Մերկապար

Վիքիպեդիայից՝ ազատ հանրագիտարանից
Jump to navigation Jump to search

Մերկապար (անգլ.՝ striptease strip-ից նշանակում է «մերկանալ»), էրոտիկ պար, որի ընթացքում կատարողը աստիճանաբար մերկանում է։

Պրոֆեսիոնալ մերկապարը սովորաբար ցուցադրվում է գիշերային ակումբներում։ Մերկապարի դասական տարր է համարվում ձողը, որի շուրջ պարում ու մերկանում են մերկապարուհին կամ մերկապարողը։ Մերկապարողը կարող է բեմից իջնել դահլիճ, ֆլիրտել ու նստել այցելուների ծնկերին։ Տեղի ու կենտրոնական իշխանությունները օրենքներ են հաստատում, որոնք սահմանում են, ինչքան մերկապարողը իրավունք ունի մերկանալ։

Երբեմն հաճախորդը իրավունք ունի «անձնական պար» պատվիրել, որտեղ մերկապարողը պարելու է մենակ նրա համար մի առանձին տեղում (պահակախմբի գաղտնի հսկման տակ)[1][2]։ Հիմնականում այդ ծառայությունը լրացուցիչ փող արժի՝ ԱՄՆ-ում մոտ 20$ է։ Այցելուները հաճախ մերկապարողներին փող են տալիս։ մերկապարողները հաճախ իրենց համար հնչուն կեղծանուններ են հորինում։

Առաջին մերկապարն աշխարհում[խմբագրել | խմբագրել կոդը]

Առաջին մերկապարն աշխարհում ցուցադրվել է 1893 թվականի փետրվարի 9-ին Մուլեն Ռուժ բեմի վրա Փարիզի ուսանողների կողմից կազմակերպված հավաքույթի ժամանակ։ Հանպատրաստից գեղեցկության մրցույթի ժամանակ, Մոնա բեմական կեղծանունով մի մոդել դեն է նետել իր հագուստը, ինչի համար նրան ձեռբակալել և տուգանել են 100 ֆրանկով։

Նույն 1893 թվականին մերկապարը հայտնվել է նաև Չիկագոյում, որտեղ մերկացել է կաբարե պարուհին[3]։

Պրոֆեսիոնալ հատկություններ[խմբագրել | խմբագրել կոդը]

Եթե սկզբնապես պարողների ու պարուհիների համար չափանիշներ գոյություն չունեին, հետագայում մրցակցության աճման պատճառով դրանք սկսել են հայտնվել[4]։ Որպես կանոն, մերկապարողները պետք է երիտասարդ (18-25 տարեկան) լինեն, մոդելային արտաքին տեսք ունենան, խնամված լինեն (մազահանում, մանիկյուր, պեդիկյուր, սանրվածք), լինեն լավ ֆիզիկական մարզավիճակում, պլաստիկականություն և ռիթմի զգացողություն ու պարային ելույթների փորձ ունենան։

Հիմնականում ակումբում մերկապարողի աշխատանքային օրը սկսվում է ժամը 22։00-ին ու ավարտվում 05։00-ին[5]։ Աշխատանքի գծագիրը՝ «երկու երկուսից հետո», այսինքն, երկու գիշեր աշխատանք ու երկու գիշեր հանգիստ[6]։

Մերկապարողների աշխատավարձը կազմում են թեյավճարները և անձնական պարի պատվերը։ Բացի այդ, նրանք ստիպված են իրենց միջոցներով գնել բեմական զգեստեր գնել։

Աշխատանքը կարող է խնդիրներ ստեղծել հարազատների հետ, որոնք կարող են խանդ, անհարմարություն կամ խայտառակության զգացում առաջացնել[7]։

Սկզբնաղբյուրներ[խմբագրել | խմբագրել կոդը]

Մերկապարի նախատիպը «բերի պարն» է, որը հայտնի էին դեռ անտիկ ժամանակներում (աղջիկը, շալի մեջ փաթաթված, շարժվում է երաժշտության տակ, նմանացնելով բերու թափահարումները, հագուստի մեջ խճճված; պարի ընթացքում հագուստը արձակվում է, մերկացնելով պարուհուն)։

Ինքնատիպ նախատիպ էր նաև «կանկան» պարը, որը հայտնվել է Ֆրանսիայում կես դար առաջ։ Դա սկսել են կատարել ռեստորաններում, կաբարեներում և այլ զվարճացնող հաստատություններում։ Եվ կանկանը, և մերկապարը տասնամյակների ընթացքում անվայել, գրգռիչ և գռեհիկ են համարվել։ Մերկապարողների ու մարմնավաճառների մեջ հավասարության նշան էր դրված։ Սկզբնապես ԱՄՆ-ում բուրլեսկը մերկապար էր անվանվում։

