Մարգո Քիդեր

Մարգո Քիդեր
Ծնվել է	հոկտեմբերի 17, 1948
Ծննդավայր	Ելոունայֆ, Կանադա
Մահացել է	մայիսի 13, 2018[…] (69 տարեկան)
Մահվան վայր	Livingston, Մոնտանա, ԱՄՆ
Կրթություն	Havergal College? և Magee Secondary School?
Քաղաքացիություն	Կանադա և ԱՄՆ
Կրոն	աթեիզմ
Մասնագիտություն	հեռուստատեսային դերասանուհի, կինոդերասանուհի, ձայնային դերասանուհի, կինոպրոդյուսեր և թատրոնի դերասանուհի
Ծնողներ	հայր՝ Sidney "Kendall" Kidder?
Ամուսին(ներ)	Thomas McGuane?, Ջոն Հերդ և Philippe de Broca?
Համատեղ ապրող(ներ)	Բրայան դե Պալմա
Պարգևներ և մրցանակներ	Academy of Canadian Cinema and Television Award for Best Performance by an Actress in a Leading Role? և Daytime Emmy Award for Outstanding Performer in Children's Programming?
	margotkidder.com

Մարգո Քիդեր (անգլ.՝ Margot Kidder, հոկտեմբերի 17, 1948(1948-10-17)^[1]^[2], Ելոունայֆ, Կանադա - մայիսի 13, 2018(2018-05-13)^[3]^[4]^[1]^[…], Livingston, Մոնտանա, ԱՄՆ^[3]^[4]), կանադա-ամերիկյան դերասանուհի և պրոդյուսեր, որի կարիերան շարունակվել է հինգ տասնամյակ։ Արժանացել է երեք «Ջինի» մրցանակների, «Էմմի» և «Սատուրն» մրցանակների^[6]։

Կենսագրություն և կարիերա[խմբագրել | խմբագրել կոդը]

Ձախից աջ․ Քլինթ Ուոքեր, Մարգո Քիդեր և Ջոն Էրիկսոն, «Առատաձեռն մարդ» ֆիլմում (1972)

Մարգարետ Ռութ Քիդերը ծնվել է Կանադայի հյուսիսում գտնվող Ելոունայֆում, հինգ երեխանե ունեցող ընտանիքում։ Նրա մայրը եղել է ուսուցչուհի, իսկ հայրը՝ լեռնային ինժեներ։ Մարգո Քիդերը իր կարիերան սկսել է կանադական հեռուստատեսությունում վաթսունական թվականների վերջին և նկարահանվել է հիմնականում վեստերններում։ Առանձնակի հաջողություն է ունեցել 1973 թվականին՝ ռեժիսոր Բրայան դե Պալմայի «Քույրեր» ֆիլմում դերակատարմամբ^[7]։ Հաջորդ տարի նա կատարել է գլխավոր դերեր «Հանգիստ օր Բելֆաստում» և «Սև Սուրբ ծնունդ» ֆիլմերում և արժանացել Կանադայի բարձրագույն «Ջինի» երկու մրցանակ։ Քիդերն իր հայրենիքում հաջողության հասնելուց հետո՝ 1975 թվականին տեղափոխվել է ԱՄՆ և նկարահանվել հոլիվուդյան երեք ֆիլմերում՝ «Մեծն Ուոլդո Պեպերը», «Փիթեր Փրաուդի վերամարմնավորումը» և «92 աստիճան ստվերում»։

Մարգո Քիդերն առավել մեծ ճանաչում է ձեռք բերել Լոիս Լեյնի դերի շնորհիվ Սուպերմենի մասին պատմող հոլիվուդյան կինոֆիլմերի շարքում՝ «Սուպերմեն» (1978), «Սուպերմեն 2» (1980), «Սուպերմեն 3» (1983) և «Սուպերմեն 4։ Պայքար խաղաղության համար» (1987)^[7]։ Նրա կարիերայում մեծ հաջողություն է դարձել նաև 1979 թվականի՝ կոմերցիոն տեսակետից հաջող «Ամիտիվիլի սարսափը» ֆիլմում կատարած գլխավոր դերը, որից հետո նա հանդես է եկել «Շաբաթ երեկոյան ուղիղ եթերում» հայտնի կատակերգական շոուում և վերջնականապես հաստատել այդ ժամանակաշրջանի առաջատար դերասանուհիներից մեկի կարգավիճակը^[7]։ 1982 թվականին Քիդերը նհարահանվել է կոմերցիոն առումով հաջող «Այ թե հերոս է» ֆիլմում, իսկ հետո վերադարձել է Կանադա՝ գլխավոր դեր խաղալով «Սրտային տառապանքներ» ֆիլմում և ստացել է իր երրորդ «Ջինի» մրցանակը^[6]։

