Մեծ Բրիտանիայի Թագավորական բալետ

Վիքիպեդիայից՝ ազատ հանրագիտարանից
Jump to navigation Jump to search
Մեծ Բրիտանիայի Թագավորական բալետ
Մեծ Բրիտանիայի Թագավորական բալետ.jpg
Տեսակբալետի ընկերություն
Հիմնադրված1931
Գլխադասային գրասենյակԼոնդոն, Միացյալ Թագավորություն
ՀիմնադիրՆինդետ դը Իդրիս Վալուա
ՊարգևներԼոուրենս Օլիվյեի պարգև
Կայքroh.org.uk/about/the-royal-ballet

Մեծ Բրիտանիայի Թագավորական բալետ, բրիտանական բալետի թատերախումբ է, որը գործում է Լոնդոնի Քովենթ գարդեն թագավորական թատրոնում: Այն իր մեջ ներառում է նաև Լոնդոնի Թագավորական բալետի դպրոցը, որը բալետի արտիստներ է պատրաստում: Տարբեր ժամանակահատվածներում թատերախումբը ստեղծել է նաև մի քանի տարբեր մասնաճյուղեր:

Պատմություն[խմբագրել | խմբագրել կոդը]

Հիմնադրվել է Նինետ դը Վալուայի բալետի դպրոցի հիման վրա, որը ստեղծվել է 1926 թվականին։ Ստեղծման պաշտոնական ամսաթիվը 1931 թվականի մայիսի 5-ն է` առաջին ներկայացման ամսաթիվը: Թատերախումբը սկզբում գործել է «Vic-Wells Ballet» Սենդլերի թատրոնում՝ Լիլիան Բեյլիի գլխավորությամբ: Առաջին ներկայացումներից էին «Թեթևսոլիկի արկածները» (1935) և «Շախմատ» (1937) բալետները։ Բացի այդ ծրագրում ներառված էին նաև Սերգեյ Դյագիլևի և Մարիինյան թատրոնի բեմադրությունները: Բալետային թատերախմբի առաջին աստղերից էին Ալիսիա Մարկովան (պրիմա-պարուհի էր մինչև 1935 թվականը) և Մարգո Ֆոնտեյնը:

Թատերախումբը Սենդլերի թատրոնում մնաց մինչև 1939 թվականը։ Երկրորդ համաշխարհային պատերազմի տարիներին նա տեղակայվել է տարբեր թատրոններում, իսկ 1946 թվականի փետրվարին տեղափոխվել է Քովենթ գարդեն թագավորական թատրոն, ինչի պատվին ներկայացրել է Պյոտր Չայկովսկոււ «Քնած գեղեցկուհի» բալետը։ Բալետը առաջին անգամ ներկայացվել էր 1937 թվականին, սակայն նոր՝ լրացված տարբերակն էր, որ համաշխարհային ճանաչում բերեց նրան: 1956 թվականին՝ 25-ամյակի կապակցությամբ թատերախումբը ստացավ իր ժամանակակից անվանումը[1]: Թագավորական բալետը մինչև 1963 թվականը ղեկավարել է Նինետ դը Վալուան, ապա մինչև 1970 թվականը թատերախմբի ղեկավարն էր Ֆրեդերիկ Էշթոնը: Նա և իր իրավահաջորդները էապես համալրեցին նրա խաղացանկը: Թագավորական բալետի կատարողական ոճի գլխավոր առանձնահատկություններն են հանդիսանում զսպվածությունը, քնարերգությունը և դերասանական խաղը, իսկ խաղացանկում գերակշռում են բազմաակտ ներկայացումները։

Կառուցվածք[խմբագրել | խմբագրել կոդը]

Թագավորական բալետը ունի պարողների վեց աստիճան.

  • Artist- թատերախմբի ամենացածր աստիճանն է: Առաջատար արտիստների հետ միասին, այս աստիճանի պարողները կազմում են թատերախմբի հիմնական մասը: Բալետի դպրոցի շրջանավարտները սովորաբար այս մակարդակում են մտնում թատերախումբ:
  • First Artist- կոչում թատերախմբի ավելի ավագ անդամների համար: Այս աստիճանի պարողները հնարավորություն ունեն կատարելու առավել առանձնահատուկ դերեր։ Առաջատար արտիստ կարող է շնորհվել նաև սկսնակ արտիստին եթե նա առանձնահատուկ օժշտված է։
  • First soloist- թատերախմբում սովորաբար 15-20 պարողների կողմից զբաղեցրած կոչում, ովքեր կատարում են մենակատարի կամ երկրորդական մենակատարների դերերը, ինչպիսիք են Մերկուցիոն «Ռոմեո և Ջուլիետ» կամ փերիերից մեկը «Քնած գեղեցկուհի» բալետներում:
  • Principal character artist- այս կոչումը տրվում է այն պարողներին ովքեր երկար ժամանակ աշխատել են թատերախմբում և կատարել են առաջնային մենապարողների խաղացանկը: Նրանց մեծ մասը արդեն տարիքով արտիստներն են, ովքեր չեն կարող կատարել բարդ ֆիզիկական դերեր։
  • Principal - այս աստիճանը ամենաբարձրն է թատերախմբում և շնորհվում է նրանց, ովքեր առաջատար մենապարողներ են, և, ընդհանուր առմամբ, կատարում են բալետում ամենապահանջված և նշանավոր դերապարերը: Աշխարհի ամենահայտնի պարողներից շատերը այս կոչումն ունեն:

«Թագավորական բալետը» ունի նաև «հրավիրյալ արտիստ» և «հրավիրյալ առաջատար մենապարող» հատուկ կոչումները: Հրավիրյալ արտիստ կոչումը շնորհվում է այն պարողին, ով դեր է խաղացել հատուկ բալետի կամ սահմանափակ սեզոնի համար: Հրավիրյալ առաջատար մենապարող կոչումը տրվում է այն առաջատար պարողներին, ովքեր թատերախմբի հետ ելույթ են ունենում ավելի երկարաժամկետ հիմունքներով:

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Royal Ballet –British ballet company»։ Encyclopædia Britannica։ Վերցված է օգոստոսի 22, 2009