Միխայիլ Բարոյանց

Միխայիլ Բարոյանց
Ծնվել է	սեպտեմբերի 25, 1925
Ծննդավայր	Կրոպոտկին, Հյուսիսկովկասյան երկրամաս, ՌԽՖՍՀ, ԽՍՀՄ
Վախճանվել է	հունիսի 17, 2006 (80 տարեկան)
Մահվան վայր	Կիև, Ուկրաինա
Քաղաքացիություն	ԽՍՀՄ և Ուկրաինա
Կրթություն	Գեղարվեստի և ճարտարապետության ազգային ակադեմիա (1953)
Մասնագիտություն	նկարիչ
Ժանր	բնանկար և նատյուրմորտ
Ուսուցիչ	Տատյանա Յաբլոնսկայա, Ալեքսեյ Շովկունենկո, Viktor Puzyrkov?, Կոնստանտին Ելևա և Ilya Shtilman?
Անդամակցություն	Ուկրաինայի նկարիչների ազգային միություն
Ամուսին	Լյուդմիլա Սեմիկինա

Միխայիլ Սերգեյի Բարոյանց (սեպտեմբերի 25, 1925(1925-09-25), Կրոպոտկին, Հյուսիսկովկասյան երկրամաս, ՌԽՖՍՀ, ԽՍՀՄ - հունիսի 17, 2006(2006-06-17), Կիև, Ուկրաինա), ուկրաինահայ գեղանկարիչ, 1958 թվականից՝ Ուկրաինայի խորհրդային նկարիչների միության անդամ։ Նկարչուհի Լյուդմիլա Սեմիկինայի ամուսինը, նկարիչ Սեդրակ Բարոյանցի հայրը։

Կենսագրություն

Ծնվել է 1925 թվականի սեպտեմբերի 25-ին Կրոպոտկին քաղաքում (այժմ՝ Կրասնոդարի երկրամաս, Ռուսաստան): 1940-1942 թվականներին սովորել է Փանոս Թերլեմեզյանի անվան գեղարվեստական ուսումնարանում^[1]։

Մասնակցել է գերմանա-խորհրդային պատերազմին։ 1945 թվականին խորհրդային բանակից զորացրվելուց հետո ընդունվել է Երևանի պետական գեղարվեստաթատերական ինստիտուտ։ 1948 թվականին տեղափոխվել է Կիևի գեղարվեստի ինստիտուտ, որն ավարտել է 1953 թվականին^[2]։

Նրա ուսուցիչներն են եղել Տատյանա Յաբլոնսկայան, Ալեքսեյ Շովկունենկոն, Վիկտոր Պուզիրկովը, Կոնստանտին Ելևան և Իլյա Շտիլմանը^[1]։

Բարոյանցն ապրել է Կիևում, Դաշավսկա փողոցի թիվ 27 շենքի բնակարան 23-ում, այնուհետև Ակադեմիկոս Ֆիլատովի փողոցի թիվ 10ա շենքի բնակարան 6-ում^[3]։

Մահացել է 2006 թվականի հունիսի 17-ին Կիևում^[2]։

Ստեղծագործություններ

Աշխատել է հաստոցային նկարչության բնագավառում։ Նա ռեալիստական ոճով պատկերել է թեմատիկ նկարներ, բնանկարներ, նատյուրմորտներ^[4]։ Աշխատանքների թվում են.

«Արևելք» (1950)
«Սմիռնով-Լաստոչկինի փողոց» (1952)
«Սիրողներ» (1954, Դոնեցկի մարզային գեղարվեստական թանգարան)
«Երեկո» (1956, Սիմֆերոպոլի գեղարվեստական թանգարան)
«Կեսօր» (1957)
«Ընկերներ» (1958, Դոնեցկի մարզային գեղարվեստական թանգարան)
«Լեռներում կալսելը» (1961, Նիկոլաևի գեղարվեստական թանգարան)
«Հեղափոխության զինվորը» [«Կամո»] (1963, Վիննիցայի գավառագիտական թանգարան)
«Որդին» (1964)
«Հանուն կյանքի» եռապատկեր (1967, Դոնեցկի մարզային գեղարվեստական թանգարան)
«Հուշեր» (1971)
«Առավոտ» (1971)
«Ջուրը հոսում է» (1980)
«Կարպատյան նավթագործներ» (1987)
«Տիչինան և Իոնեսյանը Հայաստանում»

Նա նկարներ է ստեղծել Տարաս Շևչենկոյի թեմայով.

«Տարաս Շևչենկոյի գերեզմանի մոտ» (1961)
«Տարաս Շևչենկոյի կաղնին» (1961)
«Տարաս Շևչենկոյի գերեզման տանող ճանապարհը» (1961)
«Մորինցի գյուղը» (1961, Տարաս Շևչենկոյի անվան ազգային թանգարան)
«Տարաս Շևչենկոն աքսորում» (1963)
«Տարասի լեռը» (1961, Տարաս Շևչենկոյի անվան ազգային թանգարան)
«Արշավի ժամանակ» (1964, Տարաս Շևչենկոյի անվան ազգային թանգարան)
«Արալյան անապատ» (1964, Տարաս Շևչենկոյի անվան ազգային թանգարան)
«Տարասի արահետները» (1969)

1953 թվականից մասնակցել է հանրապետական և համամիութենական ցուցահանդեսների, մասնավորապես.

