Մարիտե Կոնտրիմայտե

Վիքիպեդիայից՝ ազատ հանրագիտարանից
Jump to navigation Jump to search
Մարիտե Կոնտրիմայտե
լիտ.՝ Marytė Kontrimaitė
Ծնվել էփետրվարի 9, 1947(1947-02-09)
Վախճանվել էապրիլի 16, 2016(2016-04-16) (69 տարեկանում)
Վախճանի վայրԼիտվա
Մասնագիտությունգրող, բանաստեղծ, թարգմանիչ, հայագետ, լեզվաբան և հրապարակախոս
Լեզուլիտվերեն և հայերեն
ՔաղաքացիությունFlag of Lithuania.svg Լիտվա
ԿրթությունՎիլնյուսի համալսարան
ՊարգևներԳրիգոր Նարեկացի հուշամեդալ

Մարիտե Կոնտրիմայտե (լիտ.՝ Marytė Kontrimaitė, փետրվարի 9, 1947(1947-02-09) - ապրիլի 16, 2016(2016-04-16), Լիտվա), լիտվացի գրող, բանաստեղծուհի, թարգմանիչ, հրապարակախոս և հասարակական գործիչ, լեզվաբան, հայագետ։ Լիտվերենից թարգմանել է հայերեն, հայերենից՝ լիտվերեն։ Գիտությունների դոկտոր է։

Կենսագրություն[խմբագրել | խմբագրել կոդը]

Ծնվել է 1947 թվականին Վիլկայչայում ուսուցչուհու և արհեստավորի ընտանիքում։ 1949 թվականին Մարիտեի ծնողները ձերբակալվել են և աքսորվել Սիբիր։ Տարագրավայրում ապրել են Բոդայբո գյուղում։ 1956 թվականին վերադարձել են Լիտվա։ 1970 թվականին ավարտել է Վիլնյուսի համալսարանը, որտեղ սովորել է լիտվական լեզու և գրականություն։ Ուսումն ավարտելուց հետո մեկնել է աշխատելու Երևան։ Ավելի ուշ վերադարձել է աշխատելու Լիտվայում։ 1987 թվականին սկսել է աշխատել «Գրականություն և արվեստ» ամենշաբաթյա թերթի խմբագրությունում։ 1988 թվականից եղել է «Սայուդիս»-ի անդամ։ 1992 թվականին նախաձեռնել է «Լիտվա-Հայաստան» ընկերությունը։ 1993 թվականին հրատարակել է «Արմենո» անկախ թերթը[1]։ Աշխատել է Քրիստոնյա-դեմոկրատական կուսակցության ղեկավար մարմնում։ 1998-2002 թվականները եղել է Սեյմի (Լիտվայի օրենսդիր մարմին) Մշակույթի, գիտության և լուսավորության կոմիտեի խորհրդական։ Ակտիվորեն զբաղվել է Լիտվայում հայոց եղեռնի ճանաչման հարցերով։

2015 թվականին ՀՀ Մշակույթի նախարար Հասմիկ Պողոսյանը պարգևատրել է Մարիտե Կոնտրիմայտեին «Սբ. Գրիգոր Նարեկացի» հուշամեդալով և ՀՀ Մշակույթի նախարարության պատվոգրով՝ արտասահմանում և լիտվացի ընթերցողների շրջանում իր թարգմանություններով հայկական գրականության տարածման, ինչպես նաև հայերեն-լիտվերեն թարգմանական գործում նշանակալի ներդրումների համար[2]։ Գյումրու քաղաքապետարանը Մարիտե Կոնտրիմայտեին 2015 թվականին շնորհել են «Գյումրու պատվավոր քաղաքացի» կոչում և «Գյումրու երախտավոր» տիտղոսը՝ 1988 թվականի երկրաշարժից հետո Գյումրի քաղաքի և նրա բնակիչների հանդեպ դրսևորած սրտացավ վերաբերմունքի, ցուցաբերած բարոյական և նյութական մեծ օգնության ու աջակցության համար[3]:

Գրականություն[խմբագրել | խմբագրել կոդը]

  • Kristalų atskalos, Վիլնյուս, 1971.
  • Dienų veidai, Վիլնյուս, 1982.
  • Palei pat gyvenimą, Վիլնյուս, 2003.

Թարգմանություններ[խմբագրել | խմբագրել կոդը]

Հայերենից[խմբագրել | խմբագրել կոդը]

  • G. Eminas. Septynios giesmės apie Armėnija: essays. – Vilnius: Vaga, 1984.
  • Armėnų apysakos (together with Z. Sakalauskienė). – Vilnius: Vaga, 1985.
  • H. Tumanianas. Gikoras: short story. – Vilnius: Vyturys, 1986.
  • K. Simonianas. Iki pasimatymo, Natanaeli!: novella. – Vilnius: Vyturys, 1987.
  • V. Pohosianas. Baltų ėriukų vasara: novella. – Vilnius: Vyturys, 1990.

Իսպաներենից[խմբագրել | խմբագրել կոդը]

  • G. Mistral. Poezijos ciklas “Mirties sonetai” ir kt. eilėraščiai. – Vertimų almanachas “Atodangos 88”, Periodika, 1988.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]