Մեծ իլիկակտցար

Վիքիպեդիայից՝ ազատ հանրագիտարանից
Մեծ իլիկակտցար
Limosa limosa (flying)-2.jpg
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Ընտանիք Մորակտցարներ
Ցեղ Իլիկակտցարներ
Տեսակ Մեծ իլիկակտցար
Լատիներեն անվանում
Limosa limosa
Հատուկ պահպանություն
Արեալ
պատկեր
     Բնադրման տարածք      Ձմեռելու վայրեր

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Մեծ իլիկակտցար պատկանում է քարադրների ընտանիքին։

Բնակության միջավայրը[խմբագրել | խմբագրել կոդը]

Տարածված է Իսլանդիայից մինչև Կամչատկա, դեպի հարավ Սև ծովի ափերին, Անդրկովկասում, Կասպից ծովում, Սիրդարիայի հովտում և Մոնղոլիայում։ Ձմեռում է հարավային Եվրոպայում, Աֆրիկայում, հարավային Ասիայում և Ավստրալիայում։ Հայաստանում գրանցված է Արարատյան հարթավայրի և Սևանա լճի ճահճուտներում, գարնանային ու աշնանային չուի ընթացքում։ Գարնանային չուն տեղի է ունենում մարտ-ապրիլ ամիսներին, առաջին անհատները նկատվում են Արարատյան հարթավայրի ջրավազաններում, իսկ այնուհետև ապրիլի կեսերից մինչև վերջ՝ Սևանա լճի ավազանում, հավանաբար նաև Արփա լճում։

Էգը
Խոնավ մարգագետին, տիպիկ բնադրման բիոտոպ

Արտաքին տեսքը[խմբագրել | խմբագրել կոդը]

Աղավնուց քիչ փոքր թռչուն է՝ քաշը՝ 235-367գրամ։ Թևերի բացվածքը՝ 69-80սմ։ Մարմնի վերին մասը խայտաբղետ շիկագորշագույն է, գլուխն ու կուրծքը ժանգաշիկավուն են, որովայնը սպիտակ է՝ մուգ լայնակի շերտով, պոչը սև է, իսկ հիմքը սպիտակ, կտուցը չնչին կեռված դեպի վեր։ Բնորոշ է թևի վրայի սպիտակ շերտը, որը լավ նկատելի է թռիչքի ընթացքում։ Թռչելիս աչքի են ընկնում երկար ոտքերը, որոնք զգալի չափով դուրս են գալիս պոչի սահմաններից։ Ձմռանը գլուխը և մարմնի ստորին մասը մոխրագույն են։

Սնուցում[խմբագրել | խմբագրել կոդը]

Սնվում է միջատներով և նրանց թրթուրներով, սարդերով, մանր խեցգետնակերպերով, երկփեղկավոր փափկամարմիններով, օղակավոր և բազմախոզան որդերով, ավելի հազվադեպ՝ գորտնկիթներով և ձկնկիթներով, շերեփուկներով։ Բնակալող ժամանակաշրջանում ռացիոնում հայտնվում են ծղրիդներ և այլ մորեխազգիներ։ Չուի և գաղթի ժամանակ օգտագործում են նաև բուսական սնունդ՝ հատապտուղներ, սերմեր, բրինձ։

Ցամաքում սնունդ հայտնաբերում են հողի և խոտի վրայից կամ կտուցը ավազի մեջ մտցնելով։ Ջրում սնվում է պլանկտոնով։ Հասարակական թռչուն է, հիմնականույմ սնվում են մեծ խմբերով, երբեմն կտցարների (Tringa totanus) հետ միասին։

Արտաքին հղումներ[խմբագրել | խմբագրել կոդը]