Մելիսա Ջոան Հարթ
Մելիսա Ջոան Հարթ Melissa Joan Hart | |
---|---|
Ծնվել է | ապրիլի 18, 1976[1] (48 տարեկան) |
Ծննդավայր | Սմիթթաուն, Սաֆոլկ շրջան, Նյու Յորք, ԱՄՆ[1] |
Քաղաքացիություն | ԱՄՆ |
Մայրենի լեզու | անգլերեն |
Կրոն | մոտ կաթոլիկություն[2] |
Կրթություն | Նյու Յորքի համալսարան և Պրոֆեսիոնալ երեխաների դպրոց |
Մասնագիտություն | հեռուստատեսային դերասանուհի, ձայնային դերասանուհի, կինոպրոդյուսեր, երգչուհի, ձեռնարկատեր, ռեժիսոր, թատրոնի դերասանուհի, մոդել, կինոդերասանուհի, հեռուստատեսային պրոդյուսեր, դերասանուհի, հեռուստառեժիսոր, կինոռեժիսոր և պոդքաստեր |
Ամուսին | Մարկ Ուիլքերսոն[1] |
Կուսակցություն | ԱՄՆ Հանրապետական կուսակցություն[3][4] |
Անդամություն | Girl Scouts of the USA?[1] |
Երեխաներ | Մեյսոն Ուիլքերսոն[5], Թաքեր Ուիլքերսոն և Բրեյդոն Ուիլքերսոն[5] |
Melissa Joan Hart Վիքիպահեստում |
Մելիսա Ջոան Քետրին Հարթ (անգլ.՝ Melissa Joan Catherine Hart, ապրիլի 18, 1976[1], Սմիթթաուն, Սաֆոլկ շրջան, Նյու Յորք, ԱՄՆ[1]), ամերիկացի դերասանուհի, ռեժիսոր և պրոդյուսեր, որը առավել հայտնի է «Կլարիսա» և «Սաբրինա փոքրիկ կախարդ» հաջողակ հեռուստատեսային սերիալներում խաղացած գլխավոր դերերի շնորհիվ։
Կենսագրություն[խմբագրել | խմբագրել կոդը]
Մելիսա Ջոան Հարթը ծնվել է 1976 թվականի ապրիլի 18-ին Նյու Յորք նահանգի Սմիթթաուն քաղաքում (բայց մեծացել է Սեյվիլում) և եղել է Պոլի Ջոան Վոջի և Բիլա Ուիլյամ Հարթի հինգ երեխաներից առաջինը։ Մայրը եղել է սկսնակ կատարողների պրոդյուսեր ու մենեջեր, իսկ հայրը՝ կակղամորթերի մատակարար և գործարար։ Մելիսայից հետո ընտանիքում ծնվել են ևս երեք դուստր՝ Տրիշա Լուիզը, Էլիզաբեթ Լին, Էմիլի Էնը և մեկ որդի՝ Բրայանը։ Մելիսայի մորական պապը՝ Սթենլի Ջոն Վոջին, նավատորմի վետերան էր և կաթոլիկ։ 1990 թվականին Պոլն և Բիլը ամուսնալուծվել են, և երեխաները մոր հետ տեղափոխվել են Նյու Յորք։ 1994 թվականին Պոլն ամուսնացել է հեռուստատեսային ղեկավար Լեսլի Էմերիկա Ջիլիեմսի հետ և այդ ամուսնությունից հետո Մելիսան ունեցել է ևս երեք կրտսեր քույրեր՝ Ալեքսանդրա, Սամանթա Լեսլի և ՄաքՔենզի։ Մելիսին անվանակոչել են «Allman Brothers» խմբի համանուն երգի պատվին, իսկ Ջոանի երկրորդ անունը նրան տվել են մորական տատիկի պատվին։ Ութերորդ դասարանում Մելիսան որպես հաստատուն անուն վերցրել է Քեթրին անունը, սակայն պրոֆեսիոնալ մակարդակով նա այն ոչ մի տեղ չի օգտագործել։
Մելիսայի կարիերան սկսվել է 4 տարեկանից, երբ նրան հրավիրել են նկարահանվելու լողանալու համար մանկական փչովի խաղալիքների գովազդում։ Կրթություն է ստացել Նյու Յորքի համալսարանում, որտեղ զբաղվել է արվեստով, լեզվով, գրականությամբ և որոշել է դառնալ լրագրող, սակայն համալսարանում սովորելուց հետո սկսել է կինոկարիերան՝ սկզբում ապրանքներ գովազդելով։ Շուտով փորձերը հաջողությամբ ավարտելուց հետո դերասանուհին «Կլարիսան գիտի ամեն ինչ» սերիալում ստացել է գլխավոր դեր։
«Կլարիսան գիտի ամեն ինչ» նախագծի փակումից որոշ ժամանակ անց Մելիսին իր գլխավոր դերի համար հրավիրել են նկարահանվելու «Սաբրինա փոքրիկ կախարդը» կատակերգական հեռուստասերիալում։ ԱՄՆ-ում սիթքոմի պրեմիերայից հետո անմիջապես ավելի մեծ հարգանք և հետաքրքրություն է ձեռք բերել հանրության մոտ։ Մի քանի հաջող մրցաշրջաններից հետո Ջոան Հարթը երկու հեռուստաֆիլմ է թողարկել «Սաբրինան Ռիմում» և «Սաբրինան ջրի տակ», որտեղ դերասանուհին կատարել է նաև գլխավոր դեր։