Կանկանի պարուհիներին սիրում էր նկարել Անրի դը Տուլուզ-Լոտրեկը։

Մերկապարը XXI դարում[խմբագրել | խմբագրել կոդը]

Հաճախ մերկապարը զուգակցվում է մարմնավաճառության հետ, և մերկապարողներից որոշները իսկապես սեքսուալ ծառայություններ են մատուցում հաճախորդներին, այդ թվում նաև հրապարակորեն[8][9][10]։ Սակայն, սեքսը մերկապարի անպայման պահանջ չէ, չնայած դրան, որ պարողներն ու պարուհիները հաճախ ինտիմի առաջարկներ են ստանում։ Հաճախորդներից մերկապարողներին հիմնականում պաշտպանում է պահակը[11]։

Էրոտիկ պարը, որը ավելի շատ նման է ակրոբատիկայի ու ձողի հետ ֆիթնեսի, անվանվում է Pole dance։

Մերկապար ծառայությունների տարատեսակներ[խմբագրել | խմբագրել կոդը]

  • Մերկապարողների հիմնական աշխատավայրը համարվում են մերկապար ակումբները։ Այնտեղ կարելի է դիտել պարողների ելույթները բեմի վրա կամ անձնական պար պատվիրել։ Մերկապար ակումբներում աշխատող բոլոր պարողների աշխատավարձի մեծ մասը կազմում են անձնական պարերը, Lap dance կամ կոնսումացիան։ Մերկապար ակումբում պարը հիմնականում կազմված է երգու երգից։ Մերկապար ակումբները ստեղծված են տղամարդկանց համար՝ բայց մեծ մայրաքաղաքներում կարելի է նաև մերկապար ակումբներ գտնել կանանց, հոմոսեքսուալների ու լեսբուհիների համար։
  • Պատվերով մերկապար՝ մերկապարողների համար լրացուցիչ փող վաստակելու ձև։ Մերկապարողները ու մերկապարուհիները ժամանում են հավաքույթի տեղ։ Մերկապարը կարելի է պատվիրել մեկ կամ ավել պարերի համար։ Մի պարի երկարությունը 5-ից 15 րոպե է։
  • Հաճախորդները կարող են նաև մերկապար խաղարկություններ պատվիրել, օրինակ․ մերկապարը կատարում է ոստիկանականի դեր, կամ մերկապարուհին կատարում է նվերների առաքման աշխատակցի դեր։

Տերմիններ[խմբագրել | խմբագրել կոդը]

  • Պիլոն՝ ձող, որի շուրջ կատարվում է մերկապարը
  • Րուրա՝ կիսապրոֆեսիոնալ ձող մերկապարի համար, որը տարբերվում է պիլոնից մեծ տրամագծով և սղղման իջեցմամբ
  • Սթրիթ՝ բարձր հարթակի վրա կոշիկ, որը օգտագործվում է ձողի վրա պարելու ժամանակ։ Ուրիշ պարերի համար հարմար չէ, քանի որ շատ անկայուն է։

Հետաքրքիր փաստեր[խմբագրել | խմբագրել կոդը]

  • Չինաստանում ուզում են պաշտոնապես արգելել մերկապարը թաղման արարողության ժամանակ[12][13]։
  • 2007 թվականին Ուկրաինայում ամեն տարի անց են կացվում կանացի ու տղամարդկանց մերկապարի առաջնություններ[14]։

Ծանոթագրություններ[խմբագրել | խմբագրել կոդը]

  1. Расценки стрип-клуба Garden of Eden, Сан-Франциско
  2. Расценки в Лас-Вегасе
  3. стриптизёрша
  4. Профессия стриптизёрша
  5. Golden Girls: как живут московские стриптизёрши
  6. Как выглядит работа стриптизёрши изнутри. Рассказ от первого лица
  7. ШЕСТ РАЗ ОТМЕРЬ. Погружение в профессию стриптизёрши
  8. Another Houston Strip Club Raided
  9. Detroit City Council To Vote On Strip Club Restrictions
  10. Hot Lap Dance Club owner Lou Posner pleads guilty to running prostitution ring out of strip joint
  11. Личный опыт → «По квартирам ездят проститутки, а я — стриптизёрша»: откровения петрозаводской танцовщицы
  12. В Китае запретят стриптиз на похоронах
  13. 农村办葬礼请女郎跳脱衣舞助兴(图)
  14. «Видео чемпионатов по стриптиз-шоу на Украине»։ striptiz.org.ua։ Վերցված է 2015-12-25