Մեքս (ապրանքանիշ)
Մեքս | |
|---|---|
 | |
| Տեսակ | բիզնես ձեռնարկություն, խանութների ցանց, անշարժ գույքով ընկերություն, ապրանքային նշան և ձեռնարկություն |
| Հիմնադրված է | 1986 |
| Հիմնադիր | Rattan Chadha? |
| Վայր | Drunen, Հեուսդեն, Հյուսիսային Բրաբանդ, Նիդերլանդներ |
| Արդյունաբերություն | կարի արդյունաբերություն |
| Մայր ընկերություն | Kate Spade & Company? |
| Կայք | mexx.com և mexx.com/ru(ռուս.) |
 Mexx Վիքիպահեստում | |
Մեքս (անգլ.՝ Mexx), նորաձևության միջազգային ընկերություն, որը մոդելավորում է հագուստներ տղամարդկանց, կանանց և երեխաների համար։
Պատմություն[խմբագրել | խմբագրել կոդը]
1970-ական թվականներին մոդելավորող Ռաթան Չադհան իր գործընկերներ Սեն Շարմայի, Էդու Էդվենիի, Սուվիր Էրորայի Ռոնի Լոմենսի, Հորատո Հոյի ր Էրուն Մեհթայի հետ միասին սկսում են արտադրել հատուկ մոդելավորված և պիտակավորված հագուստեղեն և տրամադրել դրանք Նիդերլանդների մեծածախ վաճառասրահներին։ Ընկերությունը վերափոխելով՝ նրանք ստեղծում են հագուստի երկու հայտնի ապրանքանիշ՝ «Մուսթաշ» տղամարդկանից, իսկ «Էմանուել» կանանց համար։ 1968 թ․ երկու ապրանքանիշները միավորվում են․ M (Մուսթաշ) + E (Էմանուել) + XX (հապավումը «համբույր համբույր») ստեղծելով MEXX[1]։ Ժամանակի ընթացքում Մեքսը դարձել է միջազգային ապրանքանիշ՝ 55 երկրներում ունենալով շուրջ 800 վաճառասրահ և ավելի քան 10.000 վաճառքի կետ։ Այն ընդարձակվել է շատ արագ և ներկայում միջազգայնորեն ճանաչված ընկերություն է, որը աշխարհում ունի շուրջ 6.000 աշխատակից[1]։ 2001 թվականին Մեքսը գնվել է ամերիկացի մոդելավորող Լիզ Քլեյբորնի կողմից 264 միլիոն դոլարով և վաստակել 275 միլիոն դոլար[2]։ Այսպիսով, երկար տարիներ այն պատկանել է Լիզ Քլեյբորնին[3], բայց 2011 թվականին Լիզ Քլեյբորնը սնանկության պատճառով Մեքսը վաճառել է The Gores Group մասնավոր ընկերությանը, սակայն Մեքսը կարողացավ պահպանել հետաքրքրությունը վաճառասրահներում[4]։
Սնանկացում[խմբագրել | խմբագրել կոդը]
2012 թվականին Մեքսը հայտարարեց 86 միլիոն եվրո, իսկ 2013 թվականին՝ 82 միլիոն եվրո կորցնելու մասին[5]։ 2014թ․ դեկտեմբերի 4-ին Ամստերդամի տարածաշրջանային դատարանը Մեքսի երեք ընկերությունների սնանկ ճանաչեց[6]։ 2014 թվականի դեկտեմբերի 5-ին նիդերլանդացի դատավոր Ֆրիթս Քեմփը հայտարարեց, որ Մեքսի 315 վաճառասրահները, որոնք տեղակայված են Կանադայում, սնանկ են։
Eroglu Holding-ը Մեքսի նոր սեփականատեր[խմբագրել | խմբագրել կոդը]
2015 թվականի հունվարի 29-ին թուրքական Eroglu Holding-ը ձեռք բերեց Մեքս նորաձևության ապրանքանիշը և պլանավորեց բացել մեծ թվով վաճառակետեր ամբողջ Եվրոպայում։ 2015 թվականի փետրվարին Մեքսը վերաբացեց իր խանութները։
Արտադրանք[խմբագրել | խմբագրել կոդը]
Տղամարդկանց, կանանց և երեխաների համար նախատեսված նորաձև իրերից բացի Մեքսն արտադրում է կոշիկից մինչև աքսեսուարներ, նաև պայուսակներ, շարֆեր, գորգեր և անկողնային պարագաներ։
Մեքսի վաճառակետերի ցանկը[խմբագրել | խմբագրել կոդը]
Ընկերության հավաքածուները և աքսեսուարները վաճառվում են շուրջ 300 մանրածախ, հայտնի մասնաճյուղերի, մասնագիտացված և այլ վաճառակետերում։
|
Ամերիկա |
Ասիա
|
Եվրոպա |
.svg){kind=small}
Ծանոթագրություններ[խմբագրել | խմբագրել կոդը]
- ↑ 1,0 1,1 [1] Արխիվացված Դեկտեմբեր 28, 2007 Wayback Machine
- ↑ «Liz Claiborne Agrees to Buy Mexx Group For $264 Million and 'Earnout Payment ( $ 275 Million )». Wall Street Journal. 2001 թ․ մայիսի 17. Վերցված է 2008 թ․ մայիսի 6-ին.
- ↑ «Our Brands». Liz Claiborne. 2008. Արխիվացված է օրիգինալից 2008 թ․ մայիսի 17-ին. Վերցված է 2008 թ․ մայիսի 6-ին.
- ↑ «Private Equity Deals». PrivCo. Վերցված է 2015 թ․ փետրվարի 25-ին.
- ↑ Hendriksz, Vivian (2015 թ․ մարտի 24). «Mexx acquired for 21 million euros». FashionUnited. Վերցված է 2015 թ․ հունիսի 17-ին.
- ↑ «Modeketen Mexx failliet verklaard». Nos.nl. Վերցված է 2015 թ․ փետրվարի 25-ին.
Արտաքին հղումներ[խմբագրել | խմբագրել կոդը]
- Mexx Europe
- Mexx Canada Արխիվացված 2017-07-27 Wayback Machine
 | Վիքիպահեստն ունի նյութեր, որոնք վերաբերում են «Մեքս (ապրանքանիշ)» հոդվածին։ |
| ||||||||||