1999 թվականին նկարահանվել է Բրիթնի Սփիրսի «Crazy» երգի տեսահոլովակում[6], որն արտացոլվել է «Սաբրինա փոքրիկ կախարդը» հեռուստասերիալի 4-րդ եթերաշրջանի 1-ին սերիալում։
«Սաբրինա փոքրիկ կախարդը» սերիալի ավարտից հետո Հարթը հիմնականում դերեր է խաղացել հեռուստաֆիլմերում և հյուրային՝ սերիալների դրվագներում։ 2005 թվականին նա հրավիրվել էր «Robot Chicken» մուլտֆիլմ՝ հնչյունավորելու լրտեսուհի Էմիլիին։ 2007 թվականին նա հայտնվել է «Օրենք ու կարգ։ Հատուկ կորպուս» սերիալի դրվագում՝ խաղալով ուսուցչուհու դեր, որին մեղադրել են մանկապղծության մեջ։ 2009 թվականին նա մասնակցել է «Պարեր աստղերի հետ» հեռուստաշոուին, որից դուրս է մնացել վեցերորդ շաբաթից։
2010 թվականին նա գլխավոր դեր է խաղացել «Ինը մահացածների ցուցակում» թրիլլերում, նախքան սիթքոմի ժանր վերադառնալը կաբելային հեռուստատեսության «Մելիսա և Ջոուի» սերիալի գլխավոր դերով։
Քանի որ նրանց մայրը պրոդյուսեր էր, Մելիսայի բոլոր քույրերը և եղբայրը որոշ ժամանակ նկարահանվել են հեռուստատեսությունում, որտեղ խաղացել են նույն նախագծերում, ինչ և Մելիսան։
Անձնական կյանք[խմբագրել | խմբագրել կոդը]
2003 թվականի հուլիսի 19-ից Մելիսա Ջոան Հարթն ամուսնացել է երաժիշտ Մարկ Ուիլքերսոնի հետ, որի հետ նա հանդիպել է իրենց հարսանիքից մեկ տարի առաջ[7]։ Ամուսիններն ունեցել են երեք որդի ՝ Մեյսոն Ուոլթեր Ուիլքերսոնը[8], Բրեյդոն Հարթ Ուիլքերսոնը[9] և Թաքեր Մաքֆադեն Ուիլքերսոնը[10]։
Ֆիլմագրություն[խմբագրել | խմբագրել կոդը]
Տարի | Հայերեն անվանում | Բնօրինակ անվանում | Դեր | |
---|---|---|---|---|
1985 | ս | Կայեն և Աբել | Kane & Abel | Ֆլորենցիա |
1986 | ս | Այլ աշխարհ | Another World | Ռոլլեր |
1986 | ս | Հավասարիչը | The Equalizer | Լաուրա Մուր |
1986 | հֆ | Սուրբ Ծննդան ձյունը | Christmas Snow | Ամի |
1991-1994 | ս | Կլարիսան գիտի ամեն ինչ | Clarissa Explains It All | Կլարիսա Դարլինգ |
1993 | ս | Վախենու՞մ ես դու մթությունից | Are You Afraid of the Dark? | Դաֆնի |
1995 | ս | Հրեշտակի հպում | Touched by an Angel | Կլեր Լեզամ |
1995 | հֆ | Ընտանեկան հանդիպում | Family Reunion: A Relative Nightmare | Սամանթա |
1995 | հֆ | Կլարիսա | Clarissa | Կլարիսա Դարլինգ |
1996 | հֆ | Սաբրինա փոքրիկ կախարդը | Sabrina the Teenage Witch | Սաբրինա Սպելման |
1996-2003 | ս | Սաբրինա փոքրիկ կախարդը | Sabrina, the Teenage Witch | Սաբրինա Սպելման |
1997 | ս | Տղան ճանաչում է աշխարհը | Boy Meets World | Սաբրինա Սպելման |
1997 | ս | Հիմարը | Clueless | Սաբրինա Սպելման |
1997 | ֆ | Ճիշտ կապեր | The Right Connections | Մելանի Քեմբրիջ |
1997 | հֆ | Փոթորիկի միջով | Two Came Back | Սյուզան Կլարկսոն |
1998 | հֆ | Մարին պետք է լռի | Silencing Mary | Մերի Ստորտսոն |
1998 | ֆ | Չեմ կարող սպասել | Can't Hardly Wait | Վիկի |
1998 | ֆ | Սաբրինան մեկնում է Հռոմ | Sabrina Goes to Rome | Սաբրինա/Սոֆի |
1999 | հֆ | Սիրում եմ ամերիկյան ոճը | Love American Style | Անաբել |
