Մեթյու (փոթորիկ)

Վիքիպեդիայից՝ ազատ հանրագիտարանից
Մեթյու
ՏեսակՀինգերորդ կատեգորիայի փոթորիկ
ՏեղագրությունԿարիբյան ծով
ԵրկիրՀողմակողմ կղզիներ,  Կոլումբիա,  Ճամայկա,  Հայիթի,  Դոմինիկյան Հանրապետություն,  Կուբա,  Բահամյան Կղզիներ և  ԱՄՆ
Մասն է2016 Atlantic hurricane season?
Ձևավորվածսեպտեմբերի 28, 2016
Քայքայվածհոկտեմբերի 10, 2016
Վնաս15 088 000 000 $
Զոհվածներ603 մարդ
 Hur Վիքիպահեստում
Մահացածների թվաքանակը ըստ երկրների
Երկիր Զոհեր
Կոլումբիա 1
Կուբա 0
Դոմինիկյան Հանրապետություն 4
Հայիթիի Հանրապետություն ≈800
Սենտ Վինսենթ և Գրենադիններ 1
Ընդհանուր ≈806
Մեթյու փոթորկի անիմացիոն պատկերը

Մեթյու փոթորիկ (անգլ.՝ Matthew Hurricane), հզոր արևադարձային ցիկլոն, որը ձևավորվել է Կարիբյան ծովում։ Մեթյու փոթորիկը օդերևութաբանները անվանել են «տասնամյակի ամենահզոր փոթորիկ»։ Սա փոթորիկների գնահատման աղյուսակում, գնահատվել է 5-րդ ամենաբարձր բալով[1]։ Մեթյու փոթորիկը սկսել է իր շարժումը սեպտեմբերի 22-ին Աֆրիկայի ափերից։ Ներկայումս սպասվում է, որ փոթորիկը շարժվում է դեպի հյուսիս՝ մեծ վնասներ պատճառելով Հայիթիի, Ճամայկայի և Կուբայի արևելյան ափերին։ Հոկտեմբերի 1-ի տվյալներով քամու առավելագույն արագությունը կազմել է 185 կիլոմետր ժամ[2][3]։

Հոկտեմբերի 5-ին քամու արագությունը Հայիթիի մոտ կազմել է 230 կիլոմետր ժամ։ Փոթորիկը հարվածներ է հասցրել Ճամայկայի և Կուբայի ափերին։ Ֆլորիդայի և Հյուսիսային Կարոլինայի նահանգապետերը արդեն իսկ հայտարարել են արտակարգ դրություն նահանգների ողջ տարածքում[4]։ Հոկտեմբերի 6-ին փոթորիկը արդեն իսկ խլել էր ամենաքիչը 102 մարդու կյանք, հիմնականում Հայիթիում։ Օդերևութաբանները նշում էին, որ փոթորիկը Ֆլորիդայի ափերին կհասնի հոկտեմբերի 6-ին և կշարժվի Հյուսիսային Կարոլինայի ուղղությամբ։ Փոթորիկը կհասնի մինչև Նյու Յորք, Կոնեկտիկուտ և Մասաչուսեթս նահանգների ափերը[5]։

Հոկտեմբերի 6-ին Մեթյու փոթորիկը հասավ Կուբայի արևելյան ափերին, որտեղից արդեն իսկ տարհանվել էր շուրջ մեկ միլիոն մարդ։ Ինչպես տեղեկացնում է Ֆրանսպրեսը փոթորիկը վնասել է ճանապարհները և տները։ Այնուհետև փոթորիկը շարժվել է դեպի Բահամյան Կղզիներ։ Որոշ աղբյուրների փոխանցմամբ Կարիբյան ավազանում զոհերի ընդհանուր թիվը կազմել է 27 մարդ[6]։ Միևնույն ժամանակ բազմաթիվ բնակավայրերի կապը կտրվել է արտաքին աշխարհի հետ։ Հոկտեմբերի 6-ի առավոտվա տվյալներով Հայիթիում զոհերի թիվը կազմել է 65։ Իշխանությունները նշում էին, որ թվերը կարող են աճել[7]։ Reuters գործակալության փոխանցմամբ զոհերի թիվը կազմում էր 100-ից ավելի[8], իսկ Ուկրաինայի առաջին լրատվական հեռուստալիքը հայտնեց 140 զոհերի մասին[9]։

Հոկտեմբերի 6-ին ԱՄՆ նախագահ Բարաք Օբաման Ֆլորիդա նահանգում հայտարարեց արտակարգ դրություն՝ կապված փոթորկի վերահաս վտանգի հետ։ Նշվում է ավելի քան 2 միլիոն մարդու տարհանման վերաբերյալ։ Հավելյալ տարհանում է տեղի ունեցել նաև Ջորջիա նահանգում[10]։ Հոկտեմբերի 9-ին հայտարարվեց միայն Հայիթիում ավելի քան 800 զոհի մասին։

Ծանոթագրություններ[խմբագրել | խմբագրել կոդը]

  1. «На Карибы надвигается ураган "Мэтью"». Корреспондент. Վերցված է 1 жовтня 2016-ին.
  2. «Ураган Мэтью набрал максимальную мощь - видео». Новое Время. Վերցված է 1 жовтня 2016-ին.
  3. «До Карибів наближається потужний ураган "Метью"». ВВС Україна. Վերցված է 2 жовтня 2016-ին.
  4. Кількість жертв урагана Метью зростає
  5. Ураган Метью в Карибському басейні
  6. Ураган «Меттью» пошкодив дороги на Кубі
  7. Joseph Guyler Delva (2016 թ․ հոկտեմբերի 6). «Haiti bears brunt of Hurricane Matthew as death toll hits 69». Port-au-Prince, Haiti: Reuters. Վերցված է 2016 թ․ հոկտեմբերի 6-ին.
  8. «Число жертв урагана «Мэтью» превысило 100 человек». Արխիվացված է օրիգինալից 2016 թ․ հոկտեմբերի 9-ին. Վերցված է 2016 թ․ հոկտեմբերի 9-ին.
  9. КІЛЬКІСТЬ ЖЕРТВ УРАГАНУ МЕТЬЮ ЗРОСЛА ДО 140 ЛЮДЕЙ
  10. Б.