Jump to content

Մարջորի Քինան Ռոլինգս

Վիքիպեդիայից՝ ազատ հանրագիտարանից
Մարջորի Քինան Ռոլինգս
անգլ.՝ Marjorie Kinnan Rawlings
Ծնվել էօգոստոսի 8, 1896(1896-08-08)[1][2][3][…]
ԾննդավայրՎաշինգտոն, ԱՄՆ
Վախճանվել էդեկտեմբերի 14, 1953(1953-12-14)[1][2][3][…] (57 տարեկան)
Վախճանի վայրՍենտ Օգաստին
ԳերեզմանAntioch Cemetery[4]
Մասնագիտությունգրող, վիպասան, սցենարիստ, մանկագիր և համալսարանի դասախոս
Լեզուանգլերեն
Քաղաքացիություն ԱՄՆ
ԿրթությունՎիսկոնսինի համալսարան Մեդիսոնում[5]
Ժանրերարձակ
Ուշագրավ աշխատանքներԵղնիկը (վիպակ)
ԱնդամակցությունԱրվեստի և գրականության ամերիկյան ակադեմիա
ԱշխատավայրՖլորիդայի համալսարան
Պարգևներ
 Marjorie Kinnan Rawlings Վիքիպահեստում

Մարջորի Քինան Ռոլինգս (անգլ.՝ Marjorie Kinnan Rawlings, օգոստոսի 8, 1896(1896-08-08)[1][2][3][…], Վաշինգտոն, ԱՄՆ - դեկտեմբերի 14, 1953(1953-12-14)[1][2][3][…], Սենտ Օգաստին)[7], 20-րդ դարի ամերիկացի գրող, Պուլիտցերյան մրցանակի դափնեկիր։ Կյանքի մեծ մասն անց է կացրել Ֆլորիդայի նահանգի գյուղերից մեկում և իր ստեղծագործություններում մեծ տեղ է հատկացրել Ֆլորիդայի բնության, գյուղական կյանքի ու գյուղի մարդկանց նկարագրմանը։ Ռոլինգսի լավագույն երկը համարվում է «Հասակակիցներ» (The Yearling) վեպը, որի համար նա 1939 թվականին Պուլիտցերյան մրցանակի է արժանացել «Գեղարվեստական արձակ» անվանակարգում[8]։ Ավելի ուշ՝ 1946 թվականին այդ վեպի հիման վրա նկարահանվել է նույնանուն կինոնկար։ «Հասակակիցները» մինչև օրս էլ ընդգրկվում է պատանի ընթերցողներին առաջարկվող գրքերի ցանկում։

Կենսագրություն

[խմբագրել | խմբագրել կոդը]

Մարջորի Քինանը ծնվել է 1896 թվականին, ԱՄՆ մայրաքաղաք Վաշինգտոնում, Միացյալ Նահանգների արտոնագրերի ու ապրանքանիշերի գրասենյակի հավատարմատար Արթուր Ֆրենկ Քինանի (անգլ.՝ Arthur Frank Kinnan) և Իդա Մեյ Թրեֆաջեն Քինանի (անգլ.՝ Ida May Traphagen Kinnan) ընտանիքում[9]։ Մարջորին մանկությունն ու պատանեկությունն անց է կացրել Բրուքլենդում։ Վեց տարեկանից հետաքրքրություն է ցուցաբերել գրական ստեղծագործության նկատմամբ, տասնհինգ տարեկանում լույս է ընծայել իր առաջին երկը՝ «Միսս Հեթթիի ռեինկարնացիան» պատմվածքը, որով մասնակցել է թերթերից մեկի հայտարարած մրցանակաբաշխությանը և արժանացել իր առաջին գրական մրցանակին[10]։

Հաճախել է Վիսկոնսինի Մեդիսոն համալսարան, ուսանելու տարիներին անդամակցել է Kappa Alpha Theta ուսանողական միությանը[11], 1918 թվականին ավարտել է բուհը՝ ստանալով անգլերենի մասնագետի որակավորում, աշխատանքի անցել դպրոցական ամսագրի խմբագրությունում։ Այստեղ էլ ծանոթացել է Չարլզ Ռոուլինգսի հետ և 1919 թվականին ամուսնացել նրա հետ՝ ընդունելով ամուսնու ազգանունը։ Մի կարճ ժամանակամիջոց Նյու Յորքում՝ Երիտասրդ կանանց քրիստոնեական ընկերակցության ամսագրի խմբագրությունում աշխատելուց հետո[7] Մարջորին ամուսնու հետ տեղափոխվել է Քենթուքի։ Աշխատակցել է Louisville Courier-Journal, Rochester Journal ամսագրերին[9][12]։

