Հերմայոնիին ստեղծել «Դամբլդորի ջոկատ» ինքնապաշտպանական խումբը: ՄաքԳոնագալը փորձում է պաշտպանել Ռուբեուս Հագրիդին Ամբրիջից, սակայն դրա համար նա հարձակման է ենթարկվում Ավրորների կողմից և ուղարկվում Սուրբ Մունգոյի հիվանդանոց: Նա ի վերջո ապաքինվում է և վերադառնում Հոգվարթս՝ մինչև ուսումնական տարվա ավարտը:
«Հարրի Փոթերը և Խառնածին արքայազնը» (2005) վեպում ՄաքԳոնագալը մենամարտում է մահաբեր Ալեքտո Քերոուի հետ՝ Աստղագիտության աշտարակի ճակատամարտի ժամանակ։ ՄաքԳոնագալը Դամբլդորի մահից հետո նշանակվում է տնօրեն, սակայն նրան փոխարինում է Սնեյփը, երբ Վոլդեմորտը վերահսկում է Հոգվարթսը «Հարի Փոթերը և Մահվան պարգևները» (2007) վեպում։ Նա շարունակում է աշխատել որպես պրոֆեսոր և ներկա է լինում այն դրվագին, երբ Հարրին, Ռոնը և Հերմայոնին վերադառնում են Հոգվարթս՝ Ռեյվենքլոուի դիադեմը փնտրելու համար: Շուտով ՄաքԳոնագալը Սնեյփին վտարում է Հոգվարթսից։ Վոլդեմորտի հարձակումից առաջ նա ստեղծում է դպրոցի պաշտպանությունը և օգնում է տարհանել կրտսեր ուսանողներին Հոքսմիդ: Հոգվարթսի ճակատամարտի ժամանակ ՄաքԳոնագալը մենամարտում է Վոլդեմորտի դեմ՝ Հորացիոս Սլագհորնի և Քինգսլի Շեքլբոլտի հետ միասին։
Կինադապտացիա
[խմբագրել | խմբագրել կոդը]Հարի Փոթերի մասին ֆիլմաշարի ութ ֆիլմերից յոթում ՄաքԳոնագալի կերպարը մարմնավորել է Մեգի Սմիթը (չի հայտնվել Հարրի Փոթերը և Մահվան պարգևները։ Մաս 1 ֆիլմում): Չնայած Ջոան Ռոուլինգի կողմից իր կատարման համար գովասանքի արժանանալուն՝ Սմիթն ասել է, որ ֆիլմերում իր դերակատարումը լիովին չի բավարարել իրեն[2]։ Այնուամենայնիվ նա ասել է, որ իրեն դուր է գալիս ֆիլմաշարի միայն մի մասը, քանի որ դա թույլ է տվել իրեն ավելի կապվել իր թոռների հետ[3]։ Սմիթը կրծքագեղձի քաղցկեղի դեմ ինտենսիվ քիմիաթերապիա է անցել «Խառնածին արքայազն» ֆիլմի նկարահանումների ժամանակ: Բուժման արդյունքում իրեն «սարսափելի հիվանդ» է զգացել, բայց ի վերջո լիովին ապաքինվել է[4]։
Հարրի Փոթերը և անիծված երեխան
[խմբագրել | խմբագրել կոդը]2016 թվականի «Հարի Փոթերը և Անիծված երեխան» բեմադրությունը տեղի է ունենում Վոլդեմորտի մահից տասնինը տարի անց: Պիեսում ՄաքԳոնագալը Հոգվարթսի տնօրենն է։
Ֆանտաստիկ գազաններ
[խմբագրել | խմբագրել կոդը]ՄաքԳոնագալը հանդես է եկել որպես Հոգվարթսի պրոֆեսոր «Ֆանտաստիկ գազաններ։ Գրինդելվալդի հանցագործությունները» (2018) և «Ֆանտաստիկ գազաններ։ Դամբլդորի գաղտնիքները» (2022) ֆիլմերում: Մի քանի կայքեր նշել են, որ համաձայն «Փյունիկի միաբանությունում» ներկայացված ժամանակացույցի մանրամասների՝ ՄաքԳոնագալը չէր կարող դասավանդել Հոգվարթսում այս ֆիլմերի իրադարձությունների ժամանակ: Ֆիլմաշարում նրա կերպարի հայտնվելը վրդովմունքի պատճառ է դարձել որոշ երկրպագուների մոտ[5][6][7][8]։ ՄաքԳոնագալին ֆիլմերում մարմնավորել է Ֆիոնա Գլասկոտը[9]։
Բնավորություն
[խմբագրել | խմբագրել կոդը]ՄաքԳոնագալը կայացած կին է, որը հմուտ է մոգության բազմաթիվ ձևերի մեջ (հատկապես կերպարանափոխումը): Նա կարողանում է կատարել որոշակի կախարդանքներ առանց փայտիկի օգտագործման: Նա անիմագուս է, ինչը նրան թույլ է տալիս ցանկացած պահի փոխակերպվել կատվի: ՄաքԳոնագալին բարձր են գնահատում իր հասակակիցները և Հոգվարթսի ուսանողները: Նա հայտնի է իր խստությամբ և չոր հումորի զգացումով: Միներվա ՄաքԳոնագալը որոշակի նմանություններ ունի հռոմեական աստվածուհի Միներվայի հետ (հունական դիցաբանության մեջ հայտնի է որպես Աթենաս)։
Ընդունելություն
