Մարիա Մացա
| Մարիա Մացա իտալ.՝ Maria Mazza | |
|---|---|
 | |
| Ծնվել է | նոյեմբերի 14, 1975 (48 տարեկան) կամ հունիսի 23, 1975[1] (48 տարեկան) |
| Ծննդավայր | Weehawken, Հուդզոն շրջան, Նյու Ջերսի, ԱՄՆ |
| Քաղաքացիություն |  Իտալիա |
| Մասնագիտություն | մոդել և դերասանուհի |
| Կայք | mariamazza.it |
 Maria Mazza Վիքիպահեստում | |
Մարիա Մացա (իտալ.՝ Maria Mazza, նոյեմբերի 14, 1975 կամ հունիսի 23, 1975[1], Weehawken, Հուդզոն շրջան, Նյու Ջերսի, ԱՄՆ[2][3]), իտալացի դերասանուհի, հեռուստահաղորդավարուհի և ֆոտոմոդել։
Կենսագրություն[խմբագրել | խմբագրել կոդը]
Կարիերա[խմբագրել | խմբագրել կոդը]
Ծնվել է ԱՄՆ-ում՝ ներգաղթյալ նեապոլցիների ընտանիքում։ 5 տարեկան հասակում ընտանիքի հետ տեղափոխվել է Սոկմա Վեզուվիանա քաղաք[4]։ Երիտասարդությունն անցկացրել է Սանտ Անաստազիա կոմունայում։
Երեք տարեկան հասակից Մարիան սկսել է դաշնամուր նվագել, իսկ վեց տարեկան հասակից՝ պարել։ 1996 թվականին մասնակցել է Միսս Իտալիա մրցույթին, որտեղ զբաղեցրել է 3-րդ տեղը և ստացել է «Միսս էլեգանտություն» տիտղոսը։ Որոշ ժամանակ որպես մոդել աշխատել է Միլանում, իսկ հետո դերասանական վարպետություն է սովորել Անտոնիո Սանայի մոտ։ 1997 թվականին հայտնվել է Rai 2 հեռուստաալիքի «Scirocco» ծրագրում։ Հաջորդ տարի որպես պարուհի հանդես է եկել «Domenica In» կիրակնօրյա ծրագրում։ Դերասանական առաջնաելույթը կայացել է 1998 թվականին՝ Canale 5 հեռուստաալիքի Կառլո Վանցինայի «50-ական թվականներ» մինի սերիալում, ապա որպես հյուր հայտնվել է «Quelli che il calcio» ֆուտբոլային շոուում։
2001 թվականին կայացել է Մարիայի առաջնաելույթը մեծ կինեմատոգրաֆիայում՝ Պինո Ամենդոլայի և Նիկոլի Պիստոիայի «Կախարդված լուսին» ֆիլմում։ Հետո սկսել է խաղալ Ֆաբիո Կանինոյի թատրոնում՝ «Fiesta» պիեսում։ 2002 թվականին նկարահանվել է Վալերիո Անդրեյի «Կատարյալ սեր» ֆիլմում, իսկ մեկ տարի անց Կառլո Կոնտիի հետ միասին սկսել է վարել «I raccomandati» ծրագիրը։ Որոշ ժամանակ վարել է Անգլիայի բրիտանական 4-րդ ալիքի Too fashion նորաձևության և բամբասանքների մասին ծրագիրը։
2006 թվականին Ալեսանդրո Սիանիի հետ միասին նկարահանվել է Ֆրանչեսկո Ռանիերի Մարտինոտիի «Ես լքում եմ քեզ, քանի որ սիրում եմ քեզ» ֆիլմում։ Նույն թվականի մարտին Ջանկարլո Մագալիի հետ հայտնվել է «Rai 2-ի Piazza Grande» ծրագրի 15-րդ թողարկման մեջ։ 2009 թվականին թատրոնում դեր է խաղացել Գիլերմո Մարինոյի «Non mi dire te l'ho detto» կատակերգությունում, իսկ հետո դարձել է Comedy Central ալիքի սեփական «Parla con la Mazza» ծրագրի հաղորդավարուհին։
2012-2014 թվականներին Մացան վարել է Canale 5 ալիքի «Avanti un altro!» ծրագիրը[5]։ 2013 թվականի սեպտեմբերի 21-ին Նեապոլում Լիլիանա դե Կյորտիսի, Կլեմենտինոյի, Սալի դա Վինչիի և Մարիո Տրևիի հետ միասին մասնակցել է Սուրբ Յանուարի տոնին` ստանալով մրցանակ իր կարիերայի ձեռքբերումների համար[6]։
Ընտանիք[խմբագրել | խմբագրել կոդը]
2005 թվականի սեպտեմբերի 5-ին ամուսնացել է Լյուդովիկո Լեթոյի հետ, որից ամուսնալուծվել է երեք տարի անց։ Որոշ ժամանակ հանդիպել է Ֆրանչեսկո Տոտտիի հետ[7]։ 2013 թվականից հանդիպել է Ամեդեո Քուալյատայի հետ։ Ունի դուստր՝ Սվևան (ծնվ․՝ 2014 թվականի հունիսի 26)։
«Նապոլի» ֆուտբոլային ակումբի երկրպագու է։ Ֆուտբոլային մամուլում հաճախ նրան անվանել են «Նապոլիի կնքամայր» (իտալ.՝ La madrina del Napoli)[8]։
Ֆիլմագրություն[խմբագրել | խմբագրել կոդը]
Թատրոն[խմբագրել | խմբագրել կոդը]
- Ֆիեստա (2001)
Կինո[խմբագրել | խմբագրել կոդը]
- Կախարդված լուսին (Stregati dalla luna, 2001)՝ Գաբրիելա
- Կատարյալ սեր (Un amore perfetto, 2002)՝ Բեթի
- Ես լքում եմ քեզ, քանի որ սիրում եմ քեզ (Ti lascio perché ti amo troppo, 2006)՝ Դանիելա
Հեռուստատեսություն[խմբագրել | խմբագրել կոդը]
- Աննի '50՝ Canale 5 (1998)
- Սիրոկկո՝ Rai 2 (1997)
- Ես ռեկոմանդատ եմ անում՝ Rai 1 (2003)
- Մեծ տարածք՝ Rai 2 (2006)
- Դեռ առաջ՝ Canale 5 (2012-2014)
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ «La dottoressa Արխիվացված 2018-02-01 Wayback Machine», video.mediaset.it]
- ↑ «Miss Italia: assegnati i titoli Delverde, Cinema e Eleganza», Adnkronos, 4 settembre 1996.
- ↑ Maria Mazza
- ↑ «Avanti un altro: Maria Mazza alla corte di Paolo Bonolis». davidemaggio.it. 30 agosto 2012. Վերցված է 1º maggio 2014-ին.
- ↑ Festa di san Gennaro
- ↑ WAGS – MARIA MAZZA, EX GIRLFRIEND OF FRANCESCO TOTTI Արխիվացված 2015-01-02 Wayback Machine (անգլ.)
- ↑ Strip col Napoli in Champions Maria Mazza come Sabrina Ferilli? (իտալ.)
Արտաքին հղումներ[խմբագրել | խմբագրել կոդը]
- Պաշտոնական կայք (իտալ.)
- Մարիա Մացա (անգլ.) Internet Movie Database կայքում
 | Վիքիպահեստն ունի նյութեր, որոնք վերաբերում են «Մարիա Մացա» հոդվածին։ |
| ||||||