ԽՍՀՄ գեղարվեստական բուհերի ուսանողների դիպլոմային աշխատանքների 2-րդ համամիութենական ցուցահանդես (Մոսկվա, 1953)
Ուկրաինական ԽՍՀ կերպարվեստի ցուցահանդես՝ նվիրված Ուկրաինայի Ռուսաստանի հետ միավորման 300-ամյակին (Կիև, 1954)
Կիևի նկարիչների էտյուդների ցուցահանդես (Կիև, 1955)
ուկրաինացի նկարիչների աշխատանքների շրջիկ ցուցահանդես (Կիև, 1955)
Ուկրաինական ԽՍՀ գեղարվեստի հոբելյանական ցուցահանդես (Կիև, 1957)
Հոկտեմբերյան սոցիալիստական մեծ հեղափոխության 40-ամյակին նվիրված համամիութենական գեղարվեստական ցուցահանդես (Մոսկվա, 1957)
երիտասարդ նկարիչների աշխատանքների ցուցահանդես՝ նվիրված Ուկրաինական ԽՍՀ երիտասարդական փառատոնին (Կիև, 1958)
«Կոմերիտմիության 40-ամյակ» համամիութենական գեղարվեստական ցուցահանդես (Մոսկվա, 1958)
Կիևի նկարիչների միության 4-րդ տարածաշրջանային ցուցահանդես (Կիև, 1959)
Հանրապետական գեղարվեստական ցուցահանդես (Կիև, 1961)
Տարաս Շևչենկոյի մահվան 100-րդ տարելիցին նվիրված գեղարվեստական ցուցահանդես (Կիև, 1961)

Նկարչի աշխատանքները պահվում են Ուկրաինայի և արտերկրի թանգարաններում^[4]։

Գրականություն

Бароянц, Михаил Сергеевич // Художники народов СССР. Биобиблиографический словарь в 6 томах — Москва: Издательство «Искусство», 1970. — Том 1 (Аавик-Бойко), сторінка 293 (ռուսերեն);
Бароянц Михайло Сергійович // Українські радянські художники : довідник / відпов. ред. І. І. Верба. — Київ : Мистецтво, 1972. — С. 26—27.;
Бароянц Михайло Сергійович // Словник художників України / відпов. ред. М. П. Бажан. — Київ : Головна редакція Української радянської енциклопедії, 1973. — С. 177.;
Бароянц Михайло Сергійович // Шевченківський словник / відповідальний редактор Є. П. Кирилюк ; Інститут літератури імені Тараса Шевченка Академії наук Української РСР, Головна редакція Української радянської енциклопедії. — Київ : Поліграфкнига, 1976. — Т. 1 : А—Мол. — 416 с., сторінки 57—58;
І. М. Блюміна. Бароянц Михайло Сергійович // Енциклопедія сучасної України / ред. кол.: І. М. Дзюба [та ін.] ; НАН України, НТШ. — К.: Інститут енциклопедичних досліджень НАН України, 2001–2024. — ISBN 966-02-2074-X.

Ծանոթագրություններ

↑ ^1,0 ^1,1 «Михаил Сергеевич Бароянц - биография». Artchive (ռուսերեն). Վերցված է 2025 թ․ ապրիլի 9-ին.
↑ ^2,0 ^2,1 Блюміна, І. М. (2003 թ․ դեկտեմբերի 12). «Бароянц Михайло Сергійович». Енциклопедія Сучасної України (ուկրաիներեն). Վերցված է 2025 թ․ ապրիլի 9-ին.
↑ Довідник членів Національної спілки художників України. Київ. 2003, сторінка 122.
↑ ^4,0 ^4,1 «Бароянц Михаил Сергеевич цена картин, купить, продать, оценить картину советского художника». socrealizm.com.ua. Վերցված է 2025 թ․ ապրիլի 9-ին.

[:0-1] 1,0 ^1,1 «Михаил Сергеевич Бароянц - биография». Artchive (ռուսերեն). Վերցված է 2025 թ․ ապրիլի 9-ին.

[:1-2] 2,0 ^2,1 Блюміна, І. М. (2003 թ․ դեկտեմբերի 12). «Бароянц Михайло Сергійович». Енциклопедія Сучасної України (ուկրաիներեն). Վերցված է 2025 թ․ ապրիլի 9-ին.

[3] Довідник членів Національної спілки художників України. Київ. 2003, сторінка 122.

[:2-4] 4,0 ^4,1 «Бароянц Михаил Сергеевич цена картин, купить, продать, оценить картину советского художника». socrealizm.com.ua. Վերցված է 2025 թ․ ապրիլի 9-ին.

[1]

[2]

[3]

[4]