[խմբագրել | խմբագրել կոդը]«IGN» ժամանցային կայքը գրել է, որ ՄաքԳոնագալը սովորաբար «խիստ և կարգապահ է», բայց կարող է նաև լինել «հիասքանչ մորաքույր», որը երբեմն թույլ է տալիս չարաճճիություններ անել[10]։ «WatchMojo»-ն հրապարակել է տեսանյութ, որտեղ ՄաքԳոնագալը դասվել է Հարի Փոթերի լավագույն կերպարների ցանկի 9-րդ հորիզոնականում՝ նկարագրելով նրան որպես հզոր, խստապահանջ և տպավորիչ կախարդուհու, որն ունի «պատասխանատվության բարձր զգացում», բայց նաև «ունի ավելի մեղմ կողմ»[11]։
Ծանոթագրություններ
[խմբագրել | խմբագրել կոդը]- ↑ Daniel, Tiffani (20 August 2019). «10 Facts About Minerva McGonagall Left out of the Movies». ScreenRant (անգլերեն). Արխիվացված օրիգինալից 20 August 2019-ին. Վերցված է 18 July 2020-ին.
- ↑ Oliver, Mark (5 November 2001). «Rowling: 'It is as I imagined it inside my head'». The Guardian (բրիտանական անգլերեն). ISSN 0261-3077. Վերցված է 31 August 2024-ին.
- ↑ Peppin, Hayley (6 December 2019). «Professor McGonagall actress Maggie Smith said working on 'Harry Potter' 'didn't feel like acting' and 'wasn't satisfying'». Insider (անգլերեն). Արխիվացված օրիգինալից 7 August 2024-ին. Վերցված է 18 July 2020-ին.
- ↑ «Maggie Smith Discusses Cancer Treatment Struggle». The Telegraph (անգլերեն). 5 October 2009. Արխիվացված է օրիգինալից 2 April 2022-ին. Վերցված է 18 July 2020-ին.
- ↑ Singh, Olivia (17 November 2018). «The 'Fantastic Beasts' sequel had an unexpected 'Harry Potter' cameo — here's why it doesn't make sense». Insider (անգլերեն). Արխիվացված օրիգինալից 7 August 2024-ին. Վերցված է 18 July 2020-ին.
- ↑ Wade, Jessie (20 November 2018). «Fantastic Beasts: Why THAT Cameo Has Fans Confused». IGN (անգլերեն). Արխիվացված օրիգինալից 20 November 2018-ին. Վերցված է 18 July 2020-ին.
- ↑ Moore, Rose (24 November 2018). «Fantastic Beasts 2's Professor McGonagall Plot Hole Can't Be Fixed». ScreenRant (անգլերեն). Արխիվացված օրիգինալից 24 November 2018-ին. Վերցված է 18 July 2020-ին.
- ↑ Baxter-Wright, Dusty (6 November 2018). «Harry Potter fans are mad because of this Professor McGonagall error in Fantastic Beasts». Cosmopolitan (անգլերեն). Արխիվացված օրիգինալից 19 January 2019-ին. Վերցված է 18 July 2020-ին.
- ↑ Daniel, Tiffani (19 August 2019). «10 Facts About Minerva McGonagall Left Out Of The Movies». ScreenRant (անգլերեն). Արխիվացված օրիգինալից 20 August 2019-ին. Վերցված է 18 July 2020-ին.
- ↑ «Top 25 Harry Potter characters». IGN (անգլերեն). 2019-03-28. Արխիվացված օրիգինալից 2019-03-28-ին. Վերցված է 2020-07-17-ին.
- ↑ «Top 10 Harry Potter Characters». WatchMojo (անգլերեն). 6 July 2014. Արխիվացված օրիգինալից 10 July 2014-ին. Վերցված է 17 July 2020-ին.
Այլ ընթերցանություն
[խմբագրել | խմբագրել կոդը]- Fox, Chloe (10 November 2001). «Dame Maggie Smith in Harry Potter: Spell binding». Telegraph. Telegraph Media Group Limited. Արխիվացված է օրիգինալից 4 May 2012-ին. Վերցված է 18 July 2020-ին.
- Fremont, Maggie (6 September 2018). «Harry Potter Turns 20. It's Time Minerva McGonagall Got the Praise She Deserves». Vulture (անգլերեն). Վերցված է 3 September 2024-ին.
- Hedash, Kara (7 November 2019). «What Happened To Professor McGonagall After Harry Potter Ended». ScreenRant (անգլերեն). Արխիվացված օրիգինալից 8 November 2019-ին. Վերցված է 18 July 2020-ին.