Մարսելեն Դեբուտեն
 | |
|---|---|
 | |
| Ծնվել է | օգոստոսի 26, 1823[1][2][3][…] |
| Ծննդավայր | Սերիյի, Ալյե |
| Վախճանվել է | փետրվարի 18, 1902[4][5][6][…] (78 տարեկան) |
| Մահվան վայր | Նիս, Ֆրանսիա |
| Քաղաքացիություն |  Ֆրանսիա |
| Կրթություն | Փարիզի Ստանիսլասի քոլեջ և Փարիզի Գեղեցիկ արվեստների ազգային բարձրագույն դպրոց |
| Մասնագիտություն | նկարիչ և գրող |
| Ժանր | դիմապատկեր |
| Ուշագրավ աշխատանքներ | The Baby Carriage?, Q17493966? և Q17495149? |
| Պարգևներ |  |
| Զավակներ | Jean Desboutin? |
 Marcellin Desboutin Վիքիպահեստում | |
![](http://hy.wikipedia.org/wiki/Պատկեր:"L'Absinthe",_par_Edgar_Degas_(1876).jpg)
Մարսելեն Ժիլբեր Դեբուտեն (ֆրանսերեն՝ Marcellin Gilbert Desboutin;օգոստոսի 26, 1823[1][2][3][…], Սերիյի, Ալյե - փետրվարի 18, 1902[4][5][6][…], Նիս, Ֆրանսիա) ֆրանսիացի նկարիչ և գրաֆիկ։
Կյանքն ու ստեղծագործությունը
[խմբագրել | խմբագրել կոդը]Մարսելեն Դեբուտենը Բարտելեմի Դեբուտենի՝ Լյուդովիկոս 18-ի գվարդիական կորպուսի սպայի և բարոնես Անն-Սոֆի-Դալի Ֆրաժ դը Ռոշֆորի որդին էր։ Այս հանգամանքով պայմանավորված՝ նկարիչը երբեմն ստորագրում էր որպես «բարոն դը Ռոշֆոր»։ Նա գեղարվեստական կրթություն ստացել է Փարիզի Սուրբ Ստանիսլավ քոլեջում։ Այնուհետև հիմնականում զբաղվել է գրաֆիկայով՝ նկարազարդելով գրական և թատերական ստեղծագործություններ։ 1845 թվականին Դեբուտենը ընդունվել է Փարիզի Գեղեցիկ արվեստների դպրոցին կից Լուի-Ժյուլ Այսոյի քանդակագործական ատելյեն, որտեղ շարունակել է նկարչության ուսուցումը։ Կրթությունն ավարտելուց հետո նա ճանապարհորդել է Մեծ Բրիտանիայում, Բելգիայում, Նիդերլանդներում և Իտալիայում։ 1857 թվականին բնակություն է հաստատել Ֆլորենցիայի մոտ գտնվող Օմբրելլինո կալվածքում։
1873 թվականին Մարսելեն Դեբուտենը սնանկացավ՝ անհաջող և պատահական ֆինանսական գործարքների արդյունքում։ Նա հաճախ էր այցելում բոհեմական ռեստորաններ և սրճարաններ (օրինակ՝ Ժերբուա սրճարանն ու Նուվել Աթենեն), որտեղ կրկին հանդիպում է իր հին ընկեր Էդգար Դեգային և ծանոթանում Էդուարդ Մանեի հետ։ Մանեի միջոցով Դեբուտենն ընկերական հարաբերություններ հաստատեց նաև Էմիլ Զոլայի հետ։ Նկարիչը փող էր վաստակում՝ սրճարանների և պանդոկների այցելուների դիմապատկերներ ստեղծելով «չոր ասեղի» տեխնիկայով և իր նկարները ցուցադրելով սալոններում։ Իմպրեսիոնիստների երկրորդ ցուցահանդեսում Դեբուտենը ներկայացրել է վեց կտավ, այդ թվում՝ «Փողոցային երգիչը» և «Թավջութակահարը»։ Նա նաև նկարել է իր բազմաթիվ ընկերների դիմանկարները, այդ թվում՝ Դեգայի, Օգյուստ Ռենուարի, Բերտ Մորիզոյի, Էրիկ Սատիի, Էդմոն դը Գոնկուրի, Պիեռ Պյուվի դը Շավանի, Ժոզեֆեն Պելադանի, Նինա դը Վիլարի և այլ ֆրանսիացի մշակույթի նշանավոր ներկայացուցիչների։ 1880–1888 թվականներին ապրել է Նիսում։ Հարավում գտնվելու ժամանակ ստեղծել է գրաֆիկական հինգ աշխատանքներից բաղկացած մի շարք՝ Ֆրագոնարի կտավների մոտիվներով, որոնք պահվում էին Գրասսեյի մոտ գտնվող մի վիլլայում («Զարմանք», «Հանդիպում», «Գաղտնիք», «Սիրահարների պսակը», «Լքվածը»)։
Փարիզ վերադառնալուց հետո նա ակտիվ մասնակցել է Գեղարվեստի ազգային ընկերության կազմակերպմանը։
Պատկերասրահ
[խմբագրել | խմբագրել կոդը]
Ինքնադիմանկար
Ժոզեֆեն Պելադանի դիմանկարը
Շվեյցարացի պարկապզուկահար
Պիեռ Պյուվի դը Շավանի դիմանկարը
Էդգար Դեգայի դիմանկարը
Կոմպոզիտոր Էրիկ Սատիի դիմանկարը
Ծանոթագրություններ
[խմբագրել | խմբագրել կոդը]- 1 2 RKDartists (նիդերլ.)
- 1 2 KulturNav — 2015.
- 1 2 Base Léonore (ֆր.) — ministère de la Culture.
- 1 2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- 1 2 Marcellin-Gilbert Desboutin (նիդերլ.)
- 1 2 Marcellin-Gilbert [Desboutins, Marcellin-Gilbert Desboutin] — 2006.
Արտաքին հղումներ
[խմբագրել | խմբագրել կոդը]- Օգոստոսի 26 ծնունդներ
- 1823 ծնունդներ
- Փետրվարի 18 մահեր
- 1902 մահեր
- Նիս քաղաքում մահացածներ
- Փարիզի գեղարվեստի ազգային բարձրագույն դպրոցի շրջանավարտներ
- Պատվո լեգեոնի շքանշանի ասպետներ
- Անձինք այբբենական կարգով
- Նկարիչներ այբբենական կարգով
- Ֆրանսիացի նկարիչներ
- Իմպրեսիոնիստ արվեստագետներ
- Ֆրանսիացի փորագրիչներ
- Ֆրանսիացի գրաֆիկներ
- Ֆրանսիացի դիմանկարիչներ