Ութսունական թվականներին կեսերին Քիդերի կարիերան երկրորդ պլան է մղվել, և նա հիմնականում մամուլի ուշադրությունը գրավել է հարբեցողությամբ և տրամադրության տատանումների շնորհիվ^[7]։ 1990 թվականին նա, հարբած վիճակում մեքենա վարելով «Նենսի Դրյուն և աղջիկը» ֆիլմի նկարահանումների ժամանակ, լուրջ վթարի է ենթարկվել և հրաժարվել է վիրաբույժների միջամտությունից, ինչի հետևանքով հաջորդ երկու տարին գամված է եղել հաշվանդամի սայլակին, իսկ այդ ընթացքում շարունակվել է նրա հայցի հիման վրա դատավարությունն այդպես էլ չավարտած ֆիլմի արտադրող ստուդիայի դեմ, որը դերասանուհու պատճառով վնասներ է կրել^[7]։

1992 թվականին Քիդերը հայտարարել է իր սնանկացման մասին և վաճառել իր ունեցվածքը, այդ թվում թանկարժեք զարդերն ու տունը^[7]։ Նա երկրորդ պլանի դերեր է կատարել, ինչպես նաև հանդես է եկել թատրոնում և դերասանական վարպետության դասեր տվել^[7]։ 1996 թվականի գարնանը Քիդերը կրկին ուշադրության կենտրոնում է հայտնվել նրա մեղադրանքների շնորհիվ, որ իր դեմ դավադրություն է կազմակերպվում, իսկ հետո անհետացել է երեք օրով և գտնվել Կալիֆորնիայի Գլենդելի բակերից մեկում․ նա եղել է ցնցտիներով և արտասանել չկապակցված խոսքեր^[7]^[8]։ Դրանից հետո նրան տեղափոխել են հոգեբուժարան, սակայն գործընկերների աջակցության շնորհիվ նույն տարվա աշնանը էկրան է վերադարձել՝ նկարահանվելով «Բոստոն Քոմոն» հեռուստասերիալում^[7]։ Հաջորդ տարիներին նա հայտնվել է այնպիսի սերիալներում, ինչպիսիք են «Հրեշտակի հպումը», «Կարգ ու կանոն։ Հատուկ կորպուս» և «Եղբայրներ և քույրեր» սերիալները, ինչպես նաև երկրորդ պլանի դերեր է խաղացել հաջողություն չունեցած մի շարք ֆիլմերում, որոնց թվում են եղել «Բռնել մարդասպանին», «Բոբ», «Ուրվականի դիմակ», «Երիտասարդ Այվենհո» և «Հելոուին 2» ֆիլմերը։

Անձնական կյանք[խմբագրել | խմբագրել կոդը]

Քիդերը սիրավեպեր է ունեցել Կանադայի վարչապես Պիեռ Տրյուդոյի, ռեժիսորներ Բրայան դե Պալմայի ու Սթիվեն Սփիլբերգի և դերասան Ռիչարդ Պրայորի հետ^[7]։ Երեք անգամ ամուսնացած է եղել։ Առաջին ամուսնությունը եղել է սցենարիստ Թոմաս Մաքգուեյնի հետ 1975-1976 թվականներին, երկորդը՝ դերասան Ջոն Հերդի հետ (1979), իսկ երրորդը՝ ռեժիսոր Ֆլիպ դե Բրոքի հետ (1983-1984)։ Առաջին ամուսնությունից ունեցել է դուստր՝ Մեգի Մաքգուեյնը (ծնված 1976 թվականի հոկտեմբերի 28-ին)։ Մեգին հետագյում ամուսնացել է գրող Ուոլտեր Քիրնի հետ։

Մինչև 2005 թվականը Քիդերը եղել է Կանադայի քաղաքացի, բայց հետո, դեմ լինելով Իրաքում ԱՄՆ-ի միջամտությունը, ընդունել է ԱՄՆ-ի քաղաքացիությունը՝ պատճառաբանելով, որ ուզում է մասնակցել քվեարկություններին և չվախենալ բողոքների համար արտաքսվելուց։

