Մեխանիկական էներգիա
Մեխանիկական էներգիա, մեխանիկական համակարգի բաղադրիչների պոտենցիալ և կինետիկ էներգիաների գումարը ֆիզիկայում։ Մեխանիկական էներգիան մարմնի շարժումով կամ դիրքով պայմանավորված էներգիան է և ունակ է մեխանիկական աշխատանք կատարելու[1][2]։
Եթե մարմինը կարող է որոշակի աշխատանք կատարել, ապա այն օժտված է էներգիայով։ Որքան մեծ աշխատանք կարող է կատարել մարմինը, այնքան մեծ էներգիայով է այն օժտված։
Ընդունված է էներգիան նշանակել E տառով:Էներգիան չափվում է նույն միավարով, ինչ աշխատանքը։ Միավորների ՄՀ-ում էներգիայի միավորը մեկ ջոուլն է(1Ջ) ։
Մեխանիկայում ուսումնասիրվող էներգիան կոչվում է մեխանիկական էներգիա։ Քանի որ մեխանիկայում ուսումնասիրում են մարմինների շարժումն ու փոխազդեցությունը,ապա դիտարկում են մեխանիկական էներգիայի երկու տեսակ` մարմինների շարժմամբ խպայմանավորված էներգիա, որն անվանում ե կինետիկ էներգիա, ր մարմինների փոխազդեցությամբ պայմանավորված էներգիա, որն անվանում են պոտենցյալ էներգիա։
Մեխանիկական էներգիայի պահպանում[խմբագրել | խմբագրել կոդը]
Մեխանիկական էներգիայի պահպանման օրենքը պնդում է, որ եթե մարմինը կամ համակարգը միայն կոնսերվատիվ ուժերի ներգործության տակ են, ապա այդ մարմնի կամ համակարգի լրիվ մեխանիկական էներգիան մնում է հաստատուն։ Մեկուսավցած համակարգում, որտեղ գործում են միայն կոնսերվատիվ ուժերը, լրիվ մեխանիկական էներգիան պահպանվում է[3]։
Տարբերությունը այլ տիպի էներգիաներից[խմբագրել | խմբագրել կոդը]
Բնական գիտությունների տարբեր բնագավառներում հաճախ առկա է տարբեր Էներգիաների «տիպային» դասակարգում.
- Քիմիական էներգիա, քիմիական կապերով պայմանավորված էներգիան։ Ուսումնասիրվում է քիմիայում։
- Միջուկային էներգիա, ատոմի միջուկի մասնիկների փոխազդեցության էներգիան։ Ուսումնասիրվում է միջուկային ֆիզիկայում։
- Էլեկտրամագնիսական էներգիա, պայմանավորված է էլեկտրական լիցքով, մագնիսական դաշտով և ֆոտոնով։ Ուսումնասիրվում է էլեկտրամագնիսականության տեսության մեջ։
- Էներգիայի տարբեր ձևերը քվանտային մեխանիկայում, օրինակ, էլեկտրոնի էներգետիկ մակարդակներն ատոմում։
Ծանոթագրություններ[խմբագրել | խմբագրել կոդը]
- ↑ Prentice Hall Science Explorer (motion, forces, and energy)
- ↑ Resnick, Robert and Halliday, David (1966), Physics, Section 8-3 (Vol I and II, Combined edition), Wiley International Edition, Library of Congress Catalog Card No. 66-11527
- ↑ Jain, Mahesh C. (2009). Textbook of Engineering Physics (Part I). PHI Learning Pvt. Ltd. էջ 11. ISBN 8-120-33862-6., Chapter 1, p. 11