Մարիաստելլա Ջելմինի

Վիքիպեդիայից՝ ազատ հանրագիտարանից
Jump to navigation Jump to search
Մարիաստելլա Ջելմինի
իտալերեն՝ Mariastella Gelmini
Mariastella Gelmini 2021 (cropped).jpg
 
Կուսակցություն՝ Ազատության ժողովուրդ, Առա՜ջ, Իտալիա և Forza Italia?
Կրթություն՝ University of Brescia?
Մասնագիտություն՝ քաղաքական գործիչ և փաստաբան
Դավանանք կաթոլիկություն
Ծննդյան օր հուլիսի 1, 1973(1973-07-01) (49 տարեկան)
Ծննդավայր Լենո, Բրեշիա, Լոմբարդիա, Իտալիա
Քաղաքացիություն Flag of Italy.svg Իտալիա
Ի ծնե անուն իտալերեն՝ Mariastella Gelmini
 
Կայք՝ mariastellagelmini.it

Մարիաստելլա Ջելմինի (անգլ.՝ Mariastella Gelmini, հուլիսի 1, 1973(1973-07-01), Լենո, Բրեշիա, Լոմբարդիա, Իտալիա), իտալացի իրավաբան և քաղաքական գործիչ, Սիլվիո Բերլուսկոնիի չորրորդ կառավարությունում կրթության, համալսարանների և գիտական հետազոտությունների նախարար (2008-2011)։

Կենսագրություն[խմբագրել | խմբագրել կոդը]

Ծնվել է 1973 թվականի հուլիսի 1-ին։ Երկու տարի սովորել է Կրեմոնի Մանինի լիցեյում, որոշ ժամանակ` Բագատայի լիցեյում (Դեզենցանո դել Գարդա), իսկ միջնակարգ կրթությունն ավարտել է շրջանային մասնավոր «Արիչի» լիցեյում։ Հետագայում ավարտել է Բրեշիայի համալսարանը` 110 հնարավորից ստանալով 100 միավոր և ավարտական ատենախոսությունը պաշտպանելով «Հանրաքվե շրջանային նախաձեռնությամբ» թեմայով։ Բարեհաջող քննություն է հանձնել Ռեջիո դի Կալաբրիայի փաստաբանական խորհրդում, պրակտիկան անցկացրել նույն տեղում և Բրեշիայում[1]։

Ակտիվորեն մասնակցել է Բերլուսկոնիի «Առա'ջ, Իտա'լիա» կուսակցության ստեղծանը (ականատեսների վկայությամբ 1994 թվականին շաբաթվա երկու օրը նվիրել է կուսակցական գործունեությանը)։ 1998 թվականին նույն կուսակցության աջակցությամբ ընտրվել է Դեզենցանո դել Գարդայի համայնքային խորհրդի քարտուղար, 2000 թվականին զրկվել է պաշտոնից։ 2002 թվականին հողային հարցերի մասնագետի պաշտոնով մտել է Բրեշիա գավառի վարչական կազմ, 2004 թվականին նույն տեղում ստանձնել է գյուղատնտեսության ասեսորի պաշտոնը։ 2002-2007 թվականներին դարձել է Դեզենցանո դել Գարդայի համայնքային խորհրդի պատգամավոր, իսկ 2005 թվականին «Առա'ջ, Իտա'լիա» կուսակցության ցուցակով ընտրվել է Լոմբարդիայի նահանգային խորհուրդ` իր մանդատը պահպանելով մինչև 2006 թվականը[2]։ 2005 թվականին դարձել է կուսակցության համակարգողը Լոմբարդիայում, 2006 թվականին կուսակցական ցուցակով ընտրվել Իտալիայի Պատգամավորական պալատի անդամ, 2008 թվականին վերընտրվել է, իսկ 2013 թվականին ընտրվել է Բերլուսկոնիի միացյալ աջակենտրոն «Ազատության ժողովուրդ» կուսակցության ցուցակով[3]։

2008 թվականի հոկտեմբերի 29-ին Սենատը վերջնական ընթերցումով ընդունել է Ջելմինիի նախագիծը կրթության կառուցվածքի մասին (օրենք 169/2008): Դրա կողմերից մեկը առավել բարդ ընթացակարգն էր տարրական դպրոցի ավարտական քննություններում անբավարար գնահատական ստացածների համար այն նպատակով, որ դա սահմանափակվի միայն բացառիկ հանգամանքներով[4]։

Կրթական համակարգը կանոնակարգող այս օրենքը և նորմատիվ մի քանի ակտեր, որոնք ընդունվել են Ջելմինիի` նախարարությունը գլխավորելու ժամանակ, մամուլում ստացել են «Ջելմինիի բարեփոխումներ» անունը։ 2013 թվականի ապրիլին Լացիոյի նահանգային վարչական դատարանը որոշում է ընդունել այս ռեֆորմի մի քանի նորմերի փոփոխման մասին, որոնք վերաաբերել են հատուկ միջնակարգ կրթությանը։ Մասնավորապես, ապօրինի են ճանաչվել տարբեր առարկաների ժամերի բաշխումը, որոնք հաստատել էր Ջելմինին[4]։

2018 թվականի մարտի 28-ին Պատգամավորական պալատում ընտրվել է «Առա'ջ, Իտա'լիա» ֆրակցիայի առաջնորդ[5]։

Անձնական կյանք[խմբագրել | խմբագրել կոդը]

Մարիաստելլայի եղբայր Ջուզեպեն եղել է Միլցանո քաղաքի փոխքաղաքապետը. այդ նույն պաշտոնը ավելի վաղ զբաղեցրել է նրանց հայրը։ Քույրը` Չինցիան, ինչպես և նրանց մայրը, տարրական դպրոցի ուսուցչուհի է, նաև` «Աշխատանքի իտալական համընդհանուր դաշնության» արհմիության ակտիվիստ։ Մարիաստելլա Ջելմինին ամուսնացել է ձեռնարկատեր Ջորջո Պատելիի հետ, նրանք ունեն դուստր` Էմմա անունով (ծնվ.` 2010): Սիրելի կատարողներն են Ադրիանո Չելենտանոն և Վասկո Ռոսին։ 2011 թվականի Mondadori հրատարակչությունը հրատարակել է Մարիաստելլա Ջելմինիի հեքիաթների գիրքը` «Ե՞րբ ես դու մեծանալու» (իտալերեն՝ Quando diventerai grande) վերնագրով։

Ծանոթագրություններ[խմբագրել | խմբագրել կոդը]

  1. «Mariastella Gelmini, Ministro dell'Istruzione: un ritratto»։ Donna (it-IT)։ 2011-08-24։ Արխիվացված է օրիգինալից 2016-06-11-ին։ Վերցված է 2018-08-20 
  2. «Mariastella Gelmini, Deputato Parlamento - Corriere.it Rovagnate»։ rovagnate.corriere.it (իտալերեն)։ Վերցված է 2018-08-20 
  3. «Biografia di Mariastella Gelmini» (it-IT)։ Վերցված է 2018-08-20 
  4. 4,0 4,1 «L'abc della legge Gelmini - Il Sole 24 ORE»։ www.ilsole24ore.com։ Վերցված է 2018-08-20 
  5. «Pd: Delrio capogruppo Camera, Marcucci al Senato. Per Fi Gelmini-Bernini - Politica»։ ANSA.it (իտալերեն)։ 2018-03-27։ Վերցված է 2018-08-20 

Արտաքին հղումներ[խմբագրել | խմբագրել կոդը]