Մեբենդազոլ

Վիքիպեդիայից՝ ազատ հանրագիտարանից
Jump to navigation Jump to search
Blue pill container spilled icon.svg
Մեբենդազոլ
Mebendazol.svg
Mebendazole.svg
Կլինիկական տվյալներ
Հղիության
կատեգորիա
  • C
ԱԹԴ կոդ
Ֆարմակոկինետիկ տվյալներ
Կենսամատչելիություն~20%
ՆյութափոխանակությունԼյարդ
Կիսատրոհման պարբերություն2,5-ից մինչև 6 ժամ
ԴուրսբերումԿղանքի և մեզի հետ
Նույնացուցիչներ
CAS համար31431-39-7
PubChem CID4030
DrugBankAPRD01086
ChemSpider
CompTox Dashboard (EPA)
ECHA InfoCard100.046.017 Խմբագրել Վիքիդատայում
Քիմիական և ֆիզիկական տվյալներ
Քիմիական բանաձևC16H13N3O3
Մոլային զանգված295.293 գ/մոլ g·mol−1
3D մոդել (JSmol)

Մեբենդազոլ, հակաճիճվային (հակահելմինթային) դեղամիջոց:

Մտնում է կենսականորեն անհրաժեշտ և կարևորագույն դեղամիջոցների ցանկում:

Դեղաբանական ազդեցությունը[խմբագրել | խմբագրել կոդը]

Սույն հակահելմինթային դեղամիջոցը հանդիսանում է լայն սպեկտրի պրեպարատ. առավել արդյունավետ է էնտերոբիոզի և տրիխոցեֆալոզի դեպքում: Առաջացնելով գլյուկոզայի օգտագործման անշրջելի խախտում, գլիկոգենի պաշարները սպառվում են հելմինթների հյուսվածքներում, կանխում է տուբուլինի սինթեզը, ինչպես նաև Ադենոզինեռֆոսֆատի:

Ֆարմակոկինետիկա[խմբագրել | խմբագրել կոդը]

Գործնականում գրեթե չի կլանվում աղիների կողմից: T1/2 — 2,5—5,5 ժ: Կապը պլազմային սպիտակուցների հետ՝ 90% ։ Անհավասար է բաշխվում օրգաններում. կուտակվում է ճարպային հյուսվածքի, լյարդի մեջ: Լյարդում մետաբոլիզացվում է մինչև 2-ամինածանցյալ: Ընդհանուր մասը (5-10 %) արտազատվում է երիկամներով:

Ցուցումներ[խմբագրել | խմբագրել կոդը]

Էնտերոբիոզ, ասկարիդոզ, անկիլոստոմոզ, ստրոնգիլոիդոզ, տրիխոցեֆալոզ, տրիխինելլեզ, էխինոկոկոզ, բազմաթիվ այլ կլոր որդեր, ալվեոկոկկոզ, կապիլլյարիոզ, գնատոստոմոզ, խառը հելմինթոզներ:

Հակացուցումներ[խմբագրել | խմբագրել կոդը]

Հիպերզգայունություն, Ոչ սպեցեֆիկ խոցային կոլիտ, Կրոնի հիվանդություն, լյարդային անբավարարություն, մանկական տարիքում (մինչև 2 տարեկան), հղիության և կրծքով կերակրելու ժամանակ:

Դեղաչափերն ու կիրառման եղանակները[խմբագրել | խմբագրել կոդը]

Էնտերոբիոզի ժամանակ մեծահասակներին և 10 տարեկանից բարձր երեխաներին՝ մեկ անգամ, 100 մգ: 2-ից 10 տարեկան երեխաներին՝ մեկ անգամ, 25-50 մգ: Տվյալ ինվազիայով կրկնակի վարակվելու հավանականության դեպքում 2-4 շաբաթ կրկնվում է նույն կուրսը: Խորհուրդ է տրվում անցկացնել միաժամանակյա բուժում ընտանիքի բոլոր անդամների համար: Ասկարիդոզի, տրիխոցեֆալոզի, անկիլոստոմոզի, տենիոզի, ստրոնգիլոիդոզի և խառը հելմինթների դեպքում՝ առավոտյան և երեկոյան՝ 100 մգ, 3 օր: Տրիխենելլեզի դեպքում՝ օրը 3 անգամ, 200-400 մգ, 3 օր իսկ 4-րդ օրից մինչև 10-րդ օրը՝ 3 անգամ, 400-500 մգ: Էխինոկոկոզի դեպքում առաջին 3 օրը՝ 500 մգ-ից օրական 2 անգամ, հաջորդ 3 օրվա դոզան ավելացվում է մինչև 500 մգ օրը 3 անգամ, հետագայում դոզան բարձրացնում են մինչև առավելագույն (հաշվարկով 25-30 մգ/կգ/օր), և ընդունում են 3-4 անգամ:

Կողմնակի ազդեցություններ[խմբագրել | խմբագրել կոդը]

Գլխապտույտ, սրտխառնոց, ստամոքսի ցավ: Երկարատև բարձր չափաբաժնի կիրառման դեպքում՝ փսխում, լուծ, գլխացավ, ալերգիկ ռեակցիաներ (մաշկային ցան, եղնջացան, անոթային ուռուցք), «լյարդային» տրանսամինազների ակտիվության բարձրացում,, հիպերկրեատինինեմիա, լեյկոպենիա, անեմիա, Էոզինոֆիլիա, մազաթափություն, արյունամիզություն: Կարող է ունենալ բացասական ազդեցություն պտղի զարգացման համար:

Մեծ չափաբաժին[խմբագրել | խմբագրել կոդը]

Ախտանշանները[խմբագրել | խմբագրել կոդը]

Ստամոքսի ցավ, սրտխառնոց, փսխում, լուծ: Երկար ժամանակ բարձր չաբաժանի դեպքում. լյարդի ֆունկցիայի խանգարումներ, հեպատիտ, նեյտրոպենիա:

Բուժում[խմբագրել | խմբագրել կոդը]

Անհրաժեշտ է հեռացնել դեղը ստամոքսից, առաջացնելով փսխում կամ կատարել ստամոքսի լվացում, էնտերոսորբենտների ընդունում:

Հատուկ ցուցումներ[խմբագրել | խմբագրել կոդը]

Երկարատեւ ընդունման դեպքում անհրաժեշտ է վերահսկել ծայրամասային արյան պատկերը, լյարդի եւ երիկամների ֆունկցիան: Օրվա ընթացքում դեղամիջոցը ընդունելուց հետո արգելվում է օգտագործել էթանոլ, յուղոտ սնունդ: Բուժման ընթացքում և բուժումն ավարտելուց հետո անհրաժեշտ են կրկնակի հետանցքի քսուքի և կղանքի լաբորատոր հետազոտություններ: Բուժումը համարվում է արդյունավետ այն ավարտելուց 7 օրվա ընթացքում պարազիտի կամ ձվի բացակայության դեպքում:

Փոխգործակցությունը[խմբագրել | խմբագրել կոդը]

Նվազեցնում է ինսուլինի անհրաժեշտությունը շաքարային դիաբետով հիվանդների մոտ: Պետք է խուսափել լիպոֆիլ նյութերի հետ համատեղ նշանակումից:

Նշումներ[խմբագրել | խմբագրել կոդը]

Հղումներ[խմբագրել | խմբագրել կոդը]