Մաքքուորի (կղզի)

Մաքքուորի;
Տեսակ	կղզի
Երկիր	Ավստրալիա
Երկարություն	34 կմ
Լայնություն	5 կմ
Մակերես	128
Բնակչություն	20 մարդ
Հայտնաբերող	Frederick Hasselborough?
Անվանված է	Lachlan Macquarie?

Մաքքուորի (անգլ.՝ Macquarie)՝ կղզի Խաղաղ օվկիանոսի հարավային մասում (Թասմանիա կղզուց մոտավորապես 1,5 հազար կիլոմետր հարավ-արևելք)։ Մաքքուորի կղզին պատկանում է Ավստրալիային և մտնում է Թասմանիա նահանգի կազմի մեջ։

Աշխարհագրություն[խմբագրել | խմբագրել կոդը]

Մակերեսը կազմում է մոտ 128 կմ², առավելագույն բարձրությունը ծովի մակարդակից՝ 420 մ։ Կղզու վրա է գտնվում Ավստրալիայի ամենահարավային կետը։

Մաքքուորիի մոտակայքում է գտնվում ոչ մեծ կղզիախումբ՝ Բիշոփ էնդ Քլերքի կղզիները։

Կլիմա[խմբագրել | խմբագրել կոդը]

Կղզու կլիման խոնավ մերձանտարկտիկյան է՝ ուժեղ քամիներով։ Միջին ամսական ջերմաստիճանը տատանվում է +3,4 °С-ից մինչև +7,1 °C (տարեկան միջին ջերմաստիճանը՝ +4,9 °C)։ Տարվա ընթացքում տեղումների քանակը կազմում է 912 մմ՝ հիմնականում մանրամաղ անձրևի տեսքով^[1]։

Ջերմաստիճանի և տեղումների տարեկան միջին ցուցանիշները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ

Կենդանական և բուսական աշխարհ[խմբագրել | խմբագրել կոդը]

Բուսական աշխարհը ներկայացված է հիմնականում խոտաբույսերով։ Հազվադեպ հանդիպում է մերձանտարկտիկյան կղզիների համար էնդեմիկ համարվող Մաքքուորիի կաղամբը (Stilbocarpa polaris)։

Կղզու հյուսիսային մասը հավաքատեղի է ծովափղերի համար։ Առափնյա մասերում կան կայսերական պինգվինի (Aptenodytes patagonicus), աչքավոր պինգվինի (Spheniscus demersus), պապուական պինգվինի (Pygoscelis papua) և էնդեմիկ Մաքքուորիի պինգվինի գաղութներ։ Կղզամերձ ջրերում առկա են կետերի մի քանի տեսակներ և աճում են գորշ ջրիմուռներ (Lessonia spp.)։

Կղզին բնակեցված է թռչուններով։ Մինչև 1890 թվականը կղզում կար էնդեմիկ թռչկոտող Մաքքուորիի թութակը, որն անհետացավ, երբ կղզում հայտնվեցին առաջին կատուները։ Տարածված են նաև ալբատրոսներ։

Մարդկանց միջոցով կղզի է ներմուծվել կատուներ և ճագարներ։ 2002 թվականին հայտարարվեց, որ կղզում կատուներ այլևս չեն մնացել, իսկ ճագարները թվաքանակը հասնում է մոտ 100 հազարի։

Պատմություն[խմբագրել | խմբագրել կոդը]

Հայտնաբերվել է 1810 թվականին առագաստանավի նավապետ Ֆրեդերիկ Հասսելբորոյի կողմից։ Անվանվել է այդ ժամանակվա Նոր Հարավային Ուելսի նահանգապետ Լաքլան Մաքքուորիի պատվին։

1820 թվականի նոյեմբերի 17-ին (29) Մաքքուորի են այցելել առաջին ռուսական անտարկտիկական արշավախմբի նավերը՝ Ֆ․ Ֆ․ Բելինսհաուզենի ղեկավարությամբ։

Բնակչություն[խմբագրել | խմբագրել կոդը]

Կղզում մշտական բնակչություն առկա չէ, սակայն գիտնականները հաճախ են լինում այստեղ։ Կղզում նաև կա ավստրալիական Մաքքուորի Այլենդ կայանը, որտեղ կախված տարվա եղանակից կարող են լինել 25-ից 40 աշխատակից։

Համաշխարհային ժառանգություն[խմբագրել | խմբագրել կոդը]

1978 թվականին հայտարարվել է որպես արգելոց, իսկ 1977 թվականին ընդգրկվել է ՅՈՒՆԵՍԿՕ-ի Համաշխարհային ժառանգության ցանկում որպես կարևորագույն երկրաբանական նշանակության վայր^[2]^[3]