Միյոշի Ումեկի

Վիքիպեդիայից՝ ազատ հանրագիտարանից
Jump to navigation Jump to search
Picto infobox masks.png
Միյոշի Ումեկի
ճապ.՝ 梅木 美代志
Flower Drum Song (1961) Press Photo of Miyoshi Umeki.jpg
Ծնվել էմայիսի 8, 1929(1929-05-08)[1][2][3]
ԾննդավայրՕտարու, Ճապոնիա
Մահացել էօգոստոսի 28, 2007(2007-08-28)[4][1][2][…] (78 տարեկան)
Մահվան վայրԼիկինգ, Տեխաս շրջան, Միսսուրի, ԱՄՆ
ՔաղաքացիությունFlag of Japan.svg Ճապոնիա և Flag of the United States.svg ԱՄՆ
Մասնագիտություներգչուհի, հեռուստատեսային դերասանուհի, թատրոնի դերասանուհի, կինոդերասանուհի, ջազ երաժիշտ և դերասանուհի
Ժանրերփոփ
Պարգևներ և մրցանակներ
Օսկար երկրորդ պլանի լավագույն դերասանուհու համար

Միյոշի Ումեկի (ճապ.՝ 梅木 美代志, անգլ.՝ Miyoshi Umeki, մայիսի 8, 1929(1929-05-08)[1][2][3], Օտարու, Ճապոնիա - օգոստոսի 28, 2007(2007-08-28)[4][1][2][…], Լիկինգ, Տեխաս շրջան, Միսսուրի, ԱՄՆ), ամերիկացի դերասանուհի և երգչուհի, որն ԱՄՆ է արտագաղթել Ճապոնիայից 1955 թվականին։

Կենսագրություն[խմբագրել | խմբագրել կոդը]

Կարիերա[խմբագրել | խմբագրել կոդը]

Միյոշի Ումեկին ծնվել է 1929 թվականի ապրիլի 3-ին ճապոնական Հոկայդո կղզու Օտարու քաղաքում, ընտանիքի ինը երեխաներից ամենափոքրն էր։ Պատանեկության տարիներին եղել է Կաբուկի թատրոնի և ամերիկյան փոփ երաժշտության երկրպագուն, ինչն էլ հետևաբար նրա կարիերայի ձևավորման վրա մեծ ազդեցություն է ունեցել։

Երկրորդ համաշխարհային պատերազմի ավարտից հետո Միյոշին սկսել է ելույթ ունենալ կաբարեում ՝ որպես երգչուհի՝ այդ ընթացքում օգտագործելով Նենսի Ումեկի կեղծանունը։ Շուտով դրանից հետո նա արել է իր երգերի մի քանի ձայնագրություններ «RCA Victor Japan» ստուդիայում, իսկ 1953 թվականին առաջին անգամ հանդես է եկել «Seishun Jazu Musume» ճապոնական ֆիլմում։

1955 թվականին Միյոշի Ումեկին արտագաղթել է ԱՄՆ, որտեղ որոշել է շարունակել իր դերասանական և երաժշտական կարիերան։ Այնտեղ սկզբնապես նա հանդես է եկել հեռուստատեսությունում, իսկ հետո պայմանագիր է կնքել «Mercury Records» կազմակերպության հետ, որտեղ էլ ձայնագրել է մի քանի միակատար սինգլներ և երկու ալբոմ։ Շուտով նա իր վրա է սևեռել ռեժիսոր Ջոշուա Լոգանի ուշադրությունը, որն էլ հրավիրել է նրան խաղալ Կացումիի դերը իր «Սայոնարա» ֆիլմում (1957 թվական)։ Այդ դերը 1958 թվականին նրան «Օսկար» մրցանակ է բերել՝ երկրորոդ պլանի լավագույն դերասանուհի անվանակարգում, և Միյոշի Ումեկին դարձել է առաջին ասիացի դերասանուհին, ով այդ մրցանակն է ստացել։

1958 թվականին նա արժացել է «Թոնի» մրցանակի՝ «Գույների թմբուկի երգը» բրոդվեյան մյուզիքլում իր խաղացած դերի համար։ Ցուցադրությունը տևել է երկու տարի, իսկ 1961 թվականին մյուզիքլը էկրանավորվել է։ «Գույների թմբուկի երգը» կինոտարբերակում իր խաղացած դերի համար դերասանուհին արժանացել է «Ոսկե գլոբուս» մրցանակի։ 1961 թվականից հետո նա նկարահանվել է ընդամենը երեք ֆիլմում, որից հետո՝ 1969 թվականից մինչև 1972 թվականը, կատարել է տիկին Լիվինգսթոնի դերը «Էդի հայրիկի խնամքը» սերիալում, իսկ ցուցադրության ավարտից հետո ավարտել է իր կարիերան։

Անձնական կյանք[խմբագրել | խմբագրել կոդը]

Միյոշի Ումեկիի առաջին ամուսինը՝ Ուայն Օպին, որի հետ ամուսնացել է 1958 թվականին, եղել է հեռուստատեսային ռեժիսոր, սակայն 1967 թվականին նրանք ամուսնալուծվել են։ Երկրորդ անգամ դերասանուհին ամուսնացել է մեկ տարի անց ռեժիսոր Ռենդոլա Հուդայի հետ, միասին որդեգրել են Մայքլ անունով մի տղայի։ Զույգը հիմնավորվել է Լոս Անջելեսում, որտեղ նրանք զբաղվել են վարձակալության բիզնեսով։ 1976 թվականին՝ ամուսնու մահից հետո, Միյոշի Ումեկին երկար ժամանակ ապրել է միայնակ Շերման Օքսում,որից հետո տեղափոխվել է Միսսուրի նահանգի Լիկինգ քաղաք՝ որդու ընտանիքի մոտ։ Հենց այնտեղ էլ մահացել է քաղցկեղից 2007 թվականի օգոստոսի 28-ին՝ 78 տարեկանում։

Ֆիլմերի ընտրանի[խմբագրել | խմբագրել կոդը]

  • «Գույների թմբուկի երգը», 1961 թվական – Մեյ Լի
  • «Սայոնարա», 1957 թվական – Կացումի
  • «Տամիկո անունով աղջիկը», 1962 թվական – Էյկո

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Internet Broadway Database — 2000.
  2. 2,0 2,1 2,2 2,3 2,4 filmportal.de — 2005.
  3. 3,0 3,1 Գերմանիայի ազգային գրադարանի կատալոգ (գերմ.)
  4. 4,0 4,1 4,2 Miyoshi Umeki; Recorded American Pop Standards, Won Oscar for 'Sayonara' // The Washington Post / S. BuzbeeWashington: Fred Ryan, 2007. — ISSN 0190-8286; 2641-9599