Մարինա Սաֆարյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Սաֆարյան ազգանունով այլ մարդկանց մասին։
Մարինա Սաֆարյան
Ծնվել էհոկտեմբերի 4, 1953(1953-10-04) (70 տարեկան)
ԾննդավայրԵրևան, Հայկական ԽՍՀ, ԽՍՀՄ
ԿրթությունԵրևանի Մխիթար Հերացու անվան Պետական Բժշկական Համալսարան (1977)
Մասնագիտությունphthisiatrist
Գիտական աստիճանբժշկական գիտությունների դոկտոր (1992)
ԱշխատավայրԵրևանի Մխիթար Հերացու անվան Պետական Բժշկական Համալսարան
ԿուսակցությունՀայաստանի Հանրապետական կուսակցություն
Պարգևներ

Մարինա[1] Դմիտրիի Սաֆարյան (հոկտեմբերի 4, 1953(1953-10-04), Երևան, Հայկական ԽՍՀ, ԽՍՀՄ), հայ ֆթիզիատոր։ Բժշկական գիտությունների դոկտոր (1992), պրոֆեսոր (1993)։ ՀՀ վաստակավոր բժիշկ (2011)։

Կենսագրություն[խմբագրել | խմբագրել կոդը]

Մարինա Սաֆարյանը ծնվել է 1953 թվականին Երևանում։ 1971 թվականին ավարտել է Երևանի թիվ 76 միջնակարգ դպրոցը, 1977 թվականին՝ Երևանի բժշկական ինստիտուտը[2]։ 1981 թվականին պաշտպանել է թեկնածուական ատենախոսություն։ 1980-1985 թվականներին եղել է Երևանի պետական բժշկական ինստիտուտի թերապիայի ամբիոնի գիտաշխատող, 1985 թվականին տուբերկուլոզի ամբիոնի ասիստենտ, 1994 թվականից ֆթիզիապուլմոնոլոգիայի ամբիոնի վարիչ[3]։ 1992 թվականին Մոսկվայի Տուբերկուլոզի կենտրոնական գիտահետազոտական ինստիտուտում պաշտպանել է դոկտորական ատենախոսություն։ 2011 թվականին ստացել է 2-րդ բարձրագույն կրթությունը` տնտեսագետի որակավորմամբ։ 1993-2004 թվականներին եղել է ՀՀ առողջապահության նախարարության գլխավոր ֆթիզիատոր, 2009 թվականին վերանշանակվել է նույն պաշտոնում։ 2006 թվականից Հայաստանի ֆթիզիատորների ասոցիացիայի նախագահ։ 2007 թվականին նշանակվել է ՀՀ ԱՆ «Հանրապետական հակատուբերկուլոզային դիսպանսեր» ՓԲ ընկերության տնօրեն, 2012 թվականին վերանշանակվել է նույն պաշտոնում։

Որպես Առողջապահության համաշխարհային կազմակերպության խորհրդատու` տարբեր երկրներում մասնակցել է տուբերկուլոզային ծառայության վերահսկման և բժիշկների համար միջազգային սեմինարներին։ Հայաստանի ֆթիզիատորների ասոցիացիայի նախագահն է, ԺԴ.00.03 «Ներքին հիվանդություններ» մասնագիտությամբ պաշտպանության խորհրդի և ՌԴ Туберкулез и болезни легких գիտագործնական ամսագրի խմբագրային խորհրդի անդամ։

Առաջարկել է տուբերկուլոզի ակտիվության որոշման մեթոդ՝ օքսիդիչ և հակաօքսիդիչ համակարգերի որոշման օգնությամբ։ Հետազոտել է Հայաստանում տուբերկուլոզի համաճարակաբանությունը՝ հիվանդների և ռիսկի խմբերի շրջանում, ուսումնասիրել հակատուբերկուլոզային պատրաստուկների արդյունավետությունը[4]։

ՀՀԿ անդամ է[5]։

Պարգևներ[խմբագրել | խմբագրել կոդը]

  • ՀՀ վաստակավոր բժիշկ, 2011
  • ՀՀ պաշտպանության նախարարի մեդալ, 2012
  • Երևանի պետական բժշկական համալսարանի ոսկե մեդալ
  • Ռուսաստանի բնական գիտությունների ակադեմիայի «Ռոբերտ Կոխի» և «Եկատերինա Մեծի» շքանշան

Երկեր[խմբագրել | խմբագրել կոդը]

  • Ֆթիզիատրիա։ Դասագիրք, 2002։
  • Տուբերկուլոզի ձեռնարկ։ Հայաստանում տուբերկուլոզի դեմ պայքարի ազգային ծրագրի ուղեցույց, 2004։
  • Ֆթիզիատրիայի անկյունաքարերը։ Տուբերկուլոզը հարցուպատասխանի տեսքով ։ Ձեռնարկ, 2004։
  • Липидный обмен и комбинированная антиоксидантотерапия при, туберкулезе легких, 1998.
  • Основы фтизиатрии. Учебное пособие, 2010.
  • Basics of Phthisiology. Textbook, 2010.

Ծանոթագրություններ[խմբագրել | խմբագրել կոդը]

  1. «Հայաստանի Հանրապետության կենտրոնական ընտրական հանձնաժողով»։ Elections.am (հայերեն)։ Արխիվացված է օրիգինալից 2016-11-25-ին։ Վերցված է 2017-01-29 
  2. Ով ով է. Հայեր. Կենսագրական հանրագիտարան, հատոր երկրորդ, Երևան, 2007 
  3. «Ֆթիզիատրիայի ամբիոն»։ www.ysmu.am (am-am)։ Վերցված է 2017-01-29 (չաշխատող հղում)
  4. «ՀՀ ԳԱԱ Հիմնարար Գիտական Գրադարան catalog › Authority search › Սաֆարյան, Մարինա Դմիտրիի, 1953- (Personal Name)»։ opac.flib.sci.am (անգլերեն)։ Վերցված է 2017-01-29 (չաշխատող հղում)
  5. «Կուսակցության խորհուրդը - Կառուցվածք - Հայաստանի Հանրապետական կուսակցություն»։ www.hhk.am (անգլերեն)։ Վերցված է 2017-01-29