Մարիա Խեսուս Մոնտերո
| Մարիա Խեսուս Մոնտերո իսպ.՝ María Jesús Montero | |
.jpg)
| |
| Կուսակցություն՝ | Իսպանական սոցիալիստական բանվորական կուսակցություն[1] |
|---|---|
| Կրթություն՝ | Սևիլյայի համալսարան |
| Մասնագիտություն՝ | քաղաքական գործիչ և բժիշկ |
| Ծննդյան օր | փետրվարի 4, 1966[2][1] (57 տարեկան) |
| Ծննդավայր | Սևիլյա, Իսպանիա[1] |
| Քաղաքացիություն |  Իսպանիա
|
| Ի ծնե անուն | իսպ.՝ María Jesús Montero Cuadrado |
Մարիա Խեսուս Մոնտերո (իսպ.՝ María Jesús Montero, փետրվարի 4, 1966[2][1], Սևիլյա, Իսպանիա[1]), իսպանացի պետական և քաղաքական գործիչ։ 2018 թվականի հունիսի 7-ին Սանչեսի առաջին կաբինետում նշանակվել է ֆինանսների նախարար։ 2020 թվականի հունվարի 13-ից Սանչեսի երկրորդ կաբինետում ֆինանսների նախարար և Իսպանիայի կառավարության պաշտոնական նախագահ[3]։
Կենսագրություն[խմբագրել | խմբագրել կոդը]
Մարիա Խեսուս Մոնտերոն ծնվել է 1966 թվականի փետրվարի 4-ին Սևիլյայում՝ դասախոսների ընտանիքում։ Ավարտել է Սևիլյայի համալսարանը, ունի բժշկական և վիրաբուժական գիտական աստիճան, ինչպես նաև ստացել է կառավարման մագիստրոսի աստիճան EADA բիզնես դպրոցում։ Աշխատել է հիվանդանոցում որպես ադմինիստրատոր։ 1986 թվականից մինչև 1988 թվականը եղել է Անդալուսիայի երիտասարդական խորհրդի մարգինալացման կոմիտեի նախագահ, ապա այդ կազմակերպության գլխավոր քարտուղար մինչև 1990 թվականը։ Իսպանիայի սոցիալիստական բանվորական կուսակցության կազմից ընտրվել է Անդալուզիայի խորհրդարան Սևիլյայի ընտրատարածքից[4]։
2002 թվականից սեպտեմբերից մինչև 2004 թվականի ապրիլն ընկած ժամանակահատվածում զբաղեցրել է Անդալուզիայի առողջապահության նախարարի տեղակալի պաշտոնը, որից հետո գլխավորել է այդ նախարարությունը մինչև 2012 թվականի մայիսը։ Այնուհետև զբաղեցրել է Անդալուզիայի սոցիալական ապահովության նախարարի պաշտոնը[5]։ Առողջապահության նախարարության ղեկավար լինելու ժամանակ նախաձեռնել է կրկնակի բժշկական եզրակացության ներդրումը, նախաիմպլանտացիոն գենետիկական ախտորոշման հասանելիությունը, գենետիկ խորհրդատվությունը կամ արժանի մահը[6]։
2013 թվականի սեպտեմբերի 9-ից մինչև 2018 թվականի հունիսի 6-ը եղել է Անդալուզիայի ֆինանսների և պետական կառավարման նախարար։ Նախարարության ղեկավար լինելու ժամանակ մշակել և հաստատել է հինգ բյուջե՝ առանց խորհրդարանում բացարձակ մեծամասնության. մեկը՝ «Միավորված ձախերի» և չորսը՝ «Քաղաքացիներ- Քաղաքացիական կուսակցության» հետ[7][8]։
Իսպանիայի նախագահ Պեդրո Սանչեսը կառավարության նախկին ղեկավար Մարիանո Ռախոյի հրաժարականից հետո Մարիա Խեսուս Մոնտերոյին նշանակել է երկրի ֆինանսների նախարար, իսկ Ֆիլիպ VI թագավորը հաստատել է նշանակումը թագավորական հրամանագրով։ 2018 թվականի հունիսի 7-ին երդվել էր թագավորի առաջ՝ Սարսուելա պալատում[9][10][10][11]։
2020 թվականի հունվարի 13-ից Սանչեսի երկրորդ կաբինետում ֆինանսների նախարար և Իսպանիայի կառավարության պաշտոնական նախագահ։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=320&idLegislatura=13
- ↑ 2,0 2,1 http://www.parlamentodeandalucia.es/webdinamica/portal-web-parlamento/composicionyfuncionamiento/diputadosysenadores.do?codmie=963&nlegis=10&codorg=3&cirele=0&accion=Ver%20Diputados
- ↑ «В новом правительстве Испании будет 22 министерских портфеля»։ ТАСС։ 2020-01-12։ Վերցված է 2020-03-05
- ↑ Montero Cuadrado, María Jesús
- ↑ María Jesús Montero, la médica que saneó las cuentas de Andalucía
- ↑ El Parlamento andaluz aprueba la primera ley de muerte digna en España
- ↑ Susana Díaz prescinde de los fieles a Griñán e incorpora cinco caras nuevas a su Gobierno
- ↑ Andalucía aprueba sus cuentas de 2018 con un presupuesto de 34.759 millones, un 4,5 % más
- ↑ María Jesús Montero, ministra de Hacienda
- ↑ 10,0 10,1 Real Decreto 357/2018, de 6 de junio, por el que se nombran Ministros del Gobierno
- ↑ Los 17 del «Consejo de Ministras y Ministros» de Sánchez prometen ante el Rey
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մարիա Խեսուս Մոնտերո կատեգորիայում։ |