Մերի Ջարեդ
Մերի Ջարեդ | |
---|---|
Ծնվել է | հոկտեմբերի 9, 1899[1] |
Մահացել է | դեկտեմբերի 12, 1993 (94 տարեկան) |
Քաղաքացիություն | Միացյալ Թագավորություն |
Մասնագիտություն | օպերային երգչուհի և երաժշտության ուսուցիչ |
Աշխատավայր | Երաժշտության թագավորական ակադեմիա |
Մերի Ջարեդ (հոկտեմբերի 9, 1899[1] - դեկտեմբերի 12, 1993), քսաներորդ դարակեսի անգլիացի օպերային երգչուհի, որը երբեմն համարվել է մեցցո-սոպրանո, երբեմն՝ կոնտրալտո։
Կենսագրություն[խմբագրել | խմբագրել կոդը]
Ծնվել է Յորքշիրի Բրոթթոն գյուղում ու սովորել երաժշտության թագավորական քոլեջում։
Օպերա[խմբագրել | խմբագրել կոդը]
Կարիերան սկսել է 1929 թվականին Կովենտ գարդեն արքունական թատրոնում երկրորդական դերերգեր կատարելով։ Լաուրից Մելխիորի երաշխավորությամբ հրավիրվել է Համբուրգի օպերային թատրոն և հաջորդ երեք տարիներին մնացել այնտեղ որպես հյուր-կատարող։ Դերեգերի ցանկում էին՝ բուժքույրը Ռիխարդ Շտրաուսի «Անստվեր կինը» օպերայից և մի քանի այլ դերեր Հանս Պֆիցների և Ալբան Բերգի ստեղծագործություններից[2]։ 1933 թվականին Անգլիական ազգային օպերայում հանդես է եկել Քրիստոֆ Վիլիբալդ Գլյուկի «Օրփեոս և Էվրիդիկե» օպերայից Օրփեոսի դերերգով[3]։
Կովենտ գարդենում երգել է 1933 թվականից մինչև 1939 թվականը, երբ պատերազմի սկսվելով պայմանավորված օպերան փակվել է։ Կատարել է Էրդայի դերը Վագների «Հռենոսի ոսկին» օպերայից, ինչպես նաև «Զիգֆրիդ» ու «Վալկիրիա» օպերայից Ֆրիկայի դերերգը[2]։ 1934 թվականին Ալբան Բերգի «Վոցցեկ» օպերայի՝ BBC-ի առաջին հեռարձակման ժամանակ հանդես է եկել Մարգրետի դերերգով[2]։ Երկրորդ համաշխարհային պատերազմի ընթացքում և դրանից անմիջապես հետո հանդես է եկել մենահամերգներով և համերգներով, 1953 թվականին վերադարձել օպերա՝ Իգոր Ստրավինսկու «The Rake's Progress» օպերայի բրիտանական պրեմիերայում կատարելով հասարակաց տան տիրուհու դերը[3]։
Համերգներ ու հետագա տարիներ[խմբագրել | խմբագրել կոդը]
Համերգներում հռչակ է ձեռք բերել որպես կոնտրալտո մեներգիչ Գեորգ Ֆրիդրիխ Հենդելի «Մեսսիա», Բախի «Սուրբ Մատթեոսի կիրքը», Մենդելսոնի «Էլիջա» օրատորիաներում ու Բեթհովենի «9-րդ սիմֆոնիայում»։ Հայտնի էր նաև Անգելի նրա կատարումը Էդուարդ Էլգարի «Գերոնիտուսի երազը» օպերայից։ «The Times »-ի մեկնաբանության համաձայն՝ «Բոլոր այս դերերում նրա նվիրումը, անկեղծությունն ու անհատականության ջերմությունը բացահայտորեն ակնհայտ են»[2]։ 1938 թվականի հոկտեմբերի 5-ին ընդգրկվել է Ռալֆ Վոան Ուիլյամսի «Սերենադ երաժշտությանը» ստեղծագործության 16 սկզբնական կատարողների շարքում[2]։
Հանգստի անցնելուց հետո՝ 1965-1973 թվականների ընթացքում եղել է Երաժշտության թագավորական ակադեմիայի պրոֆեսոր[3]։ Էվա Թըրների ու Ռոյ Հենդերսոնի հետ մասնակցել է 1989 թվականին երաժշտագետ Ջոն Ստինի հեղինակած ու BBC ռադիոյով հեռարձակված «Սերենադ երաժշտությանը» ստեղծագործության 50 ամյակին նվիրված հաղորդմանը[4]։
Վախճանվել է 94 տարեկանում։
Ձայնագրություններ[խմբագրել | խմբագրել կոդը]
Ջարեդի ձայնագրությունների թվում են՝
- Բեդրժիխ Սմետանայի «Վաճառված հարսնացուն» օպերան
- Ռիխարդ Վագների «Թռչող հոլանդացի» օպերան սոպրանո Կիրսթեն Ֆլագսթադի մասնակցությամբ
- Լյուդվիգ վան Բեթհովենի «9-րդ սիմֆոնիան» Իսոբել Բեյլիի մասնակցությամբ
- Լյուդվիգ վան Բեթհովենի «Միսսա Սոլեմնիսը» Ռե մաժորում 123,
- Մերի Ջարեդ, կոնտրալտո
Ծանոթագրություններ[խմբագրել | խմբագրել կոդը]
|