Մեխանիզմների կինեմատիկա

Վիքիպեդիայից՝ ազատ հանրագիտարանից
Jump to navigation Jump to search

Մեխանիզմների կինեմատիկա, մեքենաների և մեխանիզմների տեսության բաժին, ուսումնասիրում է մեխանիզմի մասերի (օղակների) շարժման երկրաչափական կողմը՝ անտեսելով շարժումն առաջացնող պատճառները։ Մեխանիզմների կինեմատիկայում դիտարկվում են կինեմատիկական վերլուծության և կինեմատիկական սինթեզի խնդիրները։ Մեխանիզմների կինեմատիկաի հիմնական խնդիրներն են․ մեխանիզմի օղակների դիրքի և դրա առանձին կետերի հետագծերի, մեխանիզմի կետերի գծային և դրանց օղակների անկյունային արագությունների և արագացումների որոշումը։ Նշված խնդիրների լուծման համար ելակետային տվյալները մեխանիզմի տանող օղակների շարժման օրենքներն են։ Մեխանիզմների կինեմատիկայի խնդիրները լուծվում են գրաֆիկական, վերլուծական և գրաֆիկա-վերլուծական եղանակներով, իսկ տիպային մեխանիզմների կինեմատիկայի խնդիրները՝ էլեկտրոնային հաշվողական մեքենաների համար մշակված ծրագրերի օգնությամբ։ Հատուկ ուսումնասիրության առարկա է, այսպես կոչված, չփակվող կինեմատիկական շղթայով մեխանիզմների կինեմատիկա, որը կապված է կիբեռնետիկական սարքերի (ռոբոտների, մանիպուլյատորների) ստեղծման հետ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 398 CC-BY-SA-icon-80x15.png