Մարիա Պետրու

Վիքիպեդիայից՝ ազատ հանրագիտարանից
Մարիա Պետրու
հուն․՝ Μαρία Πέτρου
Ծնվել էմայիսի 17, 1953(1953-05-17)
Սալոնիկ, Հունաստան
Մահացել էհոկտեմբերի 15, 2012(2012-10-15)[1] (59 տարեկան)
Սալոնիկ, Հունաստան
բնական մահով
Քաղաքացիություն Հունաստան
Մասնագիտությունհամակարգչային գիտնական և արհեստական ինտելեկտի ուսումնասիրող
Հաստատություն(ներ)Լոնդոնի կայսերական քոլեջ և Օքսֆորդի համալսարան
ԱնդամակցությունԵվրոպական ակադեմիա[2]
Ալմա մատերՍալոնիկի համալսարան և Քեմբրիջի համալսարան
Տիրապետում է լեզուներինանգլերեն[3]
Պարգևներ

Մարիա Պետրու (անգլ.՝ Maria Petrou, հուն․՝ Μαρία Πέτρου, մայիսի 17, 1953(1953-05-17), Սալոնիկ, Հունաստան - հոկտեմբերի 15, 2012(2012-10-15)[1], Սալոնիկ, Հունաստան)[4], հույն և բրիտանացի գիտնական, արհեստական ինտելեկտի և մեքենայական տեսողության մասնագետ։ Պատկերների ճանաչման իննովացիոն տեխնիկայի և մի շարք գիտական հոդվածների հեղինակ է։ Եղել է Սուրեյի համալսարանի և Լոնդոնի Կայսերական քոլեջի դասախոս[5]։

Վաղ տարիներ[խմբագրել | խմբագրել կոդը]

Ծնունդով Սալոնիկից է։ Գիտությամբ հետաքրքրվել է մանկությունից[4], 15 տարեկանից սկսել է զբաղվել մաթեմատիկայի և բնական գիտությունների դասուսուցմամբ։ Ավարտել է Սալոնիկի համալսարանի ֆիզիկայի ֆակուլտետը, հետագայում սովորել է Քեմբրիջում, այնտեղ ուսանել մաթեմատիկա և աստղագիտություն[5]։ Օքսֆորդի համալսարանի տեսական ֆիզիկայի ամբիոնում 1983 թվականին սկսել է աշխատել հետդոկտորական հետազոտությունների օգնական[5]։

Հետազոտություններ[խմբագրել | խմբագրել կոդը]

1980-ական թվականներին Պետրուն զբաղվել է արհեստական ինտելեկտի ուսումնասիրմամբ, այդ թվում և մեքենայական տեսողությամբ։ 1988 թվականին նա Սուրեյի համալսարանում սկսել է աշխատել էլեկտրոտեխնիկայի և էլեկտրոնիկայի ամբիոնում՝ 1998 թվականին ստանալով պրոֆեսորի կոչում պատկերների վերլուծության ոլորտում[4]։ Լոնդոնի Կայսերական քոլեջում զբաղեցրել է ազդանշանների մշակման ամբիոնի վարիչի պաշտոնը։ 2009 թվականից մինչև մահը եղել է Հունաստանի Հետազոտությունների և տեխնոլոգիաների կենտրոնի Ինֆորմատիկայի և տելեմատիկայի ինստիտուտի տնօրենը[5][6]։ Մեծ Բրիտանիայի Արքայական ինժեներական գիտությունների ակադեմիայի անդամ է, մի շարք գրքերի և գիտական ամսագրերում բազմաթիվ հոդվածների հեղինակ[4]։

Իր գործունեության ընթացքում Պետրուն առաջարկել է պատկերների ճանաչման բազմաթիվ կարևորագույն տեխնիկաներ, այդ թվում՝ նյութակազմվածքի վերլուծություն, նկարների համեմատությունն և 3D չափում[4]։ Ալեքսանդր Կադիրովի հետ դարձել է հետևելու փոխակերպման մեթոդի համահեղինակ[7], պատկերների ներկայացման մեթոդ, որն ապահովում է դեմքերի ճանաչման ավելի արդյունավետ համակարգի աշխատանքը[8]։

Պետրուն եղել է նաև սիրողական ծաղրանկարիչ։ Մի անգամ նա առաջարկել է գործընկերներին հորինել աշխատանք, որը կարող էր արդուկել հագուստը։ Դա հետագայում բերել է ռոբոտատեխնիկայի ոլորտում համաեվրոպական նախագծի ստեղծմանը[4][9]։

Անձնական կյանք[խմբագրել | խմբագրել կոդը]

Ամուսնացել է աստղագետ Ֆիլ Պալմերի հետ, ունեցել են մեկ որդի։ Հետագայում բաժանվել են[4]։ Մահացել է 2012 թվականի հոկտեմբերին քաղցկեղից[4]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 Professor Maria Petrou
  2. ↑ https://www.ae-info.org/ae/User/Petrou_Maria
  3. ↑ Identifiants et Référentiels (ֆր.) — ABES, 2011.
  4. ↑ 4,0 4,1 4,2 4,3 4,4 4,5 4,6 4,7 «Professor Maria Petrou». The Daily Telegraph. 2012 թ․ նոյեմբերի 11. Վերցված է 2012 թ․ նոյեմբերի 12-ին.
  5. ↑ 5,0 5,1 5,2 5,3 «Maria Petrou, FREng». Imperial College London. Վերցված է 2012 թ․ նոյեմբերի 12-ին.
  6. ↑ «In Memoriam – Dr. Maria Petrou». IAPR. 2012 թ․ հոկտեմբերի 16. Վերցված է 2012 թ․ նոյեմբերի 12-ին.
  7. ↑ «The Trace transform and its applications» (PDF). IEEE. 2001.
  8. ↑ «A Trace transform based on subspace method for face recognition». IEEE Xplore. 2010. Վերցված է 2012 թ․ նոյեմբերի 12-ին.
  9. ↑ «CloPeMa». Clopema.eu. Արխիվացված է օրիգինալից 2018 թ․ հունիսի 9-ին. Վերցված է 2012 թ․ նոյեմբերի 12-ին.

Արտաքին հղումներ[խմբագրել | խմբագրել կոդը]

 ⛭ 
Ստացված է «https://hy.wikipedia.org/w/index.php?title=Մարիա_Պետրու&oldid=9433563» էջից