Միլկա Բաբովիչ

Վիքիպեդիայից՝ ազատ հանրագիտարանից
Jump to navigation Jump to search
Միլկա Բաբովիչ
Milka Babović 2.jpg
Անձնական տեղեկություն
Սեռ՝իգական
Բնօրինակ անուն՝խորվ.՝ Milka Babović
Ազգություն՝Չեռնոգորցիներ
Մասնագիտացում՝լրագրող, մարզական մեկնաբան և թեթևատլետ
Երկիր՝Flag of Yugoslavia (1918–1941).svg Սերբերի, խորվաթների և սլովակների թագավորություն, Flag of Yugoslavia (1918–1941).svg Հարավսլավիայի Թագավորություն, Flag of Yugoslavia (1946-1992).svg ՀՍՖՀ և Flag of Croatia.svg Խորվաթիա
Ծննդյան ամսաթիվ՝հոկտեմբերի 27, 1928(1928-10-27)[1]
Ծննդավայր՝Սկոպիե, Սերբերի, խորվաթների և սլովակների թագավորություն
Մահվան ամսաթիվ՝դեկտեմբերի 26, 2020(2020-12-26) (92 տարեկան)

Միլենա «Միլկա» Բաբովիչ (խորվ.՝ Milka Babović, հոկտեմբերի 27, 1928(1928-10-27)[1], Սկոպիե, Սերբերի, խորվաթների և սլովակների թագավորություն - դեկտեմբերի 26, 2020(2020-12-26)[2]), խորվաթ մարզուհի (սպրինտ և արգելավազք) և լրագրող։ Նա հաղթել է Հարավսլավիայում սպրինտի բազմաթիվ մրցումներում։ Նա նաև մարզական լրագրողի և հեռուստատեսության խմբագրի կարիերա է արել։

Կենսագրություն[խմբագրել | խմբագրել կոդը]

Բաբովիչը ծնվել է Սկոպյեում, մեծացել է Սարաևո քաղաքում, ապա տեղափոխվել է Ռումա և Բելգրադ, որտեղ սովորել է դպրոցում։ Ավարտել է Զագրեբի համալսարանի մանկավարժական ֆակուլտետը[3]։ Սկսելով սպորտով զբաղվել Ռումում, նա մտավ Զագրեբի պատանեկան մարզական ընկերություն և սկսեց մասնակցել սպրինտի մրցումներին։ 1953 թվականից սկսած նա հաղթել է Հարավսլավիայի առաջնություններում 100 մ վազքում (մեկ անգամ), 80 մ արգելավազքում (յոթ անգամ), 4 × 100 մ փոխանցավազքում (յոթ անգամ) և 4 × 200 մ փոխանցավազքում (երկու անգամ)։ Մի քանի հարավսլավական ռեկորդներ է սահմանել սպրինտում, և երկու անգամ հաղթել է միջազգային ուսանողական մրցումներում՝ 1953 և 1957 թվականներին արգելավազքով 80 մետր հեռավորության վրա, իսկ 1954 թվականի Եվրոպայի առաջնությունում նա զբաղեցրել է հինգերորդ տեղը[3]։ Sportske novosti թերթի քվեարկության ժամանակ նա երեք անգամ ճանաչվել է Խորվաթիայի լավագույն մարզուհի և երկու անգամ՝ Հարավսլավիայի լավագույն մարզուհի[3]։

Նա մարզական լրագրող է աշխատել Narodni sport թերթում 1949 թվականից, իսկ 1957 թվականին տեղավորվել Զագրեբի հեռուստատեսությունում, որտեղ դարձել է առաջին մարզական խմբագիր։ Աշխատել է այդ պաշտոնում, բացառությամբ չորս տարվա ընդմիջումից, մինչև 1975 թվականը։ Նա մի քանի անգամ եղել է Խորվաթիայի լրագրողների ասոցիացիայի մարզական լրագրության բաժնի նախագահը, եղել է Հարավսլավիայի օլիմպիական կոմիտեի անդամ (երկու մանդատ) և Զագրեբ քաղաքի վեհաժողովի Գործադիր խորհրդի անդամ (մեկ մանդատ)[3]։

Բաբովիչը 1974 թվականին Զագրեբ քաղաքից արժանացել է լրագրողների ասոցիացիայի պարգևների, իսկ 1979 թվականին պարգևատրվել է հարավսլավական եղբայրության և միասնության շքանշանով՝ արծաթե պսակով[3]։

Ծանոթագրություններ[խմբագրել | խմբագրել կոդը]

  1. 1,0 1,1 Hrvatski biografski leksikon (хорв.) — 1983.
  2. Milena Babovic. trackfield.brinkster.net
  3. 3,0 3,1 3,2 3,3 3,4 Frntić, Franjo (1983), «Babović, Milka» (croatian), Croatian Biographical Lexicon, 1, Leksikografski zavod Miroslav Krleža, http://hbl.lzmk.hr/clanak.aspx?id=980, վերցված է 6 January 2014