Միլիցա Մանդիչ

Վիքիպեդիայից՝ ազատ հանրագիտարանից
Միլիցա Մանդիչ
Անձնական տեղեկություն
Սեռ՝իգական
Մասնագիտացում՝թեքվանդոյի մարզիկ
Երկիր՝ Սերբիա
Ծննդյան ամսաթիվ՝դեկտեմբերի 6, 1991(1991-12-06) (31 տարեկան)
Ծննդավայր՝Բելգրադ, ՀՍՖՀ

Միլիցա Մանդիչ (կյուրեղագիր սերբերեն՝ Милица Мандић, դեկտեմբերի 6, 1991(1991-12-06), Բելգրադ, ՀՍՖՀ), սերբ թեկվոնդոիստուհի, ով նվաճել է օլիմպիական չեմպիոնի տիտղոսը (2012 թվականի ամառային օլիմպիական խաղերում, 67 կիլոգրամ և ավելի քաշային կարգում)։

Մարզական կարիերա[խմբագրել | խմբագրել կոդը]

Մանդիչը միջին քաշային կարգում (73 կիլոգրամից ցած) 2011 թվականին թեկվոնդոյի աշխարհի առաջնությունում նվաճել է բրոնզե, Եվրոպայի առաջնությունում՝ արծաթե մեդալ[1][2] և վարկանիշային բավարար միավորներ հավաքելով՝ իրավունք ստացել մասնակցելու 2012 թվականի լոնդոնյան օլիմպիադային։ Այստեղ էլ մեծ հաջողությամբ է գոտեմարտել, հասել եզրափակիչ և վճռորոշ մրցամարտում ֆրանսուհի Աննա-Կարոլինա Գրաֆին պարտության մատնելով 9–7 հաշվով՝ հռչակվել է օլիմպիական խաղերի չեմպիոն, դարձել անկախացած Սերբիայի առաջին մարզիկը, ում հաջողվել է մարզական այդպիսի բարձունք գրավել[3][4]։ Դրանից հինգ տարի անց՝ աշխարհի 2017 թվականի առաջնությունում նա նվաճել է նաև մոլորակի ուժեղագույնի տիտղոսը՝ եզրափակիչ գոտեմարտում պարտության մատնելով հարավկորեացի համբավավոր թեկվոնդոիստուհի Օ Հյե-ռիին[5]։

Փառքի սրահ[խմբագրել | խմբագրել կոդը]

Մանդիչն ու նրա մարզիչ Դրագան Յովիչը 2013 թվականին Լաս Վեգասում կայացած հանդիսավոր արարողակարգով ներառվել են թեկվոնդոյի փառքի սրահում[6]։ Այդ բարձր պատվին սերբ մարզուհին արժանցել է Սերբիայում ու տարածաշրջանում աննախադեպ հանդիսացած, ակնառու մարզական իր նվաճումների, թեկվոնդո մարզաձևի զարգացման ու տարածման գործում ներդրած զգալի ավանդի համար։

Ծանոթագրություններ[խմբագրել | խմբագրել կոդը]

  1. ↑ «Competition Results»։ wtf.org։ Արխիվացված է օրիգինալից 3 March 2016-ին։ Վերցված է 15 August 2012 
  2. ↑ «Results»։ gbtaekwondo.co.uk։ Արխիվացված է օրիգինալից 12 July 2012-ին։ Վերցված է 15 August 2012 
  3. ↑ «Serbia woman wins taekwondo gold»։ August 11, 2012 
  4. ↑ «Olympics taekwondo: Serb Milica Mandic wins country's first gold»։ BBC Sport։ Արխիվացված է օրիգինալից 14 August 2012-ին։ Վերցված է 15 August 2012 
  5. ↑ «2017 WTF World Taekwondo Championships Day 6: Golds Won by Germany, Serbia and Niger»։ www.worldtaekwondo.org։ Արխիվացված է օրիգինալից 2020-09-23-ին։ Վերցված է 2021-04-04 
  6. ↑ «Milica Mandic at Hall of Fame in Las Vegas»։ sport.blic.rs։ Արխիվացված է օրիգինալից 17 October 2013-ին։ Վերցված է 17 October 2013 

Արտաքին հղումներ[խմբագրել | խմբագրել կոդը]

Միլիցա Մանդիչ Վիքիպահեստում
Պարգևներ և ձեռքբերումներ
Նախորդող՝
Նովակ Ջոկովիչ 		Սերբիա Սերբիայի լավագույն մարզիկ
2012 		Հաջորդող՝
Էմիր Բերկիչ
Թեմատիկ կայքեր
Ստացված է «https://hy.wikipedia.org/w/index.php?title=Միլիցա_Մանդիչ&oldid=8048032» էջից