Մերի Քլեր Չեկոլա

Վիքիպեդիայից՝ ազատ հանրագիտարանից
Jump to navigation Jump to search
Մերի Քլեր Չեկոլա
Marie Claire Tchecola (Guinea) - International Women of Courage Awards 2015.jpg
Ծնվել է20-րդ դար
ՔաղաքացիությունFlag of Guinea.svg Գվինեա
Մասնագիտությունբուժքույր
Պարգևներ և
մրցանակներ
Կանանց արիության միջազգային մրցանակ
Marie Claire Tchecola Վիքիպահեստում

Մերի Քլեր Չեկոլա, գվինեացի բուժքույր, ով վերապրել է էբոլա հեմոռագիկ տենդը: Հասարակությանն իրազեկում է հիվանդության մասին և պայքարում դրա դեմ: ԱՄՆ պետ դեպարտամենտի կողմից 2015 թվականին արժանացել է Միջազգային խիզախ կանայք մրցանակին[1]:

Կենսագրություն[խմբագրել | խմբագրել կոդը]

Չեկոլան մեծացել է Սենեգալին սահմանակից գվինեական գյուղում: Նա ընտանիքում առաջին կինն էր, ով կրթություն է ստացել: Ստացել է բուժքրոջ հավատարմագիր և որպես բուժքույր աշխատել Գվինեայի մայրաքաղաք Կոնակրիի Դոնկա հիվանդանոցում:

2014 թվականի հուլիսին հիվանդ այցելուի հետ շփվելիս վարակվել է էբոլայով[2]: Բուժաշխատողների և[3] հիմնական պաշտպանական սարքավորումների պակասի պատճառով[4] Արևմտյան Աֆրիկայում հիվանդությունն արագ տարածվեց:

Հիվանդության ախտանիշները ճանաչելով` Մերին ստուգում անցավ բուժման կենտրոնում` կանխելու հիվանդության տարածումը[1]: Իր սեփական փորձից նա գիտակցում էր, որ մերժումը, կասկածը, ապատեղեկատվությունը կարող են մարդկանց արգելել պատշաճ բուժում ստանալ և դիմեց համապատասխան նախազգուշական միջոցների[2]: Հիվանդությունը հաղթահարելուց հետո Չեկոլան վերադարձավ աշխատանքի որպես Դոնկա հիվանդանոցի շտապօգնության քույր, սակայն նրա խնդիրները չավարտվեցին[1]:

Չեկոլայի տանտերը վախենալով հիվանդությունից և ապատեղեկատվություն ունենալով հիվանդության մասին` նրան վտարեց տանից[1]: Հիվանդությունը վերապրած մյուս անձինք էլ բախվել են նմանատիպ խնդիրների. ընկերները դադարել են այցելել նրանց, գործատուները հետ չէին ընդունում աշխատակիցներին[3], շատ համայնքներ կարծում էին, որ էբոլան մահվան դատավճիռ է, և դրա յուրաքանչյուր զոհ մահանալու է, և նրանք խուսափում էին փրկվածներից[2], ընտանիքի անդամները մերժում էին երեխաներին և դեռահասներին[5]: Իրավիճակը մտահոգիչ էր հատկապես երեխաների հետ: Ավելի քան 4,000 գրանցված երեխաներ կային Գվինեայում[6]: Քանի որ վերապրածները իմունիտետ էին ձեռք բերում, ՅՈՒՆԻՍԵՖ-ը նրանց աշխատանքի էր վերցնում երեխաների հետ աշխատելու համար: Հիվանդությունը վերապրածները կարողանում էին դիպչել, մխիթարել հիվանդ երեխաներին[3]:

Չեկոլան իրազեկում է մարդկանց հիվանդության մասին, գիտելիքներ տրամադրում էբոլան կանխարգելելու համար, ինչպես նաև պայքարում է վերապրածների հանդեպ խտրականության դեմ: Նա Գվինեայում էբոլայից ողջ մնացածների ընկերակցության անդամ է[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 «Biographies of 2015 Award Winners»։ U.S. State Department։ March 2015։ Վերցված է 10 March 2015 
  2. 2,0 2,1 2,2 «Tackle Ebola Hero Marie Claire Tchecola»։ Tackle Ebola։ Վերցված է 11 March 2015 
  3. 3,0 3,1 3,2 Nichols Michelle, Giahyue James Harding (October 27, 2014)։ «Defying stigma, survivors join the Ebola fight in West Africa»։ Reuters։ Վերցված է 11 March 2015 
  4. Kerry John (7 March 2015)։ «International Women's Day»։ Huffingtonpost։ Վերցված է 11 March 2015 
  5. «Towards a programme to support Ebola survivors»։ UNAIDS։ 29 January 2015։ Վերցված է 11 March 2015 
  6. Wensi Jin (9 March 2015)։ «Marie Claire Tchecola récompensée pour son combat contre la stigmatisation des victimes d’Ebola» (French)։ CCTV-Français։ Վերցված է 11 March 2015 

Արտաքին հղումներ[խմբագրել | խմբագրել կոդը]