Քիդերը տառապել է երկբևեռ աֆեկտիվ խանգարմամբ^[8]։

Մահ[խմբագրել | խմբագրել կոդը]

Դերասանուհին մահացել է 2018 թվականի մայիսի 13-ին Մոնտանայի Լիվինգստոն քաղաքում գտնվող իր տանը, 69 տարեկան հասակում և հայտնաբերվել է ընկերներից մեկի կողմից։ Մահվան պատճառը սկզբնապես չի հրապարակվել։ Քիդերի գործակալը հայտարարել է, որ նա մահացել է երազում։ Միայն օգոստոսի 8-ին հայտարարվել է, որ Քիդերն ինքնասպան է եղել դեղորայքի և ալկոհոլի մեծ չափաբաժին ընդունելով, ինչը պաշտոնապես հաստատվել է Պարկ շրջանի կորոների կողմից^[9]։

Քիդերի մահից հետո «DC Comics» հրատարակչությունը, որին պատկանում են «Սուպերմենի» իրավունքները, Twitter-ի իր էջում գրառում է հրապարակվել․ «Շնորհակալություն այն բանի համար, որ եղել է Լոիս Լեյնը, ում ազդեցությամբ մեծացել են մեզանից շատերը։ Հանգչիր խաղաղությամբ, Մարգո Քիդեր»։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 filmportal.de — 2005.
↑ ^2,0 ^2,1 GeneaStar
↑ ^3,0 ^3,1 ^3,2 ^3,3 ^3,4 ^3,5 Margot Kidder, Lois Lane of 'Superman' Films, Dead at 69 / J. Wenner — NYC: Jann Wenner, 2018. — ISSN 0035-791X
↑ ^4,0 ^4,1 ^4,2 ^4,3 ^4,4 ^4,5 https://www.franzen-davis.com/notices/Margaret-MargotKidder
↑ ^5,0 ^5,1 geni.com(բազմ․) — 2006. — ed. size: 175000000
↑ ^6,0 ^6,1 «Awards for Margot Kidder»։ Internet Movie Database։ Արխիվացված է օրիգինալից 2013-01-18-ին։ Վերցված է 2012-12-13
↑ ^7,0 ^7,1 ^7,2 ^7,3 ^7,4 ^7,5 ^7,6 ^7,7 ^7,8 ^7,9 «Margot Kidder- Biography»։ Yahoo!։ Արխիվացված է օրիգինալից 2013-01-18-ին։ Վերցված է 2012-12-13
↑ ^8,0 ^8,1 Reed J. D. (1996-09-23)։ «Starting Over»։ People։ Արխիվացված է օրիգինալից 2013-01-18-ին։ Վերցված է 2012-12-13
↑ Superman Star Margot Kidder's Cause of Death Revealed

[_648e913f9d711fdb-1] 1,0 ^1,1 ^1,2 ^1,3 ^1,4 filmportal.de — 2005.

[_a79546f52a000523-2] 2,0 ^2,1 GeneaStar

[_0e3d96db429a1faf-3] 3,0 ^3,1 ^3,2 ^3,3 ^3,4 ^3,5 Margot Kidder, Lois Lane of 'Superman' Films, Dead at 69 / J. Wenner — NYC: Jann Wenner, 2018. — ISSN 0035-791X

[_c935d6304bee4f83-4] 4,0 ^4,1 ^4,2 ^4,3 ^4,4 ^4,5 https://www.franzen-davis.com/notices/Margaret-MargotKidder

[_74eb957b5f047d14-5] 5,0 ^5,1 geni.com(բազմ․) — 2006. — ed. size: 175000000

[awards-6] 6,0 ^6,1 «Awards for Margot Kidder»։ Internet Movie Database։ Արխիվացված է օրիգինալից 2013-01-18-ին։ Վերցված է 2012-12-13

[yahoo-7] 7,0 ^7,1 ^7,2 ^7,3 ^7,4 ^7,5 ^7,6 ^7,7 ^7,8 ^7,9 «Margot Kidder- Biography»։ Yahoo!։ Արխիվացված է օրիգինալից 2013-01-18-ին։ Վերցված է 2012-12-13

[Over-8] 8,0 ^8,1 Reed J. D. (1996-09-23)։ «Starting Over»։ People։ Արխիվացված է օրիգինալից 2013-01-18-ին։ Վերցված է 2012-12-13

[9] Superman Star Margot Kidder's Cause of Death Revealed

[1]

[2]

[3]

[4]

[5]

[6]

[7]

[8]

[9]