Միխայիլ Մելքումյան
| Միխայիլ Մելքումյան | |
|---|---|
| Ծնվել է | հունվարի 20, 1925 |
| Ծննդավայր | Թիֆլիս, ԱԽՖՍՀ, ԽՍՀՄ |
| Մահացել է | հունիսի 11, 1994 (69 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան (1960) |
| Գիտական աստիճան | տնտեսագիտության դոկտոր (1972) |
| Մասնագիտություն | տնտեսագետ |
Միխայիլ Արշակի Մելքումյան (հունվարի 20, 1925, Թիֆլիս, ԱԽՖՍՀ, ԽՍՀՄ - հունիսի 11, 1994, Երևան, Հայաստան), հայ տնտեսագետ։ Տնտեսագիտության դոկտոր (1972), պրոֆեսոր (1981):
Կենսագրություն[խմբագրել | խմբագրել կոդը]
Միխայիլ Արշակի Մելքումյանը ծնվել է 1925 թվականի հունվարի 20-ին, Թիֆլիսում։ 1960 թվականին ավարտել է Երևանի պետական համալսարանը։ 1967-1979 թվականներին եղել է «Անի» համամիութենական գիտաարտադրական միավորման կառավարման ավտոմատացված համակարգերի բաժանմունքի պետ, 1981-1982 թվականներին՝ ճյուղային լաբորատորիայի վարիչ, 1979-1981 թվականներին՝ ՈւԽՍՀ Իվանո-Ֆրանկովսկի մարզում նավթի և գազի ինստիտուտի կառավարման ամբիոնի վարիչ, «1982-1990 թվականներին՝ Կառավարման և կազմակերպման հիմնահարցերի (1988 թվականից՝ կիրառական ավտոմատացված համակարգերի) համամիութենական գիտահետազոտական ինստիտուտի հայկական մասնաճյուղի փոխտնօրեն, 1986-1993 թվականներին, միաժամանակ՝ Հայաստանի միջճյուղային «Արդյունաբերություն» կառավարման համալիրի գլխավոր կոնստրուկտոր[1]։
Աշխատանքները վերաբերում են համակարգերի ընդհանուր տեսությանը, գիտական հիմունքների և կառավարման միօրինականացված ադապտիվ ավտոմատացված համակարգերին։ Առաջին անգամ մշակել և ներդրել է կառավարման ավտոմատացված «Արշալույս 2» (1971 թվականին՝ Մոսկվայի մարզի «Էքստրոն» գործարանում) և «Արշալույս 4» (1973 թվականին՝ Բելոռուսիայի Գոմելի «Մոդուլ» գործարանում) համակարգերը[1]։
Անհիմն բռնադատվել է 1942 թվականին, արդարացվել՝ 1956 թվականին[1]։
Երկեր[խմբագրել | խմբագրել կոդը]
- Некоторые принципы автоматизированной системы управления приборостроительным предприятием, Е., 1967 (համահեղինակ).