Մերձարևադարձային մուսսոնային կլիմա

Մերձարևադարձային մուսսոնային կլիմա

Մերձարևադարձային մուսսոնային կլիմա, մերձարևադարձային կլիմայի տարատեսակ։

Բնութագրություն

Մերձարևադարձային գոտիներում գտնվող մայրցամաքների արևելյան ծայրամասերում դիտվում է կլիմայի մուսսոնային տեսակ։ Ձմռանը այդ շրջանները գտնվում են սառը օդային զանգվածների ազդեցության տակ, ամռանը այստեղ ներթափանցում է օվկիանոսից եկող օդը։ Տեղումների տարեկան քանակը հակադիր է միջերկրածովյան կլիմային։ Ձմռանը եղանակը պարզ է և չոր, իսկ ամռանը՝ հակառակը՝ առատ տեղումներ, որոնք մայրցամաքում թափվում են ցիկլոններով։ Մեծ է նաև լեռնագրական նշանակությունը։

Տեղումներ

Ընդհանուր առմամբ տեղումներն առատ են, այդ պատճառով կլիմայի այդ տեսակը բնորոշվում է հարուստ անտառներով, որտեղ աճում են լայնատերև ծառեր, փաթաթվող և մագլցող բույսեր (լիաններ, բաղեղ)։ Այս կլիմայում ձյուն տեղում է, սակայն երկար չի մնում։

Ընդհանուր ցուցանիշներ

• Օրինակ՝ Ասիայի Պեկին քաղաքում միջին ջերմաստիճանը հուլիսին կազմում է +26 °C, իսկ հունվարին՝ -4 °C: Տեղումների տարեկան քանակը կազմում է 640 մմ, որոնցից 260 մմ-ը թափվում է հունիսին և 2 մմ-ը՝ դեկտեմբերին։
• Հարավային Ամերիկայում այդ կլիմայի տեսակը առկա է Լա Պլատայում։ Բուենոս Այրեսում հունվարին միջին ջերմաստիճանը կազմում է +23 °C, հուլիսին՝ +9 °C: Տեղումների տարեկան քանակը 940 մմ է, որոնցից 110 մ-ը թափվում է մարտին, իսկ 60 մմ-ը՝ հուլիսին։

Արտաքին հղումներ

• Метеорология и климатология. Ленинград, 1968 г. Автор – Хромов С. П.
• Атлас мира. ГНПП Картография, 2005 г.