Մարիամ Զաքարիա
 | |
|---|---|
 | |
| Ծնվել է | սեպտեմբերի 27, 1985 (39 տարեկան) |
| Ծննդավայր | Թեհրան, Իրան |
| Քաղաքացիություն |  Շվեդիա |
| Կրոն | իսլամ և հինդուիզմ[1] |
| Մասնագիտություն | դերասանուհի և մոդել |
Մարիամ Զաքարիա (սեպտեմբերի 27, 1985, Թեհրան, Իրան), շվեդ-իրանցի դերասանուհի, որն աշխատել է Բոլիվուդում և հարավ հնդկական կինեմատոգրաֆիայում[2][3]։ Նրան առավել հայտնիություն է բերել «Գործակալ Վինոդ» բոլիվուդյան մարտաֆիլմում և «Ցրվել ամբողջությամբ 2» բոլիվուդյան կատակերգությունում կատարած աշխատանքը։
Կենսագրություն
[խմբագրել | խմբագրել կոդը]Ծնվել է Թեհրանում։ Որպես մոդել, պարի ուսուցչուհի և խորեոգրաֆ աշխատել է Շվեդիայում, ստեղծել է «Indisk Dans Studio» բոլիվուդյան պարերի դպրոցը, որն առաջինն էր Շվեդիայում[4]։ 2009 թվականին տեղափոխվել է Մումբայ (Հնդկաստան) և սկսել է աշխատել Բոլիվուդում։ Սկզբնական շրջանում եղել է մոդել և հայտնվել է տարբեր հեռուստատեսային գովազդային տեսահոլովակներում, որոնցից առավել նշանակալի են եղել Set Wet, Layz և Coke գովազդները[5]։ Զաքարիան դերասան Իմրան Խանի հետ հայտնվել է նաև Կոկա–Կոլայի գովազդում։
YouTube-ում Մարիամի պարի տեսանյութը տեսնելուց հետո թամիլցի ռեժիսոր Սունդար Ս․-ն դերասանուհուն հրավիրել է իր «Nagaram» ֆիլմում պարային համար կատարելու[6][7]։ «100 տոկոսանոց սեր» ֆիլմի «Diyalo Diyala» համարում Զաքարիայի ելույթը նրան ճանաչում է բերել Հարավային Հնդկաստանում[8]։ Հետո «Բուլկին օշարակում» տելուգու լեզվով ֆիլմում (2011) խաղացել է գլխավոր կանացի դերերից մեկը։ 2012 թվականին նկարահանվել է Մուազ Բեգի «Sadda Adda» ֆիլմի համարում[9]։
Սաիֆ Ալի Խանի հետ «Գործակալ Վինոդ» ֆիլմում Զաքարիան կատարել է Փարախ Ֆակեշի դերը և «Dil Mera Muft Ka» երգի տակ Կարինա Կապուրի հետ պարել է մուջրա, որը Բոլիվուդում նրան բերել է ճանաչում։ 2012 թվականին նկարահանվել է Ինդրա Կումարի «Ցրվել ամբողջությամբ 2» պատկերում, որի թողարկումը կայացել է 2013 թվականի սեպտեմբերի 13-ին։ Այս կինոժապավենը Հնդկաստանում դարձել է А (միայն մեծահասակների համար) հավաստագրով ամենադրամարկղային բոլիվուդյան ֆիլմը[10]։
Բացի այս ֆիլմից նույն թվականին նկարահանվել է «Արջունա» տելուգու լեզվով նկարահանված ֆիլմում, որտեղ խաղացել է գլխավոր դերերից մեկը, սակայն պատկերի թողարկումը հետաձգվել է անորոշ ժամանակով[11]։
2017 թվականին՝ երեք տարվա ընդմիջումից հետո, «Firangi» ֆիլմի համար «Guldaban» երգում որպես պարուհի կայացել է նրա վերադարձը, բայց ֆիլմը վարձույթում ձախողվել է[12]։
Ֆիլմագրություն
[խմբագրել | խմբագրել կոդը]Որպես item համարների պարուհի
[խմբագրել | խմբագրել կոդը]| Տարի | Անվանում | Բնօրինակ անվանում | Երգ |
|---|---|---|---|
| 2010 | Նագարամ | Nagaram | Thika Thika |
| 2011 | 100 տոկոսանոց սեր | 100% Love | Diyalo Diyala |
| 2012 | Մեր վայրը | Sadda Adda | Dilli Ki Billi |
| 2012 | Գործակալ Վինոդ | Agent Vinod | Dil Mera Muft Ka |
| 2012 | Քո կամ իմ ցանկությունը | Naa Ishtam | Jilele Jilele |
| 2012 | Ռոուդի Ռատհոր | Rowdy Rathore | Aa Re Pritam Pyare |
| 2013 | Չակրադհաար | Chakradhaar | Billori |
| 2013 | Օր Դ | D-Day | Ek Ghadi |
| 2014 | Անդադար | Anjaan (թամիլ.) | Bang Bang Bang |
| 2017 | Օտարերկրացի | Firangi | Guldaban |
Ծանոթագրություններ
[խմբագրել | խմբագրել կոդը]- ↑ https://www.missmalini.com/2014/11/07/maryam-zakaria-decided-baby-grand-masti/
- ↑ «Swedish Sizzle». India Today. 30 апреля 2011. Վերցված է 2018 թ․ ապրիլի 8-ին.
- ↑ «Maryam Zakaria». Վերցված է 2018 թ․ ապրիլի 8-ին.
- ↑ «Set Wet commercial girl Mushtaq Ahmed in Tollywood». Deccan Chronicle. 2011 թ․ սեպտեմբերի 29. Արխիվացված է օրիգինալից 2011 թ․ հոկտեմբերի 4-ին. Վերցված է 2018 թ․ ապրիլի 8-ին.
- ↑ «Itsy bitsy – Balancing act». The Hindu (անգլերեն). 2012 թ․ փետրվարի 11. Արխիվացված է օրիգինալից 2012 թ․ հուլիսի 19-ին. Վերցված է 2018 թ․ ապրիլի 8-ին.
- ↑ Sizzling item number in Nagaram Արխիվացված 2014-01-22 Wayback Machine. Sify.com/
- ↑ Where are all the item girls? — Times Of India Արխիվացված 2013-10-23 Wayback Machine. Articles.timesofindia.indiatimes.com.
- ↑ The girl who follows her dreams Արխիվացված 2012-02-23 Wayback Machine. Postnoon.
- ↑ «Swedish Model Dances To Dilli Ki Bill». NDTV Movies. 2011 թ․ ապրիլի 20. Արխիվացված է օրիգինալից 2012 թ․ ապրիլի 2-ին. Վերցված է 2018 թ․ ապրիլի 8-ին.
- ↑ My goal was to become a Bollywood actress: Maryam Zakaria | Hindi Movie News - Times of India
- ↑ Maryam Zakaria Photos: Latest
- ↑ Maryam Zakaria excited about her dance song with Kapil Sharma in Firangi | Entertainment News, The Indian Express
 | Վիքիպահեստն ունի նյութեր, որոնք վերաբերում են «Մարիամ Զաքարիա» հոդվածին։ |
| ||||||