1998 | ս | Սուպերմեն | Superman | Աղջիկ Սատուրն |
1999 | ս | 70-ականների շոու | That '70s Show | Մերի |
1999-2000 | մս | Սաբրինա մուլտսերիալ | Sabrina the Animated Series | Սաբրինա Սպելման |
1999 | ֆ | Սաբրինան ջրի տակ | Sabrina, Down Under | Սաբրինա Սպելման |
2000 | Ապագայի Բեթմենը։ Ջոկերի վերադարձը | Batman Beyond: Return of the Joker | Դի Դի | |
2000 | ս | Նորաձևության ամսագիր | Just Shoot Me! | Կրիսի |
2000 | ֆ | Not Another Teen Movie | Not Another Teen Movie | |
2001 | ֆ | Հակառակ ընթացք | Backflash | C.J. |
2002 | Պահել | Hold On | ||
2007 | հֆ | Արձակուրդ ձեռնաշղթաներով | Holiday in Handcuffs | Տրուդի |
2007 | ս | Օրենք ու կարգ։ Հատուկ կորպուս | Law & Order: Special Victims Unit | Սառա Տրենտ |
Ծանոթագրություն[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 https://web.archive.org/web/20130604210304/http://melissajoanhart.ning.com/page/biography-2
- ↑ Melissa Joan Hart wrestled with faith, acceptance when son had question about Jewish friend — USA Today, 2019.
- ↑ 10 Celebrities Who Are Republican — O, The Oprah Magazine, 2019.
- ↑ https://www.foxnews.com/entertainment/melissa-joan-hart-these-days-there-are-more-republicans-in-hollywood
- ↑ 5,0 5,1 https://people.com/parents/melissa-joan-hart-welcomes-son-tucker-mcfadden/
- ↑ Iona Kirby. (2015 թ․ փետրվարի 20). «Britney Spears reunites with old pal Melissa Joan Hart... 16 years after starring together in the (You Drive Me) Crazy music video» (անգլերեն). www.dailymail.co.uk. Արխիվացված օրիգինալից 2016 թ․ հունվարի 9-ին. Վերցված է 2016 թ․ հունվարի 9-ին.
- ↑ «Who Wants to Marry Melissa Joan Hart?». People.com. Արխիվացված օրիգինալից 2012 թ․ մարտի 12-ին. Վերցված է 2003 թ․ փետրվարի 19-ին.
- ↑ «It's a Boy for Melissa Joan Hart». People.com. Արխիվացված օրիգինալից 2012 թ․ մարտի 12-ին. Վերցված է 2006 թ․ հունվարի 11-ին.
- ↑ «Melissa Joan Hart & Husband Welcome Baby No. 2». People Magazine. Արխիվացված օրիգինալից 2012 թ․ մարտի 12-ին. Վերցված է 2008 թ․ մարտի 13-ին.
- ↑ «Melissa Joan Hart Welcomes Son Tucker — Moms & Babies — Moms & Babies — People.com». Արխիվացված է օրիգինալից 2012 թ․ սեպտեմբերի 21-ին. Վերցված է 2021 թ․ փետրվարի 11-ին.
Վիքիպահեստն ունի նյութեր, որոնք վերաբերում են «Մելիսա Ջոան Հարթ» հոդվածին։ |
|
- Ապրիլի 18 ծնունդներ
- 1976 ծնունդներ
- Ապրող անձինք
- Նյու Յորք նահանգում ծնվածներ
- Նյու Յորքի համալսարանի շրջանավարտներ
- ԱՄՆ-ի հանրապետական կուսակցության անդամներ
- Անձինք այբբենական կարգով
- 20-րդ դարի ամերիկացի դերասանուհիներ
- 21-րդ դարի ամերիկացի դերասանուհիներ
- Ամերիկացի գործարարներ
- Ամերիկացի երեխա դերասանուհիներ
- Ամերիկացի կին հնչյունավորողներ
- Ամերիկացի կինոդերասանուհիներ
- Ամերիկացի կինոպրոդյուսերներ
- Ամերիկացի հեռուստապրոդյուսերներ
- Ամերիկացի հեռուստատեսային դերասանուհիներ
- Ամերիկացի մոդելներ
- Ամերիկացի պրոդյուսերներ
- Ամերիկացի ռեժիսորներ
- Դերասանուհիներ այբբենական կարգով
- Թատրոնի դերասաններ
- Նյու Յորք քաղաքում ծնվածներ