Մեթյու Ռայան

Վիքիպեդիայից՝ ազատ հանրագիտարանից
Մեթյու Ռայան
անգլ.՝ Mathew Ryan
Քաղաքացիությունը  Ավստրալիա
Ծննդյան ամսաթիվ ապրիլի 8, 1992(1992-04-08)[1] (32 տարեկան)
Ծննդավայր Plumpton
Հասակ 184 սանտիմետր
Քաշ 73 կիլոգրամ
Դիրք դարպասապահ

Մեթյու Դեյվիդ Ռայան (անգլ.՝ Mathew David Ryan,), ավստրալացի ֆուտբոլիստ, «Կոպենհագեն» ակումբի և Ավստրալիայի հավաքականի դարպասապահ։ 2018 թվականի աշխարհի առաջնության մասնակից։

Ակումբային կարիերա[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Մեթյուն «Բլեքթաուն Սիթի» և «Սենթրալ Քոսթ Մարիներս» ակումբների սան է։ 2009/2010 մրցաշրջանում հանդես է եկել երիտասարդական թիմում և մի քանի հրավեր է ստացել հիմնական թիմ։ 2010 թվականին նա «Մարիներս» ակումբի հետ կնքել է եռամյա լիարժեք պայմանագիր։ Այն բանից հետո, երբ հիմնական դարպասապահ Ջես Վանստրատանը վնասվածք է ստացել, Ռայանը ստացել է իր հնարավորությունը։ Օգոստոսի 28-ին «Սիդնեյ ՖԱ»-ի դեմ խաղում նորամուտն է նշել Ա լիգայում[2]։ Հանդիպման ընթացքում Մեթյուն թույլ է տվել սխալ, որի հետևանքով գրավել են իր թիմի դարպասը, սակայն հետագայում հավաքել է իրեն և արժանապատիվ խաղ ցուցադրել։ Երեք տարվա ընթացքում Ռայանը դարձել է թիմի առաջատարներից մեկը և ոչ մի հնարավորություն չի տվել իր փոխարինողներին։ Նա ճանաչվել է Ա լիգայի լավագույն երիտասարդ ֆուտբոլիստ և դարպասապահ։ Ռայանն օգնել է «Մարիներս»-ին 2012/13 մրցաշրջանում հաղթել Ավստրալիայի առաջնությունում։

«Բրյուգգեն»[խմբագրել | խմբագրել կոդը]

2013 թվականի մայիսին Մեթյուն տեղափոխվել է Բելգիայի «Բրյուգգեն» ակումբ։ Հուլիսի 26-ին «Շարլեուրլա»-ի դեմ խաղում հանդես է եկել Բելգիայի ֆուտբոլի առաջնությունում[3]։ 2015 թվականին Ռայանը դարձել է Բելգիայի գավաթի գավաթակիր։ «Բրյուգգեի» կազմում խաղալու ընթացքում երկու անգամ ճանաչվել է Բելգիայի տարվա լավագույն դարպասապահ։

«Վալենսիա»[խմբագրել | խմբագրել կոդը]

2015 թվականի ամռանը Ռայանը տեղափոխվել է Իսպանիայի «Վալենսիա»՝ ակումբի հետ կնքելով վեցամյա պայմանագիր[4]։ Օգոստոսի 22-ին «Ռայո Վալյեկանո»-ի դեմ խաղում նորամուտն է նշել Լա Լիգայում[5]։ 2017 թվականի սկզբին խաղային պրակտիկա ձեռք բերելու նպատակով Մեթյուն վարձակալության իրավունքով տեղափոխվել է «Գենկ» ակումբ։ Փետրվարի 4-ին «Մուսկրոն-Պերյուվելզ»-ի դեմ խաղում նորամուտ է ունեցել նոր ակումբի կազմում[6]։

«Բրայթոն»[խմբագրել | խմբագրել կոդը]

2017 թվականի հունիսի 17-ին Ռայանը հնգամյա պայմանագիր է կնքել Անգլիայի «Բրայթոն ընդ Հոուվ Ալբիոն» ակումբի հետ։ Օգոստոսի 12-ին «Մանչեսթեր Սիթի»-ի դեմ խաղում նորամուտ է ունեցել Պրեմիեր Լիգայում[7]։ 2017/2018 մրցաշրջանում Ռայանը առանց փոխարինման խաղացել է առաջնության բոլոր 38 խաղերում, որոնցից տասում գոլ բաց չի թողել։ Անդրադարձված հարվածների ցուցանիշով նա Պրեմիեր լիգայում զբաղեցրել է ութերորդ տեղը դարպասապահների շրջանում, որոնք խաղացել են առնվազն տասը հանդիպում․ ընդ որում նրա դարպասին ամենաշատ հարվածներն են հասցվել՝ 560 հարված մեկ մրցաշրջանում, կամ 15 հարված մեկ խաղի ընթացքում[8]։

«Արսենալ»[խմբագրել | խմբագրել կոդը]

2020 թվականի դեկտեմբերին «Բրայթոնի» գլխավոր մարզիչ Գրեմ Փոտերը հայտարարել է, որ ակումբը կերկարացնի պայմանագիրը Ռոբերտ Սանչեսի հետ և Ռայանը կարող է հեռանալ թիմից 2021 թվականի հունվարին[9]։