1928 թվականին Մարջորիի ժառանգած ոչ մեծ գումարով ամուսնական զույգը 72 ակր (290,000մ²) նարնջի այգի է գնել Ֆլորիդայի նահանգում՝ Քրոս Քրիք կոչվող գյուղակի մերձակայքում, այգեգործությամբ զբաղվելու հետ մեկտեղ շարունակել գրական գործունեությունը։ Ռոլինգսները հպարտանում էին, որ իրենց համագյուղացիների հետ մեկտեղ մասնակցում են տարածաշրջանի վերափոխման աշխատանքներին[13][14]։ Մարջորին մտերմացել է համագյուղացիների հետ, հաճախակի այցելել նրանց, խորությամբ ուսումնասիրել հատկապես Լոնգ ընտանիքի կյանքն ու կենցաղը, փոխհարաբերությունները միմյանց ու շրջապատի մարդկանց հետ[15]։ Իր այդ ուսումնասիրությունները հետագայում նա օգտագործել է «Հասակակիցներ» վեպը գրելիս[15][15][16]։

Ռոլինգսների՝ Քրոս Քրիքում գտնվող տունը ներկայումս վերածվել է թանգարանի։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Encyclopædia Britannica
  2. ↑ 2,0 2,1 2,2 2,3 2,4 http://web.archive.org/web/20170323040725/http://jeugdliteratuur.org/auteurs/marjorie-kinnan-rawlings
  3. ↑ 3,0 3,1 3,2 3,3 3,4 Internet Speculative Fiction Database — 1995.
  4. ↑ Find A Grave — 1996.
  5. ↑ 5,0 5,1 5,2 Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 888.
  6. ↑ http://flwomenshalloffame.org/bio/marjorie-kinnan-rawlings/
  7. ↑ 7,0 7,1 Marjorie Kinnan Rawlings House and Farm Yard, Women's History Month 2006-A National Register of Historic Places Feature; accessed December 8, 2014.
  8. ↑ «1939 Pulitzer Prizes». The Pulitzer Prize. 2019. Վերցված է 2019 թ․ հունիսի 9-ին.
  9. ↑ 9,0 9,1 Bloom, Harold, ed."American Women Fiction Writers, 1900-1960."Volume 3. Chelsea House, Philadelphia 1998.
  10. ↑ Marjorie Kinnan Rawlings Biography | Dictionary of Literary Biography
  11. ↑ «Notable Thetas: Marjorie Kinnan Rawlings». Kappa Alpha Theta website. Retrieved on December 30, 2007.
  12. ↑ «Marjorie Kinnan Rawlings Biography». Marion County, Florida. Արխիվացված է օրիգինալից 2006 թ․ սեպտեմբերի 30-ին.
  13. ↑ Florida State Parks: Welcome to Marjorie Kinnan Rawlings Historic State Park
  14. ↑ Bellman, Samuel. Marjorie Kinnan Rawlings. Twayne Publishers, New York: 1974.
  15. ↑ 15,0 15,1 15,2 «On Location: The Central Florida Of 'The Yearling'». NPR.org (անգլերեն). Վերցված է 2019 թ․ փետրվարի 15-ին.
  16. ↑ «Treasures of South Florida Libraries. University of Florida». Արխիվացված է օրիգինալից 2020-08-03-ին. Վերցված է 2019-07-19-ին.

Գրականություն

[խմբագրել | խմբագրել կոդը]

Մարջորի Քինան Ռոլինգս - «Հասակակիցներ» (Երևան, «Սովետական գրող» հրատարակչություն, 1978 թ., թարգմանիչ՝ Ջուլիետա Ղազարյան)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մարջորի Քինան Ռոլինգս» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Մարջորի_Քինան_Ռոլինգս&oldid=10154414» էջից