Մերի (գետ)

Վիքիպեդիայից՝ ազատ հանրագիտարանից
Մերի
Mary River from Dickabram Bridge.JPG
Բնութագիր
Երկարություն291 կմ
Ավազանի մակերես9595 կմ²
Գետաբերանի տեղակայումGreat Sandy Strait?
Կոորդինատներ
Հոսող հոսքերSusan River?
ԵրկրամասՔվինսլենդ

Մերի (անգլ.՝ Mary River), գետ Ավստրալիայի Քվինսլենդ նահանգի Սանշայն-Քոստ շրջանում։

Աշխարհագրական դիրք[խմբագրել | խմբագրել կոդը]

Մերի գետը սկիզբ է առնում Բուրբուին գյուղի մոտակայքում։ Գետի հոսքի ուղղությունը հարավից հյուսիս է, չնայած, նրա ճանապարհին հանդիպում են մեծ քանակությամբ խրթին ոլորաններ։ Հոսում է Քենիլվորտ, Ջիմփի, Տիարո, Մարիբորո բնակավայրերով (ակունքից՝ գետաբերան) և թափվում Գրեյթ Սենդի նեղուց[1], որը գտնվում է Կորալյան և Թասմանյան ծովերի սահմանին՝ Ֆրեյզեր կղզու դիմաց։ Մերի գետի մեջ թափվում են 19 վտակներ[2]։

Պատմություն[խմբագրել | խմբագրել կոդը]

Աբորիգենները գետն անվանել են Մուկուբուլա։ 1842 թվականի մայիսի 10-ին եվրոպացի հետազոտողներ Էնդրյու Պետրին և Հենրի Ռասելը գետին տվել են նոր անվանում՝ Ուայ Բեյ, սակայն 1847 թվականի սեպտեմբերի 8-ին, Նոր Հարավային Ուելսի այն ժամանակվա նահանգապետ Չարլզ Ֆիցրոն գետն անվանեց ի պատիվ իր կնոջ՝ Մերի Լենոքսի (1790-1847)[3]։ 1867 թվականին գետում, Ջիմփիի մոտ, հայտնաբերվել է ոսկի, ինչը հանգեցրել է տեղային ոսկու տենդի։

2006 թվականին նահանգի կառավարությունը հայտարարել է գետի վրա ամբարտակի շինարարության մասին[4]։ 2009 թվականին ծրագիրը չեղյալ է հայտարարվել շրջակա միջավայրի նախարար Պիտեր Գարեթի կողմից՝ տեղի բնակիչների բողոքների և տարածաշրջանում էկոլոգիական իրավիճակի խախտման պատճառներով[5]։

Գետում պարբերաբար տեղի են ունենում հեղեղումներ։ Ամենաուժեղը եղել է 2010-2011 թվականներին, երբ Մերիբորում ջրի մակարդակը նորմայից բարձրացել էր 8,2 մետր, իսկ Ջիմփիում`19,3 մետր[6][7]։

Ֆաունա[խմբագրել | խմբագրել կոդը]

Գետում ապրում են հազվագյուտ հանդիպող Elusor macrurus կրիաներ։ Այլ հազվագյուտ կենդանիներից կարելի է նշել այնպիսի ձկնատեսակների, ինչպիսիք են եղջերատամը և Մերի գետի ձողաձուկը։ Գետում կարող են հանդիպել նաև 3,5 մ երկարությամբ բարձրակատար կոկորդիլոսներ[8]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Harbour facilities: Urangan Harbour Archived 2015-02-14 at the Wayback Machine. на сайте frasercoast.qld.gov.au
  2. Река Мэри на сайте maps.bonzle.com
  3. Происхождение топонимов Квинсленда: Река Мэри Archived 2013-07-14 at Archive.is на сайте nrm.qld.gov.au
  4. Qld Govt proposes Mary River dam на сайте abc.net.au, 27 апреля 2006
  5. Report to Garrett says dam species will die на сайте brisbanetimes.com.au, 26 ноября 2008
  6. Mary River battered by flood waters на сайте abc.net.au, 26 января 2011
  7. Mary River floodwaters fill Gympie streets на сайте abc.net.au, 11 января 2011
  8. «Extreme caution» urged over elusive Mary River croc на сайте abc.net.au, 20 марта 2013