Միհայ Էմինեսկու

Միհայ Էմինեսկու; Mihai Eminescu
Ծննդյան անուն	մոլդ.՝ Михай Эмин
Ծնվել է	հունվարի 15, 1850[…]
Ծննդավայր	Բոտոշանի, Ռումինիա
Վախճանվել է	հունիսի 15, 1889 (39 տարեկան)
Վախճանի վայր	Բուխարեստ, Ռումինիայի թագավորություն
Գերեզման	Բելլու գերեզմանատուն
Մասնագիտություն	դերասան, արձակագիր, լրագրող, գրադարանավար, ակնարկագիր, գրող, բանաստեղծ և քաղաքական գործիչ
Լեզու	ռումիներեն
Քաղաքացիություն	Մոլդովական իշխանություն, Վալախիայի և Մոլդովայի միացյալ իշխանություն և Ռումինիայի թագավորություն
Կրթություն	Վիեննայի համալսարան
Ժանրեր	պոեզիա
Գրական ուղղություններ	ռոմանտիզմ
Ուշագրավ աշխատանքներ	Luceafărul?
Անդամակցություն	Ռումինական ակադեմիա, Junimea? և Timpul?
Համատեղ ապրող	Veronica Titilimonte?
	Mihai Eminescu Վիքիպահեստում

Միհայ Էմինեսկու (ռումիներեն՝ Mihai Eminescu, իսկական ազգանունը՝ Էմինովիչ, ռումիներեն՝ Eminovici, հունվարի 15, 1850(1850-01-15)^[1]^[2]^[3]^[…], Բոտոշանի, Ռումինիա - հունիսի 15, 1889(1889-06-15)^[1], Բուխարեստ, Ռումինիայի թագավորություն), ռումինացի բանաստեղծ, արձակագիր, դրամատուրգ, հրապարակախոս։ Էմինեսկուին վերագրվում է հայկական ծագում։ Ռումինական ակադեմիայի ակադեմիկոս (ետմահու)։ Ռումինական նոր գրականության հիմնադիրը։

Սովորել է Վիեննայի և Բեռլինի համալսարաններում։ Փարիզյան կոմունայի ազդեցությամբ գրել է «Կայսրը և պրոլետարը» (1874) պոեմը։ Կենդանության օրոք հրատարակել է «Բանաստեղծություններ» (1883) ժողովածուն։ 1883 թվականին վրա է հասել հոգեկան ծանր հիվանդությունը։ Սակայն մտքի պայծառացման ժամանակ աշխատել է, հրատարակել «Ֆընտընա Բլանդուզիեյ» (1888, «Fantana Blanduziei») թերթը։ Թողել է գրական հարուստ ժառանգություն («Թափուր հանճար», վեպ, «Լուչեաֆըրուլ», պոեմ, նամակներ, նորավեպեր, պատմվածքներ, պիեսներ և այլն)։ Պոետական արվեստը հասցրել է մեծ բարձրության, հարստացրել է ռիթմը, հանգավորումը, գեղարվեստական արտահայտչականությունը, ստեղծել ինքնատիպ լեզու։ Նա համարվում է եվրոպական պոեզիայի վերջին մեծ ռոմանտիկը։

Էմինեսկուն ծանոթ է եղել ռումինահայ գաղութի պատմությանը, հայերենը համարել է հին և հարուստ լեզու։ Էմինեսկուի բանաստեղծությունները սկսել են հայերեն թարգմանել 1914 թվականից։

Գրականություն[խմբագրել | խմբագրել կոդը]

Հակոբ Սիրունի, Միհայիլ էմինեսքու, Բուխարեստ, 1939։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Internet Speculative Fiction Database — 1995.
↑ ^3,0 ^3,1 Большая российская энциклопедия (ռուս.) — М.: Большая российская энциклопедия, 2004.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 46)։

[_b2d45a2fd8cf2d5e-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_da5612b02bf5a78c-2] 2,0 ^2,1 Internet Speculative Fiction Database — 1995.

[_ab4af41ccff7323b-3] 3,0 ^3,1 Большая российская энциклопедия (ռուս.) — М.: Большая российская энциклопедия, 2004.

[1]

[2]

[3]