Մելանի Ռենե

Վիքիպեդիայից՝ ազատ հանրագիտարանից
Jump to navigation Jump to search
Մելանի Ռենե
20150514 ESC 2015 Mélanie René 5790.jpg
Ծնվել էսեպտեմբերի 1, 1990 (29 տարեկան)
Ժնև, Շվեյցարիա
ԵրկիրFlag of Switzerland.svg Շվեյցարիա
ԺանրերՓոփ
Մասնագիտություներգչուհի
Գործիքներվոկալ
Գործունեություն2010-ից
Կայքmelanierene.eu
Mélanie René Վիքիպահեստում

Մելանի Ռենե (սեպտեմբերի 1, 1990(1990-09-01)[1], Ժնև, Շվեյցարիա), մավրիտական ծագումով շվեյցարացի երգահան, երգչուհի է, ով այս տարի ներկայացնելու է Շվեյցարիան Եվրատեսիլ 2015 երգի մրցույթում իր "Time to Shine" (Շողալու ժամանակն է) երգով[2]:

Կյանքը և կարիերան[խմբագրել | խմբագրել կոդը]

Մելանի Ռենեն ծնվել է 1990 թ.-ի սեպտեմբերի 1-ին Շվեյցարիայի Ժնև քաղաքում երաժիշտների ընտանիքում[3]: Դեռ վաղ հասակից նա ուներ երաժշտական հակում և 7 տարեկանից սկսել է անել իր առաջին երաժշտական քայլերը՝ հանդես գալով տարբեր հարթակներում։ 9 տարեկանից նա արդեն դաշնամուրի նվագածությամբ երգում էր իր առաջին երգերը։

2003-2009 թվականների ընթացքում Մելանին սովորում է Շվեյցարիայի Նյոն քաղաքի երաժշտական դպրոցներից մեկում։ Երիտասարդ արտիստը այստեղ սովորում է երգահանություն, բեմականացում և այլն։ Մասնակցում է երգի, պարի, դաշնամուրի, թատերական դասերի։ Նա նաև մասնակցում է ֆրանսիացի հայտնի երգահան Քլաուդ Լեմեսլի անցկացրած դասերին։

2008 թ.-ին Մելանին Ռումինիայի Բրասով քաղաքում մասնակցում է միջազգային "le Cerf d’Or" (Ոսկե եղնիկ) փառատոնին[3]: Նույն տարի նա հրավեր է ստանում մասնակցել փառատոնի 40-րդ ամյակին։ 2009 թ.-ի փետրվարին Էլիան Դամբղեի հետ միասին երգչուհին մասնակցում է "Y’a pas l’feu au lac" (Լճում հրդեհ չկա) միջազգային մրցույթին, որտեղ ներկայացնում է Շառլ Ազնավուրի հեղինակավոր երգերը։ 2009 թ.-ի մայիսին Մելանին ներկայացնում է Շվեյցարիան հեղինակավոր "Ջորջ Գրեգորի" միջազգային փառատոնին և զբաղեցնում է 1-ին տեղը իր "Il chante aves les anges" (Նա երգում է հրեշտակների հետ) երգով։ Այս նույն երգով նա 2010 թ.-ի մայիսին հյուրընկալվում է ռումինական հեռուստաալիքի կողմից։

2010 թ.-ի սեպտեմբերին նա ուղևորվում է Մեծ Բրիտանիա և սկսում է սովորել հանրաճանաչ ACM (Ժամանակակից երգի ակադեմիա)-յում, այստեղ նա բարելավում է իր բեմական կեցվածքը, երաժշտական տեխնիկան և ճաշակը։ Ուսման ընթացքում նա հիմնում է իր սեփական բենդը (French Konnection, որը հետագայում վերանվանվում է The Motherfunkers և համատեղ հանդես են գալիս տարբեր ակումբներում։

2012 թ.-ի նա շարունակում է իր ուսումը մեկ այլ բրիտանական հանրաճանաչ BIMM (Ժամանակակից երգի Բրինգթոնի) համալսարան։ Իր ոգևորվածության և տաղանդի շնորհիվ նա դառնում է Project Lumière խմբի անդամ։ Մելանին իր ուսման ընթացքում աշխատում է նաև մի շարք այլ բենդերի հետ՝ հանդես գալով և՛ որպես բեք-վոկալիստուհի, և՛ որպես մեներգչուհի։

2015 թ.-ին նա մասնակցում է Եվրատեսիլ 2015 երգի մրցույթի շվեյցարական նախընտրական փուլին։ Հունվարի 31-ին նա հայտարարվում է որպես հաղթող և իրավունք է ստանում ներկայացնելու Շվեյցարիան Վիեննայում կայանալիք Եվրատեսիլ 2015 երգի մրցույթում իր "Time to Shine" (Շողալու ժամանակն է) երգով։

Ծանոթագրություններ[խմբագրել | խմբագրել կոդը]

  1. Discogs — 2000.
  2. http://www.eurovision.tv/page/news?id=melanie_rene_to_represent_switzerland
  3. 3,0 3,1 http://www.melaniereneofficial.co.uk/#!bio/c161y