2021 թվականի հունվարի 22-ին մինչև մրցաշրջանի ավարտը վարձակալության է տրվել Լոնդոնի «Արսենալ» ակումբին։ Նա վերցրել է 33-րդ համարը, որը մինչև նա կրել էին Մեթ Մակքեյը և Պետեր Չեխը[10]։ Փետրվարի 6-ին նորամուտ է ունեցել Անգլիայի Պրիմեր Լիգայում՝փոխարինելով Բերնդ Լենոին «Աստոն Վիլլա» ակումբի դեմ պարտված խաղում (0։1)[11]։

«Կոպենհագեն»[խմբագրել | խմբագրել կոդը]

2022 թվականի օգոստոսի 9-ին Ռայանը պայմանագիր է ստորագրել Դանիայի «Կոպենհագեն» ակումբի հետ, տրանսֆերի գումարը կազմել է 5 մլն եվրո[12]։

Ձեռքբերումներ[խմբագրել | խմբագրել կոդը]

Ակումբային[խմբագրել | խմբագրել կոդը]

«Սենթրալ Քոսթ Մարիներս»

  • Ավստրալիայի չեմպիոն՝ 2012/13

«Բրյուգգե»

  • Բելգիայի գավաթի գավաթակիր՝ 2014/15

Ավստրալիա

  • Ասիայի գավաթի գավաթակիր՝ 2015

Անհատական[խմբագրել | խմբագրել կոդը]

  • A լիգայի լավագույն երիտասարդ ֆուտբոլիստ (2)՝ 2010/11, 2011/12
  • A լիգայի լավագույն դարպասապահ՝ 2011/12
  • Բելգիայի լավագույն դարպասապահ (2)՝ 2013/14, 2014/15

Ծանոթագրություններ[խմբագրել | խմբագրել կոդը]

  1. ↑ FBref.com(բազմ․)
  2. ↑ «Сидней VS. Сентрал Кост Маринерс 1:1» (անգլերեն). soccerway.com. 2010 թ․ օգոստոսի 28. Արխիվացված օրիգինալից 2014 թ․ մարտի 31-ին. Վերցված է 2014 թ․ մարտի 31-ին.
  3. ↑ «Брюгге VS. Шарлеруа 2:0» (անգլերեն). soccerway.com. 2013 թ․ հուլիսի 27. Արխիվացված օրիգինալից 2016 թ․ մարտի 7-ին. Վերցված է 2014 թ․ մարտի 31-ին.
  4. ↑ «VCF Official Statement». Valencia's official website. 2015 թ․ հուլիսի 21. Արխիվացված օրիգինալից 2016 թ․ օգոստոսի 19-ին. Վերցված է 2015 թ․ հուլիսի 21-ին.
  5. ↑ «Райо Вальекано VS. Валенсия 0:0» (անգլերեն). soccerway.com. 2015 թ․ օգոստոսի 22. Արխիվացված օրիգինալից 2015 թ․ օգոստոսի 24-ին. Վերցված է 2015 թ․ օգոստոսի 24-ին.
  6. ↑ «Генк VS. Мускрон-Перювельз 1:0» (անգլերեն). soccerway.com. 2017 թ․ փետրվարի 4. Արխիվացված օրիգինալից 2017 թ․ մարտի 12-ին. Վերցված է 2017 թ․ մարտի 11-ին.
  7. ↑ «Брайтон энд Хоув Альбион VS. Манчестер Сити 0:2» (անգլերեն). soccerway.com. 2017 թ․ օգոստոսի 12. Արխիվացված օրիգինալից 2018 թ․ հունիսի 27-ին. Վերցված է 2017 թ․ օգոստոսի 29-ին.
  8. ↑ «How Mat Ryan's Premier League experience prepared him to face France at World Cup». Fox Sports (անգլերեն). 2018 թ․ հունիսի 5. Արխիվացված օրիգինալից 2018 թ․ հունիսի 27-ին. Վերցված է 2018 թ․ հունիսի 27-ին.
  9. ↑ «Archived copy». Արխիվացված է օրիգինալից 2020 թ․ դեկտեմբերի 30-ին. Վերցված է 2020 թ․ դեկտեմբերի 30-ին.{{cite web}}: CS1 սպաս․ արխիվը պատճենվել է որպես վերնագիր (link)
  10. ↑ «Mat Ryan joins on loan until end of season». Arsenal FC. 2021 թ․ հունվարի 22. Վերցված է 2021 թ․ հունվարի 22-ին.
  11. ↑ Wheatley, Chris; Kaynak, Kaya (2021 թ․ փետրվարի 6). «Aston Villa vs Arsenal highlights Watkins' early goal gives Villa win». Football.London (անգլերեն). Վերցված է 2021 թ․ փետրվարի 6-ին.
  12. ↑ «Mathew Ryan joins FCK». F.C. København (անգլերեն). Վերցված է 2022 թ․ օգոստոսի 9-ին.

Արտաքին հղումներ[խմբագրել | խմբագրել կոդը]

  • Профиль на официальном сайте «Брайтон энд Хоув Альбион»(անգլ.)
Ստացված է «https://hy.wikipedia.org/w/index.php?title=Մեթյու_Ռայան&oldid=9790466» էջից