Մաքսին Ուոթերս

Վիքիպեդիայից՝ ազատ հանրագիտարանից
Jump to navigation Jump to search
Մաքսին Ուոթերս
անգլ.՝ Maxine Waters
Congresswoman Waters official photo (cropped).jpg
 
Կուսակցություն՝ Դեմոկրատական կուսակցություն
Կրթություն՝ Լոս Անջելեսի Կալիֆոռնիայի պետական համալսարան[1] և Vashon High School?
Գիտական աստիճան՝ Բակալավր
Մասնագիտություն՝ քաղաքական գործիչ և ուսուցչուհի
Ազգություն աֆրոամերիկացի
Դավանանք քրիստոնեություն[2]
Ծննդյան օր օգոստոսի 15, 1938(1938-08-15)[3] (81 տարեկան)
Ծննդավայր Kinloch, Սենտ Լուիս շրջան (Միսսուրի), Միսսուրի, ԱՄՆ
Քաղաքացիություն Flag of the United States.svg ԱՄՆ
Ի ծնե անուն անգլ.՝ Maxine Moore Carr
Ամուսին Sid Williams?
 
Կայք՝ waters.house.gov[2]
 
Պարգևներ

«Կանդակիա» մրցանակ և NAACP Image Award - նախագահի մրցանակ

Մաքսին Մուր Ուոթերս (անգլ.՝ Maxine Moore Waters, ի ծնե Քառ (անգլ.՝ Carr), օգոստոսի 15, 1938(1938-08-15)[3], Kinloch, Սենտ Լուիս շրջան (Միսսուրի), Միսսուրի, ԱՄՆ), ամերիկացի քաղաքական գործիչ, 2013 թվականի հունվարից ԱՄՆ Ներկայացուցիչների պալատի անդամ՝ 43-րդ ընտրատարածքից (իսկ ավելի վաղ 35-րդ և 29-րդ ընտրատարածքներից), ներկայացնում է Դեմոկրատական կուսակցությունը:

1991 թվականից ի վեր Դեմոկրատական կուսակցության անդամ է, ներկայումս ԱՄՆ Կոնգրեսում ներկայացված 12 կանանցից ամենամեծն է, ինչպես նաև հանդիսանում է Կոնգրեսի Սև կոկուսի անդամ և նախկին նախագահ: Նախքան Կոնգրեսի անդամ դառնալը նա ծառայել է Կալիֆոռնիայի վեհաժողովում (Կալիֆոռնիայի օրենսդիր մարմնի ստորին պալատ), որտեղ առաջին անգամ ընտրվել է 1976 թվականին: Որպես վեհաժողովի անդամ, Ուոթերսը հանդես է եկել Հարավային Աֆրիկայում ապարտեիդի ռեժիմի վերացման օգտին: Կոնգրեսում նա Իրաքի պատերազմի բացահայտ հակառակորդն էր[4]։

Մաքսին Ուոթերսին մեղադրանք է առաջադրվել էթիկական սկզբունքները խախտելու համար։ 2008 թվականին նա ենթադրաբար կազմակերպել էր հանդիպում, որի ընթացքում քննարկվել է բանկին ֆինանսական օգնություն տրամադրելու հնարավորությունը, որի բաժնետերը քաղաքական գործչի ամուսինն էր: Սակայն մեղադրանքն անհիմն է ճանաչվել, իսկ հետաքննությունը փակվել է[5][6][7][8]։

2017 թվականի սկզբին Մաքսին Ուոթերսը դարձել է պրանկի զոհ, որի ընթացքում, մասնավորապես, պատրաստակամություն է հայտնել հակազդել ռուս հաքերներին, որոնք իբր միջամտել են գոյություն չունեցող Լիմպոպո պետության ընտրություններին, տապալել նախագահ Բարմալեյին և «Կրեմլի խամաճիկը» դարձրել Այբոլիտին[9]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]