Մերկավա

Վիքիպեդիայից՝ ազատ հանրագիտարանից
Մերկավա
Հիմնական տվյալներ
Դասակարգմարտական մեքենայի մոդել
ԵրկիրԻսրայել Իսրայել
Քաշ, տ.65
Անձնակազմ4
Պատմություն
ԱրտադրողTechnology and Maintenance Corps?, Rafael Advanced Defense Systems, Israel Military Industries, General Dynamics? և Elbit Systems Ltd.?
Արտադրման թվականներ2004-ից
Շահագործման սկիզբ1978
Արտադրվածների քանակ1979
ՕգտագործողԻսրայել
Մարտեր1982 թվականի Լիբանանյան պատերազմ, Թափվող արճիճ, Անխորտակելի ժայռ գործողություն և Երկրորդ լիբանանյան պատերազմ
Չափեր
Կորպուսի երկարություն, մմ7600
Կորպուսի լայնություն, մմ3720
Բարձրություն, մմ2660
Զրահապատում
Զրահի տիպպողպատե ձուլածո
Շարժականություն
Շարժիչի տեսակV-աձև շարժիչ
Արագությունը խճուղով, կմ/ժ60

«Մերկավա» (եբրայերեն՝ מרכבה‎), Իսրայելում մշակված և արտադրված հիմնական մարտական տանկ։

Արտադրություն[խմբագրել | խմբագրել կոդը]

Իսրայելական ռազմաարդյունաբերական համալիրը դեռ 1960-ականներից աշխատում էր սեփական նախագծի հրասայլեր ստեղծելու ուղղությամբ։ Առաջին տանկը` Մերկավա մկ-1 տանկը, սպառազինության մեջ ընդունվեց 1979 թվականին և մասնակցեց 1982 թվականի պատերազմին։ Չնայած հիմնականում դրական մասնակցությանը` տանկը, բնականաբար, ուներ նաև որոշակի թերություններ։ Ժամանակի հետ Իսրայելն այս ոլորտում ևս փորձ ձեռքբերելով` շարժվում էր առաջ։ 1983 թվականին ի հայտ եկավ ավելի կատարելագործված Մերկավա մկ-2 տանկը, իսկ 1990 թվականին՝ Մերկավա մկ-3 տանկը։ Սրանք արդեն, անխոս, իրենց ժամանակի լավագույն տանկերի հետ կարող էին մրցել ամեն ինչում։ 2002 թվականին ստեղծվում է այս շարքի վերջին մեքենան` Մերկավա մկ-4 տանկը։ Այն իր շատ տվյալներով գերազանցում է աշխարհի բոլոր մրցակիցներին։ Մերկավա տանկը մինչև այժմ չի արտահանվել Իսրայելից և շահագործվում է միայն Իսրայելի պաշտպանության բանակի կողմից։

Մարտավարատեխնիկական տվյալներ[խմբագրել | խմբագրել կոդը]

Մերկավա տանկը կառավարվում է անձնակազմի 4 անդամների կողմից։ Տանկի մարտական քաշը կազմում է 65 տոննա։ Այս տանկերի երկարությունը կազմում է 7.6 մ (թնդանոթով 9 մ), լայնությունը 3.72 մ, իսկ բարձրությունը 2.66 մ։ Մերկավա տանկը շահագործվում է 1500 ձիաուժ հզորությամբ General Dynamics GD883 V12 դիզելային շարժիչով զորգացնելով ավելի քան 60 կմ/ժ արագություն։ Մերկավա տանկն իր մեջ է ամբարում շուրջ 48 արկեր։

Առանձնահատկություններ[խմբագրել | խմբագրել կոդը]

Մերկավա տանկի հիմնական առանձնահատկությունն այլ մրցակից տանկերից այն է, որ շարժիչը տեղադրված է առջևում, ինչն անձնակազմին ավելի մեծ հնարավորություն է տալիս կենդանի մնալու համար։ Անձնակազմը հետևից վթարային ելքի հատուկ դռնակ ունի, ինչը չտեսնված բան է։ Իսրայելական տանկն ունի մոդուլային կառուցվածք։ Այսինքն` խոցվելուց հնարավոր է փոխել միայն տվյալ մասը` վերանորոգումը դարձնելով արագ և էժան գործընթաց։ Մարտապաշարը դասավորված է հատուկ կոնտեյներների մեջ, որպեսզի պայթյուն չառաջանա հարվածի դեպքում։ Իսրայելական բոլոր տանկերն ունեն աշտարակների առանձնահատուկ կառուցվածք և տեսք, ինչը մեծ դեր է խաղում արկերից պաշտպանվելու գործում։ Մերկավա տանկը կարող է կիրառել հատուկ ղեկավարվող LAHAT (LAser Homing ATtack missile) արկեր։

Մարտական գործողություններ[խմբագրել | խմբագրել կոդը]

Երկրորդ լիբանանյան պատերազմի ժամանակ, 2006 թվականին իսրայելական տանկերը բավականին դժվարություններ կրեցին, քանի որ մարտերի մեջ էին մտնում ոչ համապատասխան հակառակորդի հետ։ Նախնական տվյալներով, որոնք տարածվել էին համացանցում, Հեզբոլլահ կազմակերպության մարտիկները մեծ կորուստներ էին պատճառել իսրայելական զորքերին։

Սպառազինություն[խմբագրել | խմբագրել կոդը]

  • Իսրայել Իսրայել - 1681 տանկ, այդ թվում 848 Mk.1, 375 Mk.2, 378 Mk.3, 80 Mk.4, 2007 թվականի դրությամբ[1]։

Տես նաև[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. The Military Balance 2007. — P. 228.