Մեկնարկային կապիտալ
Մեկնարկային կապիտալ, դրամական միջոցներ կամ ցանկացած այլ նյութական ռեսուրսներ, որոնք ներդրվել են ձեռնարկատիրական բիզնեսի նախնական փուլում։ Մեկնարկային կապիտալը ներառում է ընթացիկ ծախսերը արտադրության զարգացման սկզբնական փուլում։ Ընկերությունը պետք է ունենա որոշակի միջոցներ, որպեսզի սկսի իրականացնել իր գործունեությունը։ Մեկնարկային կապիտալը երկարատև ներդրման մի տեսակ է, որը գործում է դեռևս այն պահից, երբ ընկերությունն սկսել է շահույթ ստանալ[1]։
Նկարագրություն[խմբագրել | խմբագրել կոդը]
Ձեռնարկատիրական գործունեություն իրականացնելու համար անհրաժեշտ է մեկնարկային կապիտալ։ Դրա համար բնակչության միայն մի փոքր մասն ունի իր միջոցները։ Բնակչության մեծ մասը չի կարող ձեռնարկատիրական գործունեություն ծավալել առանց վարկի, որն ապահովում է մեկնարկային կապիտալը[2]։
Մեկնարկային կապիտալի չափը կախված է հենց նախագծի մասշտաբից[3]։ Գործնականում ոչ մի բիզնես չի կարող սկսվել առանց մեկնարկային կապիտալի[4] կամ մի շարք ռեսուրսների ամբողջությունը, որոնք կարող են ապահովել տնտեսական գործունեության սկիզբը[5]։
Մեկնարկային կապիտալը ձևավորվում է կազմակերպության ստեղծման գործընթացում` իր անդամների կամ հիմնադիրների ներդրումների միջոցով[6]։ Ներդրումները կատարվում են նյութական արժեքների, դրամական միջոցների և ֆինանսական ներդրումների միջոցով։ Դրանք կարող են կատարվել նաև այն իրավունքների ձեռքբերման ծախսերի տեսքով, որոնք անհրաժեշտ են տնտեսական գործունեություն իրականացնելու համար[7]։
Սովորաբար մեկնարկային կապիտալը բաղկացած է անձնական խնայողություններից կամ փոխառված գումարներից։ Կարելի է ձեռք բերել նաև մեկնարկային կապիտալ ներգրավելով ներդրող։ Ի տարբերություն վարկատուների, ներդրողը չի պահանջի հետ վերադարձնել գումար, բայց միևնույն ժամանակ նա կկարողանա ունենալ ընկերության բաժնետոմսեր[1]։
Արտադրության սկզբնական վարման համար անհրաժեշտ ընթացիկ ծախսերը ծածկելու աղբյուրները, և որոնք մեկնարկային կապիտալի մաս են կազմում, փոխառված են և ունեն սեփական միջոցներ։ Սեփական միջոցները ներառում են գումարներ, որը անհրաժեշտ է մաշվածքամարման համար, խնայողություններ, որոնք բխում են շահույթից և կապիտալից, որոնք բխում են բաժնետոմսերի և պարտատոմսերի վաճառքից։ Սեփական միջոցները կազմում են ընկերության ֆինանսների 60-70%-ը։ Փոխառված միջոցները կազմում են ձեռնարկության ամբողջ ֆինանսների 30-40%-ը, դրանք ներառում են առևտրային և բանկային վարկեր։
Հարցումների համաձայն՝ փոքր բիզնեսի ձեռներեցների 74%-ը օգտագործել են իրենց անձնական խնայողությունները` որպես մեկնարկային կապիտալ, 5.3%-ը ընկերներից և ծանոթներից գումար է վերցրել, իսկ 3.2%-ը զբաղվել են մեկնարկային կապիտալի ձևավորմամբ՝ հիմնվելով պետական աղբյուրների վրա[8]։
Ծանոթագրություններ[խմբագրել | խմբագրել կոդը]
- ↑ 1,0 1,1 Экономическая теория, 2009, էջ 54
- ↑ Всероссийская государственная налоговая академия, 2004, էջ 12
- ↑ Как создать и раскрутить бизнес, 2013, էջ 8
- ↑ Финансовая грамотность, 2014, էջ 181
- ↑ Теория бухгалтерского учета, 2005, էջ 94
- ↑ Бухгалтерский учет за 14 дней, էջ 35
- ↑ «Стартовый капитал. Как привлечь деньги для развития бизнеса?».
- ↑ История российского предпринимательства, 2018, էջ 129
Գրականություն[խմբագրել | խմբագրել կոդը]
- Гукасьян Г. М., Маховикова Г. А., Амосова В. В. Экономическая теория. Завтра экзамен. 7-е изд.. — 2009. — 240 с. — ISBN 978-5-388-00060-6
- Парабеллум Андрей, Пугачев Артем 100% стартап. Как создать и раскрутить бизнес. — Питер, 2013. — ISBN 978-5-496-00541-8
- Савицкая Е.В. Финансовая грамотность: материалы для обучающихся по основным программам профессионального обучения. — ВИТА-ПРЕСС, 2014. — 224 с.
- А. Нечитайло Теория бухгалтерского учета. — Спб:Питер, 2005. — 304 с. — ISBN 5-469-00968-8
- Сергей Молчанов Бухгалтерский учет за 14 дней: Экспресс-курс. 11 издание.
- Роль и место предпринимательства в финансовой системе России XVIII-начала XX века: учебное пособие, часть 1. — Всероссийская государственная налоговая академия, 2004.
- О.А. Никифоров, Н.В. Боркина, А.Н. Першиков История российского предпринимательства: учеб. пособие для академического бакалавриата. — Издательство Юрайт, 2018. — 270 с. — ISBN 978-5-534-06205-2